မြန်မာနိုင်ငံကူးလက်မှတ်( Passport)ထုတ်ပေးရေး ရုံးခွဲကို မြန်မာနိုင်ငံ အထက်ပိုင်း အတွက် မန္တလေးမြို့ တွင်လာမည့် ဇူလိုင်လ ပထမပတ်တွင် စတင်ဖွင့်လှစ်တော့မည်ဖြစ်ကြောင်း နိုင်ငံပိုင် သတင်းဌာန က ကြေညာပါတယ်။
ရန်ကုန်ရှိ နိုင်ငံကူးလက်မှတ် ထုတ်ပေးရေး ရုံးသို့ လာရောက်ရန် ခက်ခဲမှုများ ရှိတာကြောင့် မန္တလေးတိုင်းနှင့် အထက်ပိုင်း မြန်မာနိုင်ငံမှ နိုင်ငံသားများအား အဆင်ပြေချောမွေ့စေရန်ဟု နိုင်ငံကူးလက်မှတ်ထုတ်ပေးရေးအဖွဲ့ တာဝန်ရှိသူတဦးက ပြောသည်။
မန္တလေး နိုင်ငံကူးလက်မှတ်ထုတ်ပေးရုံးသည် ရန်ကုန် နိုင်ငံကူးလက်မှတ် ထုတ်ပေးရေးရုံး၏ လုပ်ထုံး လုပ်နည်းအတိုင်း နိုင်ငံကူးလက်မှတ်များကို ၂၁ ရက်နှင့် အပြီး ထုတ်ပေးသွားမည်ဖြစ်သည်။
ကုန်ကျစာရိတ်မှာလည်း စုစုပေါင်း ၃ သောင်းခွဲ ၀န်းကျင်သာ ဖြစ်ကြောင်း၊ သို့သော် ကုန်ကျစာရိတ်ပေးသွင်းမှု သည် ရန်ကုန် ရုံးကဲ့သို့ တနေရာတည်းတွင် ပေးသွင်းရမည်မဟုတ်ဘဲ မြန်မာ့စီးပွားရေး ဘဏ်သို့ ပေးသွင်းရ မည်ဖြစ်သည်။
နိုင်ငံကူး လက်မှတ် လျှောက်ထားသူများအနေဖြင့် ထုံးစံအတိုင်း နိုင်ငံသားမှတ်ပုံတင်၊ အိမ်ထောင်စု စာရင်းဝင် ( ပုံစံ- ၁၀ )၊ တက္ကသိုလ် ဘွဲ့ရ ဖြစ်ပါက ပညာရေး ကင်းရှင်းကြောင်း ထောက်ခံချက်၊ အသက် ၁၀ နှစ်အောက် ကလေးများဖြစ်ပါက မွေးစာရင်းပါရှိရမည်ဖြစ်ပြီး အငြိမ်းစား ၀န်ထမ်းများ ဖြစ်ပါက အလုပ်မှ အလုပ်မှ နုတ် ထွက်စာ သို့မဟုတ် ပင်စင်စားများ ဖြစ်ပါက ပင်စင်စာအုပ်ယူဆောင်လာရမည်ဖြစ်သည်ဟု သိရသည်။
No comments:
Post a Comment