တရုတ် ကမ္ဘာ့အကြီးဆုံး ဆည်တည်ဆောက်မှု နောက်ဆက် ပြဿနာများ (ဓာတ်ပုံ အက်ဆေး)

ယန်ဇီမြစ်သည် ကမ္ဘာ့ တတိယ အရှည် ဆုံး မြစ်ဖြစ်သလို တရုတ်ရဲ့ အဓိက ရေကြောင်းလမ်းလည်း ဖြစ်သည်။ တိဘက် ကုန်းပြင်မြင့်တွင် စတင်ပြီး တရုတ်ပြည် အရှေ့ဖက်တလျှောက် ဖြတ်စီးဆင်းသည်။ ၄င်း ပုံမှန် စီးဝင်နေကြ ရှန်ဟိုင်းအနီးရှိ
အရှေ့တရုတ်ပင်လယ်ထဲ ယခု စီးဝင်စရာ ရေမရှိသလို၊ မှီခိုအားထား ပြုနေတဲ့ လူသန်း ၄၀၀ အတွက်လည်း သောက်သုံးရေ မပေးနိုင် ဖြစ်နေသည်။
မြစ်ကြီးများ ပျက်ဆီးပစ်မှု အကျိုးဆက်အဖြစ် တရုတ် သဘာဝပတ်ဝန်းကျင် အခြေအနေမှာ ပိုမိုဆိုးရွား လာနေသည်။ အချင့်အချိန်မရှိ ဆည်တွေ ထုနဲ့ထည်နဲ့
တည်ဆောက်ခြင်း၊ ရေထုညစ်ညမ်းခြင်း၊ မြစ်ကြောင်းသဘာဝ ပြောင်းလဲပစ်ခြင်း တို့ကြောင့် နှစ်နှစ်ဆယ်အတွင်း ဆိုးရွားတဲ့ ရာသီဥတုနဲ့ သဘာဝဘေးဒဏ်ကို တရုတ်လူထု ခံစားကြရပြီး။
အထက်ပုံတွင် ဇီပင်ပူး ဆည်ကြီးအနီးရှိ မြစ်ရေထဲ ၂၀၀၈ မေလ ၁၂ ရက် စီချွမ် ငလျှင်ကြောင့် ပြိုကျခဲ့တဲ့ အပျက်အဆီး အပိုင်းအစအနများ  ကျရောက်ထားပြီး၊ တရုတ် ရဲနှစ်ဦး မော်တော်ဘုတ်ဖြင့် ခရီးဆက်နေစဉ်။


တရုတ် ဆည်တည်ဆောက်မှုနဲ့ မြစ်ရေတင်စီမံကိန်းများ ဆိုးကျိုးကို ကြုံကြရတဲ့ ဥပမာ တစ်ခုကတော့ နှစ်ပေါင်း ၂၄၀၀ နီးပါးရှိ မဟာတူးမြောင်းကြီး (Grand Canal) ဆက်လက် တည်တံ့ရေးလည်း ပါဝင်သည်။ အဲဒီ တူးမြောင်းက တရုတ် မြောက်ပိုင်း ပေကျင်းနဲ့ တောင်ပိုင်း ဟန်ဇို မြို့ကြီးနှစ်မြို့ မိုင် ၈၀၀ ကျော် ဆက်သွယ်ပေးထားခြင်း ဖြစ်သည်။ တူးမြောင်း ရည်ရွယ်ချက်က ဆန်နဲ့ အစားအစာ တင်ပိုဖို့ဖြစ်ပြီး ယခုထိလည်း ဒေသအချို့အတွက် အသုံးပြုနေကြဆဲ ဖြစ်သည်။
သို့သော် ၁၉ ရာစုကတည်းက တူးမြောင်းကြီးကို ထ်ိန်းသိမ်းမှုမရှိခြင်း၊ လျစ်လျှူရှုထားခြင်းတို့ကြောင့် ရေလွှမ်းမိုးမှုများ၊ ရေညစ်ညမ်းမှုများ အမြဲကြုံနေကြရသည်။ မကြာခင်ကတော့ ဆိုးရွားလာတဲ့ အခြေအနေကြောင့် တူးမြောင်း သန့်ရှင်းရေး စလုပ်ဖို့ ဒေသခံတွေက ၀ိုင်းအော်လာသည်။ ယခု ကျင်းစု ပြည်နယ် ၀ူဇီမြို့အနီး တူးမြောင်းထဲ သန့်ရှင်းရေး လှေတစ်စီး လှော်ခတ်သွားနေပုံ ဖြစ်သည်။


တရုတ် Grand Canal မှာ ကုလသမ္မဂ ယူနက်စကို အဖွဲ့ရဲ့ ကမ္ဘာ့ယဉ်ကျေးမှုအမွေအနှစ် ထိန်းသိမ်းရေး အစီအစဉ်တွင် ပါရှိသလို၊ နိုင်ငံခြားဧည့်သည် အများအပြား စွဲဆောင်ထားနိုင်တဲ့ နေရာလည်း ဖြစ်သည်။ စက်ရုံတွေရဲ့ စွန့်ပစ် အညစ်အကြေးများကြောင့် ဖြစ်ရတဲ့ ရေထုညစ်ညမ်းမှု ရှင်းလင်းဖို့နဲ့ တူးမြောင်းကို အမှီပြု နေထိုင်တဲ့ မြို့ပြလူဦးရေ များပြားမှု အတွက်ကြောင့် နိုင်ငံတကာမှ အကူအညီ အများအပြား ရရှိလေ့ရှိသည်။
၂၀၀၇ တွင် ၀န်ကြီးချုပ် ၀န်ကျားပေါင် က အမျိုးစီမံချက်ဖြင့် သောက်သုံးရေ ရရှိရေးအတွက် တူးမြောင်း သန့်ရှင်းရေး မလုပ်မဖြစ်လုပ်ကြဖို့ ဆော်ဩခဲ့သည်။ OECD နိုင်ငံများအဖွဲ့ လေ့လာမှုအရ တရုတ် သန်း ၃၀၀ ကျော်မှာ ညစ်ညမ်းတဲ့ တူးမြောင်းရေကို သောက်သုံးနေကြရပြီး၊ သန်း ၁၉၀ က ထိုတူးမြောင်းရေကြောင့် မကျန်းမမာမှုများ ဖြစ်နေသည်ဟု ဆိုသည်။ ယခု ပုံမှာ ၂၀၁၀ ခုနှစ် ပေးကျင်းမြို့အနီးရှိ တူးမြောင်းထဲ မျောလာတဲ့ အမှိုက်သရိုက်များကို အလုပ်သမား တစ်ယောက် ရှင်းလင်းနေစဉ်။


နောက်ထပ် တရုတ် တူးမြောင်း ပြဿနာ ဥပမာတစ်ခုကတော့ ယန်ဇီမြစ်မှ မြစ်ဝါမြစ်ကို ရေလွှဲပေးတဲ့ ‘တောင်-မြောက် ရေလွှဲပြောင်းရေး စီမံချက်’ ဖြစ်သည်။ တောင်ဘက် ရေလွှမ်းမိုးမှုကို သက်သာစေဖို့နဲ့ မြောက်ဘက် မိုးခေါင်မှုကို ကယ်တင်ဖို့ ဖြစ်သည်။ ဒေါ်လာ ဘီလီယံ ၆၀ ကုန်ကျတဲ့ စီမံကိန်းဖြစ်ပြီး၊ တရုတ် ခေါင်းဆောင်ကြီး မော်စီတုံး ရဲ့ အိပ်မက်ကို အကောင်အထည်ဖော်ကြခြင်း ဖြစ်သည်။ မော်က “တောင်ဘက်က ရေပေါတယ်၊ မြောက်ဘက်က ရေရှားတယ်။ ဖြစ်နိုင်ရင် မြောက်ဘက်ကို ရေချေးငှားပေးဖို့ လိုမယ်”ဟု မိန့်ခဲ့သည်။
သို့သော် စီမံချက်က ယခု သဘာဝပတ်ဝန်းကျင်ရေး အတွက် စိုးရိမ်စရာများ ဖြစ်လာသည်။ တောင်ဘက် ရေထုညစ်ညမ်း မှုကို မြောက်ဘက် ဖြတ်ပို့ပေးမယ့်ပုံ ဖြစ်နေသည်။ ၂၀၅၀ ခုနှစ်တွင် ရေလွှဲလမ်းကြောင်း သုံးခုဖြင့် တစ်နှစ် ရေဂါလံ ၁၂ ထရီလီယံ ကျော် ပို့ပေးမှာ ဖြစ်သည်။
ဖော်ပြပါပုံမှာ မြောက်ပိုင်း ဟာဘေး ပြည်နယ် ယီစီယန်မြို့ရှိ ရေလွှဲဆည် တစ်ခုပေါ် တရုတ် သမီးပျို သိုးကျောင်းနေပုံ ဖြစ်သည်။ သူမအပါဝင် ထိုဒေသရှိ လယ်သမားများမှာ မိုးခေါင်မှုဒဏ် အကြီးအကျယ် ခံကြရသည်။


ကမ္ဘာ့လူဦးရေ ၂၀ ရာခိုင်နှုန်းမှာ တရုတ်တို့ ဖြစ်သည်။ ကမ္ဘာ့ရေအရင်းမြစ်ရဲ့ ၇ ရာခိုင်နှုန်းက တရုတ်ပြည်တောင်ဘက်တွင် ရှိသည်။ တစ်နည်း တရုတ်ပြည်ရဲ့ ရေအရင်းအမြစ် ငါးပုံ လေးပုံက တောင်ဘက်တွင် ရှိသည်။ တောင်-မြောက် မြစ်ရေလွှဲမှု စီမံကိန်းမှာ ယန်ဇီမြစ်ကို အဓိက မှီခိုအားထားပြုထားသည်။ ၂၀၀၆ ခုနှစ်တွင် မြောက်ပိုင်း ဟူဘေး ပြည်နယ် ဒန်ဂျီယန်ခို ဆည်ကြီး ထိန်းသိမ်းဖို့ ဖာထေးနေကြတဲ့ အလုပ်သမားများ ပုံဖြစ်သည်။


တရုတ်ရဲ့ အကျော်ကြားဆုံးဆည်မှာ ဟူဘေးပြည်နယ် ယန်ဇီမြစ်တလျှောက်တွင် တည်ရှိတဲ့ ချောက်နက် သုံးခု အမည်ရ The Three Gorges ဆည်ကြီး ဖြစ်သည်။ ကမ္ဘာ့အံဖွယ် ၁၀ခုထဲ တစ်ခုပါဝင်တဲ့ တည်ဆောက်မှု ဖြစ်သည်။ ရေအားလျှပ်စစ် စက်ရုံများ တည်ဆောက်နိုင်မှု၊ မြေဟတ်တာပေါင်းများစွာ အသုံးပြုမှု၊ ကျောက်တုံးကျောက်ခဲ ဘိလပ်မြေများစွာ စံချိန်တင် အသုံးပြုမှု၊ ကမ္ဘာ့ ရေထုတ်လွှတ်အား အများဆုံးရှိမှု၊ လူ ၁.၁၃ သန်း နေရာ ရွှေ့ပြောင်းပစ်မှု တို့ကြောင့် ကျော်ကြားတဲ့ အံဖွယ်စီမံကိန်း ဖြစ်နေရသည်။
ဖော်ပြပါပုံမှာ ၂၀၁၀ ခုနှစ် ဆည်ကြီးမှ အကြီးမားဆုံး ရေထုတ်လွှတ်မှုဖြစ်ပြီး၊ ဇူလိုင်လထဲတွင် ရေလွှမ်းမိုးမှု ဖြစ်ခဲ့ရသည်။


ချောက်နက်ကြီးသုံးခု  TheThree Gorges ဆည်စီမံကိန်းမှာ ၁၉၉၄ ခုနှစ်တွင် စတင်ခဲ့ပြီး ဆယ်စုနှစ်တစ်ခုကျော် ကြာခဲ့သည်။ တရုတ်အစိုးရက ကမ္ဘာ့အကြီးဆုံး ဆည်ကြီး တည်ဆောက်ဖို့ လုပ်ခဲ့ရုံမက အကြီးမားဆုံး လူသား ပြောင်းရွှေ့ မှုများ လုပ်ခဲ့ရသလို၊ သဘာဝပတ်ဝန်းကျင် အကျိုးဆက်များကိုလည်း ကိုင်တွယ်ခဲ့ရသည်။
ထိုဆည်တည်ဆောက်မှု ရည်ရွယ်ချက်မှာ တောင်ဘက်ရေကြီးမှု ပြဿနာ ဖြေရှင်းဖို့နဲ့ လျှပ်စစ်စွမ်းအင် ထုတ်ယူဖို့ ဖြစ်သည်။ သို့သော် ဝေဖန်သူများက ပြဿနာပြေလည်စေရေးထက် ဂေဟစနစ် ပျက်ယွင်းမှု၊ ရှားပါး တိရိစ္ဆာန်များနဲ့ မျိုးစိတ်များ ပျောက်ကွယ်မှုအပါအ၀င် ရာသီဥတုအခြေအနေ ပိုမို ဆိုးရွားလာစေသည်ဟု ဆိုသည်။


The Three Gorges ဆည်ကြီးမှာ တရုတ်ရဲ့ နိုင်ငံခြားခရီးသွား စွဲဆောင်ရာ နေရာအဖြစ်လည်း သတ်မှတ်ထားသည်။ ထိုဆည်မှတဆင့် တိုးရစ်များ ယန်ဇီမြစ်တလျှောက် ဟိုဟိုဒီဒီ သွားကြည့်နိုင်သည်။ သို့သော် နိုင်ငံခြား ခရီးသွား စွဲဆောင်နိုင်ရေးအတွက် ပေးဆပ်ရမှုက ကြီးလှသည်။ ဆည်ရေ ဖောက်ချမှုကြောင့် မြေ စတုရန်းမိုင် ၄၀၀ ကျော် ရေလွှမ်းမိုးသွားခဲ့သည်။


The Three Gorges ဆည်ကြီး တည်ဆောက်မှုတွင် ရေအလုံပတ် ဆည်သေတ္တာ တည်ဆောက်မှု လုပ်ငန်းလည်း ပါဝင်ခဲ့သည်။ ၂၀၀၆ ဇွန်လ ၆ ရက်နေ့တွင် ၁၂ စက္ကန့်အတွင်း သေတ္တာကြီး ပွင့်ထွက်သွားပြီး ၁၀ ထပ်တိုက် အဆောက်အဦ အလုံး ၄၀၀ ပြိုလဲစေခဲ့သည်။ ပုံတွင် သေတ္တာဆည်ကြီးအနှး သန့်ရှင်းရေးလုပ်သားများ အမှိုက်လိုက်ဆယ်စဉ်။


တရုတ် ဆည်စီမံကိန်းများကြောင့် သန်းပေါင်းများစွာ နေရာ ရွှေ့ပြောင်းခံရတဲ့အထဲတွင် အနောက်တောင်ဘက် ချုံကင်းဒေသ ဂွန်တန် မြို့လေးမှ လူ ၂၂,၀၀၀ လည်း ပါဝင်သည်။ နှစ်ပေါင်း ၁၇၀၀ ရှိ ရှေးဟောင်း မြို့လေးမှာ ယန်ဇီမြစ်ပေါ်တွင် ရှေးဟောင်း အနုသုခုမ လက်ရာအမွေများနှင့် ပြည့်နေခဲ့သည်။
ယန်ဇီမြစ်ရဲ့ မြစ်လက်တက် တစ်ခုဖြစ်တဲ့ ၀ူဂျီယန်မြစ်တလျှောက် ဟိုက်ဒရိုပါဝါ စက်ရုံများ တည်ဆောက်လာတဲ့နောက် မြို့ကလေးကို မိုင်ပေါင်းများစွာဆီ ရွှေ့ပြောင်းပစ်ခဲ့သည်။ ပုံတွင် ၂၀၀၉ ခုနှစ်အတွင်း ကျေးရွာသားတစ်ဦး သူတို့ရိုးရာအိမ် ပြန်တည်ဆောက်ဖို့ ကျောက်တုံးသယ်ယူနေရပုံ ဖြစ်သည်။


၂၀၀၈ မေလ ၁၂ ရက်နေ့တွင် နှစ်ပေါင်း ၅၈ နှစ်အတွင်း အဆိုးရွားဆုံး ၇.၉ ပမာဏာရှိ ငလျှင်ကြီး တရုတ်ပြည် အနောက်ဖက် စီချွမ်ပြည်နယ်တွင် လှုပ်ခဲ့ပြီး လူ ၇၀,၀၀၀ ကျော် သေဆုံးခဲ့သည်။ ပျောက်ဆုံးသူ ၁၈,၀၀၀ ရှိခဲ့သည်။ မြေငလျှင်ပြီးနောက် တရုတ်ပညာရှင်များနဲ့ အမေရိကန်ပညာရှင်များ ပူးပေါင်း လေ့လာချက်အရ ဇီပင်းပူး ဆည်မှာ တစ်မိုင်ခန့်ရှိ မြေလွှာပြတ်ရွေ့ကြောင်းပေါ်တွင် တည်ဆောက်ထားမိသောကြောင့် ဖြစ်သည်။
ပုံတွင် မြေငလျှင်လှုပ်ပြီးနောက် အသက်ရှင်ကျန်သူများက အပျက်အစီးပုံကြား ဆွေးမျိုးသားချင်းများ ရှာနေခြင်း ဖြစ်သည်။


ရေတန်ချိန် ၃၂၀ သန်းရှိ ဇီပင်းပူးဆည် တည်ဆောက်ပြီး လေးနှစ်အကြာတွင် ငလျှင်ဒဏ်ကြောင့် ဆည်ကြီးလည်း ပျက်ဆီးလုလုဖြစ်ခဲ့ရသောကြောင့် စစ်သား ၂ သောင်းကျော် လွှတ်ပြီး ဆယ်တည်ငြိမ်ရေး ဆောင်ရွက်ကြသည်။ ခန့်မှန်းချက် အရ ဆည်မှာ သဘာဝ မြေအနေအထား ခံနိုင်ရည်ထက် ၂၅ ဆ ပိုနေသည်။


ယန်ဇီမြစ်မှာ ရေလွှမ်းမိုးမှု အဖြစ်ဆုံးဖြစ်ပြီး တရုတ် အစိုးရ ရေထိန်းချုပ်ရေး စီမံကိန်းများ မအောင်မြင်မှုကြောင့် ပိုမို ဆိုးနေသည်။ ပုံမှာ ၂၀၀၈ စက်တင်ဘာ ၆ ရက် ဟူဘေးပြည်နယ် ၀ူဟန်မြို့အနီး ရေပေ ၈၀ ခန့် မြင့်တက်နေပုံ ဖြစ်သည်။


The Gorges Dam ဆည်ကြီးတည်ဆောက်ပြီးနောက် ၂၀၁၀ ဇူလိုင် ၂၀ ရက်နေ့တွင် ရေအား တစ်စက္ကန့်ကို ကျူ့ဘစ်မီတာ ၇၀,၀၀၀ ထုအထိ တက်ခဲ့ပြီး ဆည်ကြီးခံနိုင်အားကို သဘာဝက စမ်းသပ်ခဲ့သည်။ ယန်ဇီမြစ် တလျှောက် ရေဖောက် ချမှုများပြုလုပ်ခဲ့ပြီး အစိုးရက ဒေသခံများကို နေရာရွှေ့ပြောင်းမှုများ အရေးပေါ် လုပ်ခဲ့ရသည်။ ၂၀၁၀ ခုနှစ်မှာ တရုတ်တွင် မိုးရေချိန် အများဆုံးနှစ်ဖြစ်သည်။ ပုံတွင် တရုတ် အလုပ်သမားတစ်ဦး ရေကြီးမှုကြောင့် ပျက်ဆီးခဲ့ရတဲ့ အဆောက်အဦ အပိုင်းအစများ လိုက်ရှင်းနေစဉ်။


ဆည်တွေတည်ဆောက်ပြီး ရေလွှမ်းမိုးမှု ထိန်းချုပ်မည်ဆိုသော်လည်း ၂၀၁၀ ခုနှစ်တွင် ရေလွှမ်းမိုးမှုနဲ့ ရွှံ့မြေပြိုကျမှုများ ဖြစ်ခဲ့ရပြီး၊ လူ ၁၂၀၀ ကျော် သေဆုံးခဲ့သည်။ ရေလွှမ်းမှုကြောင့် ကယ်ဆယ်ရေးလုပ်ငန်းနဲ့ ဆည်ထိန်းသိမ်းရေး အတွက် ဒေါ်လာ ၂၂ ဘီလီယံ ကုန်ကျခဲ့သည်။
ယခု တရုတ်ပြည်ရှိ ကမ္ဘာ့အကြီးဆုံးဆည်များမှာ ရေရှည် တရုတ်စီးပွားရေး တိုးတက်မှုကို ဖြစ်ထွန်းစေမလား၊ တရုတ် လူထုအတွက် ကပ်ဘေးတွေ သယ်ဆောင်ပေးနေသလားဆိုတာ တရုတ်အစိုးရကိုယ်တိုင် မေးခွန်းထုတ်လာသည်။
မောက္ခ သဘာဝပတ်ဝန်းကျင် ထိန်းသိမ်းရေး Sourceး FP