ပြည်တွင်းစစ်ပွဲ များကြောင့် အသက် ဆုံးရှုံးခဲ့ရတဲ့ ကရင်တိုင်းရင်းသားတွေရဲ့ အကြောင်းရယ် မြန်မာနိုင်ငံမှာ ပထမဆုံး ဖြစ်ပျက်ခဲ့တဲ့ လေယာဉ်ပြန်ပေးဆွဲမှုဖြစ်ရပ်မှန် အကြောင်းရယ်ကို ပေါင်းစပ်ထားတဲ့ ဇာတ်လမ်းကို နိုင်ငံတကာနည်းတူ ပြသနိုင် ဖို့ရည်ရွယ်ပြီး “ငြိမ်းချမ်းပါစေဇွဲကပင်မြေ” လို့ အမည်ပေးပြီး ရုပ်ရှင်အဖြစ် ရိုက်ကူး သွားမှာဖြစ်တယ်လို့ ဒီဇာတ်ကားကို ရိုက်ကူးမယ့် ဒါရိုက်တာအဏ်ထော်နီက The Voice ကိုပြောပြပါတယ်။
အဲဒီရုပ်ရှင်ကို အချိန်ပေး ရိုက်ကူးရမှာဖြစ်ပြီး သိန်းသုံးထောင်လောက် ကုန်ကျခံ ရိုက်ကူးမှာဖြစ်ကြောင်း၊ ကမ္ဘာ့ရာဇဝင် တွင်တဲ့ ဒီလေယာဉ်ပြန်ပေး ဆွဲမှုကို မြန်မာနိုင်ငံရှိ KNU အဖွဲ့အစည်းက ပထမဆုံး ပြန်ပေးဆွဲခဲ့တဲ့ သမိုင်းကို မှတ်တမ်းတင် ရိုက်ကူးချင်လို့ ပြန်ပေးဆွဲတုန်းက ပါခဲ့တဲ့ KNU အဖွဲ့ဝင်တစ်ဦးရဲ့မြေးနဲ့အတူ မြဝတီကို ရက်နှစ်ဆယ်ကြာ သွားရောက်
စုံစမ်းလေ့လာခဲ့ကြောင်း၊ ပြည်တွင်းဈေးကွက်သာမက ပြည်ပဈေးကွက်ကိုပါ ဖောက်ထွက်နိုင်အောင်လို့ ရိုက်ကူးရေးအတွက် လိုအပ်တဲ့ စက်မှုဆိုင်ရာ ပစ္စည်းတွေကို ထိုင်းနိုင်ငံကနေ ငှားရမ်းအသုံးပြု ရိုက်ကူးမှာဖြစ်ကြောင်း ဒါရိုက်တာ အဏ်ထော်နီက ဆိုပါတယ်။
အကုန်အကျခံ ရိုက်ကူးပေးမယ့် ထုတ်လုပ်သူ ပေါ်ထွက်လာတာကြောင့် မကြာခင်အချိန်မှာ ဒီဇာတ်ကားဟာ အကောင်အထည် ပေါ်လာတော့မှာဖြစ်တယ် လို့လည်း သူက ပြောပါသေးတယ်။
"နာမည်ကြီး သရုပ်ဆောင်တွေက ဒီဇာတ်လမ်းအတွက် အချိန်ပေး ရိုက်ကူးနိုင်မယ်မထင်လို့ သရုပ်ဆောင်အသစ် တွေနဲ့ အကောင်းဆုံး လေ့ကျင့် ရိုက်ကူးသွားမှာပါ။ ဒီဇာတ်ကားကို ဒါရိုက်တာ အောင်ကိုလတ်ရဲ့ ကယန်းအလှ ရုပ်ရှင်လိုမျိုး အကောင်းဆုံး ရိုက်ကူးမှာပါ" လို့ သူကပြောဆိုပါတယ်။
၈၈ ကျောင်းသူ မဝင်းမော်ဦး အကြောင်းကို ရိုက်ကူးဖို့ အဆင်သင့်ဖြစ်နေပြီလို့ ဆိုတဲ့ ဒါရိုက်တာအဏ်ထော်နီက အဲဒီ ဇာတ်ကားထက် ပိုမိုအကုန်ကျ များတဲ့အပြင် တာဝန်ယူ အကုန်အကျခံမယ့် ထုတ်လုပ်သူလည်း ရှိတဲ့ “ငြိမ်းချမ်းပါစေ ဇွဲကပင်မြေ” ဆိုတဲ့ ဒီဇာတ်လမ်းကို အရင် ရိုက်ကူးတော့မှာ ဖြစ်ပါတယ်။
The Voice Weekly
No comments:
Post a Comment