ရှမ်းပြည်နယ်မြောက်ပိုင်းကျောက်မဲမြို့၊ပင်လုံလမ်းနှင့်
စိတ္တသုခလမ်းဆုံရှိ မီးပွိုင့်အနီး၌ တာဝန်ထမ်းဆောင်နေသည့် ယာဉ်ထိန်းရဲအား
အရပ်သားတစ်ဦးမှ ကိုယ်ထိလက်ရောက် ကျူးလွန်သည့် ဖြစ်ရပ်အား ဇန်န၀ါရီလ (၂၇)ရက်နေ့ နံနက်ပိုင်းတွင် ဖြစ်ပွားခဲ့သည်။...
ကိုယ်ထိလက်ရောက် ကျူးလွန်ရခြင်းမှာ ယာဉ်ထိန်းရဲမှ ဆိုင်ကယ်စီးသူအား ဆိုင်ကယ်စီးရာတွင် ဦးထုပ်ဆောင်းစီးရန် ပြောဆိုခြင်းကို ဘာမှပြန်မပြောဘဲ ကိုယ်ထိလက်ရော ကျူးလွန်လိုက်ခြင်း ဖြစ်သည်ဟု မျက်မြင်သက်သေများထံက သိရှိရသည်။
“လမ်းပေါ်မှာကန့်လန့်ရပ်ထားတဲ့ ဆိုင်ကယ်ပိုင်ရှင်ကို မီးပွိုင့်က တာဝန်ကျယာဉ်ထိန်းက ဦးထုပ်ဆောင်းဖို့နဲ့ ဆိုင်ကယ်ကို အဲ့ဒီလို မရပ်ဖို့ပြောတာ၊ ဆိုင်ကယ်ပိုင်ရှင်က ယာဉ်ထိန်းကို ဆွဲထိုးတော့တာပဲ” ဟု မျက်မြင်သက်သေတစ်ဦးက ပြောသည်။
အဆိုပါ ယာဉ်ထိန်းရဲအား ထိုးနှက်သူသည် အသက်(၂၉)နှစ်အရွယ်ရှိပြီး အမှတ်(၆)ရပ်ကွက် ဘူတာဝင်းအတွင်းတွင် နေထိုင်သူဖြစ်ကာ ယခင်က ဆိုင်ကယ်စီးဦးထုပ်မပါ၍ အဆိုပါ ယာဉ်ထိန်းရဲမှ ဖမ်းဆီးခဲ့ဖူးသူဖြစ်ခြင်းကြောင့် ယခုထပ်မံ၍ ဆိုင်ကယ်စီးဦးထုပ်ဆောင်ရန် ပြောဆိုသည့်အပေါ်တွင် မကျေနပ်၍ ထိုးနှက်ခဲ့ခြင်းဖြစ်သည်ဟု အနီးအနားဝန်းကျင်ရှိ ဒေသခံတို့က ဆိုသည်။
“ယာဉ်ထိန်းကတော့ ယာဉ်ထိန်းတာဝန်လုပ်မှာပဲ၊ ပြည်သူတွေက စည်းကမ်းလိုက်နာမယ်ဆို ဘယ်သူက ဖမ်းမှာလဲ၊ အဖမ်းမခံချင်ရင် ဦးထုပ်ဆောင်းပေ့ါ၊ အရာရှိတစ်ယောက်ကို ကိုယ်ထိ လက်ရောက်ကျူးလွန် တာတော့ မကောင်းပါဘူး” ဟု ကျောက်မဲမြို့ခံ အစိုးရ၀န်ထမ်း တစ်ဦးက ပြောသည်။
ဆိုင်ကယ်သော့တွဲကိုင်ဆောင်ထားသော လက်ဖြင့်ထိုးနှက်ခြင်းကြောင့် အဆိုပါ ယာဉ်ထိန်းရဲ မျက်နှာတွင် ဒဏ်ရာအနည်းငယ် ဒဏ်ရာရရှိကာ `ပြည်သူ့ဝန်ထမ်းအား တာဝန်ထမ်းဆောင် စဉ်ကိုယ်ထိလက်ရောက်ကျူးလွန်မှု´ဖြင့် တိုင်ကြားထားပြီး ကျူးလွန်သူ အမျိုးသားကို ကျောက်မဲရဲစခန်းမှ ထိန်းသိမ်းထားကြောင်း သိရှိရသည်။
“လူတွေက စည်းကမ်းမလိုက်နာကြတော့ တာဝန်ရှိသူတွေက ဖမ်းရဆီးရတယ်၊ ခဏခဏ ဖမ်းဆီးခံရတော့ တာဝန်ရှိသူတွေ မှာလည်း လူမုန်းခံရတယ်၊ တစ်ကယ်လို့သာ စည်းကမ်း လိုက်နာကြမယ်ဆို ဒီလိုကိစ္စတွေလဲ ဖြစ်လာမှာမဟုတ်ဘူး” ဟု ကျောက်မဲမြို့မှ ရဲအရာရှိတစ်ဦးက သုံးသပ်သည်။
ကျောက်မဲမြို့တွင် ယခုနှစ် ဇန်န၀ါရီလအတွင်း ယာဉ်စည်းကမ်းမလိုက်နာမှုနှင့်ယာဉ်မတော်တဆမှုကြောင့် သေဆုံးသူ နှစ်ဦးရှိခဲ့ကြောင်း သိရသည်။
No comments:
Post a Comment