၂၅.၁၂.၂၀၁၂
ရက်နေ့ ၀၉၅၀ အချိန်တွင် ပဲခူးတိုင်းဒေသကြီး၊ ရေတာရှည်မြို့နယ်၊
ရန်ကုန်-မန္တလေးအမြန်လမ်း၊ မိုင်တိုင်အမှတ် ၁၆၈/၅ နှင့် ၁၆၈/၆ အကြား
ကန်ဘဲ့တံတား၌ ယာဉ်တိမ်း မှောက်မှုဖြစ်ပွားကြောင်း သတင်းအရ
သာဂရအမြန်လမ်းရဲစခန်းမှ တပ်ဖွဲ့ဝင်များသည်အခင်းဖြစ်နေရာ သို့
သွားရောက်စစ်ဆေးခဲ့ရာ မန္တလေးမှ ရန်ကုန်သို့ မန္တလေးမြို့၊
ချမ်းအေးသာဇံမြို့နယ်နေ ခင်မောင်ထွန်း(၄၀)နှစ် မောင်းနှင်သည့် ၂ဃ/xxxx
မစ်ဇူဘီရှိပါဂျဲရိုး(အဖြူရောင်)ယာဉ်မှာ အရှိန် မထိန်းနိုင်ဘဲ တံတားအုတ်ခုံအား ၀င်တိုက်ပြီး အောက်သို့ပြုတ်ကျခဲ့သည်။ယာဉ်တိမ်းမှောက်မှုကြောင့် ခင်မောင်ထွန်းမှာ ၀ဲဂျိုစောင်းပွန်းပဲ့ဒဏ်ရာများရရှိပြီး ယာဉ်ပေါ် ပါလာသူ ဒဂုံမြို့နယ်နေ ကိုသာဂေါ(ခ)အိုက်ထွေး(၃၂)နှစ်မှာ ၀ဲနံရိုး(၃)ချောင်းကျိုး၊ ၀ဲမျက်ခုံးပွန်းပဲ့ ဒဏ်ရာ၊ ၀ဲနားထင်ပွန်းဒဏ်ရာ၊ ၀ဲလက်ဖျံပွန်းပဲ့ဒဏ်ရာများရရှိခဲ့သဖြင့် ၄င်းတုိ့အား နေပြည်တော် ကုတင်(၁၀၀၀)ဆေးရုံသို့ တင်ပို့ကုသခဲ့သည်။ ယာဉ်မဆင်မခြင်မောင်းနှင်သူ ခင်မောင်ထွန်းအား သာဂရအမြန်လမ်းရဲစခန်း(ပ)၂၀/၂၀၁၂၊ ပြစ်မှုပုဒ်မ ၃၃၈ ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်
No comments:
Post a Comment