အဆိုပါဖြစ်ရပ်မှာ ထိုနေ့ညနေ ၅ နာရီအချိန်ခန့်က ကြီးပွားရေးရပ်ကွက်၊ ကျန်စစ်သားလမ်း၊ … နေအိမ်တွင် သူခိုးကပ်နေကြောင်း အော်ဟစ်အကူအညီတောင်းသံကြားရ၍ အနီးရှိ ဘောလုံးကစားသူ၊ အရန်မီး သတ်နှင့် ရဲတပ်ဖွဲ့မှ တာဝန်ရှိသူများက သွားရောက်ခဲ့ရာ အဆိုပါအိမ်အတွင်းမှ လူတစ်ဦးထွက်ပြေးသည်ကို တွေ့ရပြီး လိုက်လံဖမ်းဆီးရာ နေအိမ်ခြေရင်း နှစ်အိမ်ကျော်ရှီ ဦးပြည်ကျော်၏ နေအိမ်အောက်မှ ထွန်းထွန်းဝင်း ကို ငွေကျပ်တစ်သိန်းငါးထောင်နှင့်အတူ ဖမ်းဆီးရမိခဲ့ကြောင်း သိရသည်။
ယင်းနောက် ၄င်းခိုးယူခဲ့သည့် အိမ်အတွင်းသွားရောက်စစ်ဆေးရာ အိမ်ရှင်ဒေါ်မြင့်မြင့် (၇၇ နှစ်) မှာ လည်ပင်းရှေ့ဘက်နှင့် ယာဘက်ပြတ်ရှဒဏ်ရာ ၀ဲဘက်လက်ညှိးနှင့်လက်မကြား ပြတ်ရှဒဏ်ရာများနှင့် တွေ့ရပြီး နေအိမ်အပေါ်ထပ်သို့ တက်ရောက်ရှာဖွေရာ အိမ်ရှင်ဦးဝင်းကြိုင်(၇၅နှစ်) တွင် ယာရင်အုံ၊ ၀မ်းဗိုက် ဓားထိုးသွင်းဒဏ်ရာ၊ လည်ပင်း၊ ယာပေါင် ပြတ်ရှဒဏ်ရာများ ရရှိထားသည်ကို တွေ့ရှိရသဖြင့် သင်္ဃန်းကျွန်း၊ စံပြ ဆေးရုံသို့ ပို့ဆောင်ကုသစေခဲ့ကြောင်း၊ ဆေးကုသခံယူနေစဉ် ဦးဝင်းကြိုင်မှာ သေဆုံးသွားခဲ့ကြောင်း သိရ၍ သုဝဏ္ဏရဲစခန်းက(ပ)၃၁၁/၂၀၁၁ ပုဒ်မ-၇၃၉/၃၀၂(၁)(ဂ)ဖြင့် အမှုဖွင့်ကာ ဖမ်းဆီးစစ်ဆေးလျက်ရှိကြောင်း သိရ သည်။
ယင်းသို့ စစ်ဆေးရာတွင် ထွန်းထွန်းဝင်း(၃၀ နှစ်) ပုံ(ဘ-ဦးကျော်ရှိန်) ၏ထွက်ဆိုချက်များအရ ၄င်းသည် ဧရာဝတီတိုင်းဒေသကြီး၊ ၀ါးခယ်မမြို့နယ်၊ ကျုံမငေးမြို့တွင် နေထိုင်သူဖြစ်ကြောင်း၊ အဆိုပါနေအိမ် တွင် ၂၀၁၁ ခုနှစ်အတွင်း လေးကြိမ်လာရောက်ခိုးခဲ့ကာ ပထမအကြိမ်တွင် ငွေကျပ်နှစ်သိန်းကျော်၊ ဒုတိယအ ကြိမ်တွင် ကျောက်တစ်လုံးပါ ရွှေလက်စွပ်တစ်ကွင်း၊ ပုလဲလုံးများပါ ရွှေလက်ကောက်နှစ်ကွင်းနှင့် ငွေကျပ်တစ် သိန်းခန့်၊ တတိယအကြိမ်တွင် ငွေကျပ် ၁၀၅၀၀၀ ခိုးယူခဲ့ပြီး ယခုစတုတ္ထအကြိမ် ထပ်မံခိုးယူရန် အိမ်အတွင်း ပုန်းခိုခဲ့ပြီး ၃၀-၁၂-၂၀၁၁ ရက် ညနေ ၄ နာရီခွဲ အချိန်ခန့်တွင် ပုန်းခိုနေစဉ်မှ အပေါ်ထပ်သို့ တက်လာသော အိမ်ရှင် ဦးဝင်းကြိုင်က ၄င်းကိုမြင်တွေ့သွားခြင်းကြောင့် တစ်ဦးနှင့် တစ်ဦး လုံးထွေးသတ်ပုတ်ခဲ့ပြီး ဦးဝင်းကြိုင် ကို ဓားဖြင့် သုံးလေးချက်ဆက်တိုက်ထိုးခဲ့ကြောင်း၊ ဆက်လက်၍ အိမ်ပေါ်မှဆင်းပြေးလာစဉ် နေအိမ်အောက် ထပ်တွင် ဒေါ်မြင့်မြင့်က သူခိုးသူခိုးဟုအောင်၍ တားဆီးသောကြောင့် ဓားဖြင့် ယမ်းကာထွက်ပြေးခဲ့ကြောင်း ထွက်ဆိုချက်အရ သိရသည်ဟု ပြည်မြန်မာသတင်းဂျာနယ် မှ ရေးသားဖော်ပြလိုက်ပါသည်။
By: သစ်ထူးလွင်
No comments:
Post a Comment