မန္တလေးတိုင်းဒေသကြီးအတွင်း တရားဝင်နေထိုင်သော ပြည်တွင်းနေနိုင်ငံခြားသားဦးရေ ငါးထောင်ကျော်ရှိကြောင်း မန္တလေးတိုင်း ဒေသကြီး အစိုးရအဖွဲ့မှ တိုင်းဒေသကြီးလွှတ်တော်ပထမအကြိမ် ပဉ္စမပုံမှန်
အစည်းအဝေးသို့ တင်သွင်း သည့် အစီရင်ခံစာတွင် ဖော်ပြထားသည်။
မန္တလေးတိုင်းအတွင်း ပြည်တွင်းနေ နိုင်ငံခြားသားများတွင် အိန္ဒိယနှင့် တရုတ်လူမျိုးများ အများဆုံးဖြစ်ပြီး အိနိယနိုင်ငံသား ၁၈၅၉ ဦး၊ တရုတ်နိုင်ငံသား ၁၃၂၅ ဦး၊ ဘင်္ဂလားဒေ့ရှ် နိုင်ငံသား ၈၈၉ ဦး၊ ပါကစ္စတန် နိုင်ငံသား ၁၀၃ ဦးနှင့် အခြားနိုင်ငံများ၂၄၇၂ ဦး၊ စုစုပေါင်း
၅၈၄၈ ဦးရှိကြောင်း ၎င်းအစီရင်ခံစာတွင် ဖော်ပြထားသည်။
၎င်းတို့ကို နှစ်စဉ်ဒီဇင်ဘာလတွင် အခွန်ဆောင်စေခြင်း၊ ခရီးသွားလာမှု
ကြီးကြပ်ခြင်း၊ မွေးဖွားမှု၊ သေဆုံးမှုတို့ကို အချိန်နှင့် တစ်ပြေးညီ
လျှောက်ထားစေခြင်း၊ အသက်(၁၂) နှစ်ပြည့် မှတ်ပုံတင် လက်မှတ်
ထုတ်ပေးခြင်း၊အသက်(၁၈) နှစ်ပြည့် နိုင်ငံခြားသားမှတ်ပုံတင်
ပြုလုပ်ပေးခြင်းတို့ကို ဆောင်ရွက်ပေးနေသည်ဟု ဆိုသည်။
မန္တလေးတိုင်းဒေသကြီးတွင် အစိုးရ သစ်လက်ထက်အတွင်း သတ်မှတ်
ဥပဒေနှင့်အညီ နေထိုင်သော နိုင်ငံခြားသားများအနက် နိုင်ငံသားပြုခွင့် လက်မှတ်ရရှိသူ ၁၄၁ ဦး၊ ဧည့်နိုင်ငံသားလက်မှတ်ရရှိသူ လေးဦး၊
နိုင်ငံသားလက်မှတ်ရရှိသူ ၁၅ ဦးရှိသည်။
ပြည်တွင်းနေ နိုင်ငံခြားသားများ၏ စည်းကမ်းဖောက်ဖျက်မှုများကို စိစစ်ဖော်ထုတ်၍ ဥပဒေလုပ်ထုံး လုပ်နည်းနှင့်အညီ နိုင်ငံခြားသား မှတ်ပုံတင်ရေး အက်ဥပဒေပုဒ်မ -၅ (၁) အရ တရားစွဲဆိုမှုများရှိခဲ့ပြီး ကိုးဦးကို အရေးယူနိုင်ခဲ့ကြောင်း အစီရင်ခံစာတွင် ဖော်ပြထား
သည်။
အလားတူပင် အစိုးရသစ်လက်ထက် မန္တလေးတိုင်းဒေသကြီးအတွင်း ဧည့်နိုင်ငံသားနှင့် နိုင်ငံသားပြုခွင့်ရသူ လက်မှတ် ထုတ်ပေးမှုစာရင်းအရ ဧည့်နိုင်ငံသား ၁၆၆ ဦး၊ နိုင်ငံသားပြုခွင့် လက်မှတ် ၃၁၇ ဦးတို့ဖြစ်ကြောင်း သတင်းရရှိသည်။
7Day News Journal
No comments:
Post a Comment