လူသားများ၏ ဆီးအတွင်း၌ တွေ့ရှိရသည့် ဆဲလ်များကို ဦးနှောက် ဆဲလ် အဖြစ်သို့ ပြောင်းလဲ ဖန်တီးနိုင်ခဲ့ကြောင်း သိပ္ပံပညာရှင် များ ၏ လေ့လာ စမ်းသပ်ချက်များ အရ သိရသည်။အဆိုပါ လက်တွေ့ စမ်းသပ်မှုများကို တရုတ်နိုင်ငံမှ ပင်စည်ဆဲလ်လေ့ လာဆန်းစစ်သူ ဇီဝဗေဒပညာရှင် တွမ်ချင်ပေ ဦးဆောင်သော အဖွဲ့ကပြု လုပ်ခဲ့ပြီး လူသားများ၏ စွန့်ပစ်ပစ္စည်းတစ် မျိုးဖြစ်သော ကျင်ငယ် များထဲမှ ဆဲလ် များကို တစ်ချိန်ချိန်၌ ရောဂါရှာဖွေ ခြင်းနှင့် ကုသ၍ မရနိုင်တော့သည့် အာရုံကြော ဆိုင်ရာရောဂါများ ကုသရာတွင် အသုံးချနိုင်ဖွယ်ရှိကြောင်း သိပ္ပံ ပညာရှင် များ၏ လေ့လာချက် များအရ သိရသည်။
သိပ္ပံပညာရှင်များသည် လူသားတို့၏ ကျင်ငယ်(ဆီး) များအတွင်း မှတွေ့ရှိရသော ဆဲလ်များကို 'neural progenitor cells'' ဟု အမည်ပေး ထား သည့် ဦးနှောက်ဆဲလ်များ အဖြစ်သို့ ပြောင်း လဲခဲ့ခြင်း ဖြစ်ပြီး လူသား များ၏ ကျင်ငယ်(ဆီး) အတွင်းမှ တွေ့ရှိရသော ဆဲလ်များသည် အရေပြားနှင့် သွေး နမူနာ များတွင် တွေ့ရှိရသော ဆဲလ်များထက် ပို၍ အသုံးဝင်ကြောင်း သိပ္ပံပညာရှင်များ၏ လေ့လာချက်များ အရ သိရသည်။
မြ၀တီ
No comments:
Post a Comment