မြို့ပြမှာ အလုပ်တွေမောလို့ စိတ်ကြည်နူးစရာရယ်လို့ ပြန်တွေးမိရင် ကိုယ့်ဇာတိက ငယ်ဘဝတွေဆိုရင် မှားမယ် မထင်ပါဘူး။ အနုပညာရှင်တွေထဲမှာလည်း အနယ်နယ်အရပ်ရပ်က သူတွေ ရှိပါတယ်။ သူတို့တွေရော.. သူတို့ရဲ့ ဇာတိမြေကို ဘယ်လိုလွမ်းလဲဆိုတာ ဒီလိုပဲ မေးဖြစ်ခဲ့သမျှ ဖော်ပြပေးလိုက်ပါတယ်။
ကျွန်တော့်အဖေက ဝန်ထမ်းဆိုတော့ နယ်တကာပြောင်းခဲ့ရတာ။ မော်လမြိုင်၊ မုံရွာကို ပြောင်းခဲ့ရတယ်။ ဒါကြောင့် ကျွန်တော့်ရဲ့ မွေးရပ်ဇာတိကို ပြန်ခံစားလို့ရတာက မုံရွာမြို့ကပါ။ မုံရွာမြို့မှာ ကြီးပြင်းခဲ့တာပါ။ အခုထက်ထိလည်း အဖေအမေတွေက မုံရွာမြို့မှာ ခုထက်ထိတိုင် ရှိပါတယ်။ မုံရွာမြို့ကနေ
မန္တလေးတက္ကသိုလ်ကို တက်ခဲ့ရတာပါ။ ကျွန်တော့်ရဲ့မွေးရပ်ဇာတိကို သတ်မှတ်ချင်တယ်ဆိုရင်တော့ မုံရွာမြို့ကို သတ်မှတ်လို့ရပါတယ်။ ကျွန်တော်က မုံရွာမြို့ ရုံးကြီးရပ်မှာ နေပါတယ်။
မုံရွာမြို့က ကျွန်တော့်အတွက် အမှတ်တရတွေ အများကြီး ကျန်ခဲ့ပါတယ်။ အနုပညာပိုးတွေ ကျွန်တော့် သွေးသားထဲမှာ ပါလာတာကို ရှင်သန်အောင် လုပ်ပေးတဲ့ ဆရာတွေနဲ့ တွေ့တဲ့နေရာပါ။ ပြီးတော့ အနုပညာဆိုတာက ဘာလည်း ဆိုတာကို တိတိကျကျလေးသိအောင် သင်ပေးခဲ့တယ်။ အတွေ့အကြုံတွေ ရှိခဲ့တယ်။ ဆရာတွေရှိတဲ့ အရပ်ဆိုတော့ ကျွန်တော့်အတွက် အမှတ်တရတွေ အများကြီးရှိခဲ့ပါတယ်။
ကျွန်တော့် ဆရာကောင်းတွေ ရှိခဲ့တဲ့ နေရာတွေပါ။ မုံရွာမြို့ဆိုတာ အနုပညာသမားတွေ အများဆုံးရှိတဲ့ နေရာပါ။ ကဗျာဆရာတွေ အများကြီး ရှိသလို၊ ရေဆေးပန်းချီဆရာတွေ၊ ရေဆေးပန်းချီပွဲတွေ အများကြီး ရှိခဲ့တယ်။ အနုပညာသမား အများအပြား ထွက်ရှိခဲ့ပေမယ့် သီချင်းသမားကတော့ နည်းပါတယ်။ ကျွန်တော့် မွေးရပ်ဇာတိမှာ ငယ်ဘဝတွေကို ပြန်ပြောရရင် အများကြီးပဲ။
ကျွန်တော် ငယ်ငယ်တုန်းကဆိုရင် ကျွန်တော့်အဖေက ကျွန်တော်ကစားရင် ထိမိမှာခိုက်မိမှာ အရမ်းကြောက်တယ်လေ။ အဲဒီတော့ ငယ်ငယ်တုန်းက သူများကလေးတွေ ဆော့နေတဲ့အချိန်မှာ မဆော့ရဘူးဗျ။ အိမ်ထဲမှာပဲနေစေပြီး စာအုပ်တွေကို မေမေက ဖတ်ခိုင်းခဲ့တယ်။ အဲဒီတုန်းကတော့၊ ရွှေသွေး၊ တိုင်းရင်းမေတို့ အစပေါ့ဗျာ။ အကုန်လုံးကို ဝယ်ပေးထားတယ်။
အဲဒီကစပြီး (၅) တန်း (၆) တန်းက စပြီး စာဖတ်ဝါသနာပါခဲ့တယ်။ အဲဒီဟာလေးတွေကလည်း ထူးခြားချက် တစ်ခုအနေနဲ့ အနုပညာ ဝါသနာပါခဲ့တယ်။ ကျွန်တော်မုံရွာ မှာ (၁၀) တန်းအောင်ပြီးကတည်းက သီချင်းတွေ စရေးနေပါပြီ။ မုံရွာမြို့မှာတော့ နှံ့နှံ့စပ်စပ် သွားလေ့ရှိတာမျိုးတော့ မရှိဘူး။
ကျွန်တော် အမြဲတမ်း သွားတဲ့နေရာလေးတော့ ရှိတယ်။ ကိုစောထွန်း၊ ကိုသန်းထွန်းတို့ ကဗျာဆရာညီအစ်ကို နှစ်ယောက်ရှိခဲ့တယ်။ “တောတန်းအိုင်” ဆိုတဲ့ လက်ဖက်ရည်ဆိုင်လေးကို အမြဲတမ်း သွားလေ့ရှိတယ်။ တစ်ချိန်ကျရင် ကျွန်တော့် ဆရာဖြစ်လာမယ့် သူတွေပေါ့။ မွေးရပ်မြေကို မနှစ်ကမှ တစ်ခေါက်ပဲပြန်ဖြစ်တယ်။
မပြန်ဖြစ်တာ (၁၅) နှစ်လောက် ရှိပြီ။ မနှစ်က ပြန်သွားတုန်းကတော့ (၂) ပတ်လောက် အားရပါးရ လိုက်နေခဲ့တယ်။ ကျွန်တော့် ဆရာညီအစ်ကို နှစ်ယောက်နဲ့လည်း တွေ့ခဲ့တယ်။ အားရပါးရ စကားတွေလည်း ထိုင်ပြောဖြစ်ခဲ့တယ်။ နွေးနွေးထွေးထွေး ပြန်ဖြစ်ခဲ့တယ်။ ကျွန်တော် မုံရွာကို အလွမ်းဆုံးအချိန်က ဆောင်းတွင်းလေးပါ။
ဘာဖြစ်လို့လဲဆိုတော့ နွေဆိုရင် ကျွန်တော်တို့မြို့က အရမ်းပူပြီး နေထိုင်ရ အရမ်းခက်ပါတယ်။ မိုးဆိုတာမရှိဘဲ တစ်နှစ်လုံးနေမှ သုံးလေးခေါက်ပဲရွာတယ်။ ဆောင်းတွင်းလေးကတော့ အရမ်းချမ်းပြီး ပြင်ဦးလွင်မြို့လိုမျိုး အရမ်းနေလို့ ကောင်းပါတယ်။ ကျွန်တော့်စိတ်ထဲမှာ အိမ်ကို အရမ်းလွမ်းမိလို့ သီချင်းနှစ်ပုဒ်ရေးထားတယ်။ သီချင်း နာမည်က “အိမ်ပြန်ဖြစ်တဲ့နေ့ရက်များ” နှစ်ပုဒ်ကို တစ်နှစ်လို့ ပေးထားတယ်။ ကိုယ်ပိုင်သံစဉ်လေးပေါ့။ အဲဒီသီချင်းနှစ်ပုဒ်ကို ဘယ်သူ့ကိုမှ မပေးဘဲ။
ကျွန်တော့် အနေနဲ့တစ်သက်မှာ တစ်ခွေဆိုဖို့ဆိုတဲ့ အခွေလေးရှိတယ်။ အဆိုပိုင်းကို နည်းနည်းကြာသွားတဲ့အတွက် အဲဒီသီချင်းနှစ်ပုဒ်က ကြာခဲ့တာပါ။ တီးတဲ့ပိုင်းက အစအဆုံး ပြီးသွားပြီ။ တကယ်လုိ့ ကျွန်တော် မဆိုဖြစ်ခဲ့ရင် အလိုက်ဖက်ဆုံးထင်တဲ့ အဆိုတော်တစ်ယောက်ကို ဆိုခိုင်းဖို့လည်း အစီအစဉ်ရှိပါတယ်။
No comments:
Post a Comment