ပေါက်ကွဲမှုဖြစ်ပွားခဲ့သော ဟင်္သာတမြို့ မြို့နယ်အုပ်ချုပ်ရေးမှူးရုံး (ဓာတ်ပုံ - Thxa Lay Hza / Facebook)
ဧရာဝတီတိုင်း၊ ဟင်္သာတမြို့ပေါ်ရှိ မြို့နယ်အုပ်ချုပ်ရေးမှူးရုံးဝန်းအတွင်း ယနေ့နံနက်ဆယ်နာရီခန့်က ဗုံးတစ်လုံးပေါက်ကွဲခဲ့ကြောင်း ယင်းမြို့နယ်ရဲစခန်းထံမှ သိရသည်။
ဗုံးပေါက်ကွဲချိန်သည် ရုံးတက်ချိန်ဖြစ်သော်လည်း ဝန်ထမ်းတစ်ဦးမျှထိခိုက်ဒဏ်ရာမရရှိဟု သိရကြောင်း၊ ပေါက်ကွဲမှုအရှိန်ကြောင့် အုပ်ချုပ်ရေးမှူးရုံးအမိုးပွင့်ထွက်သွားကြောင်း
မြို့နယ်ရဲအရာရှိက ဧရာဝတီသို့ပြောသည်။
“သေဆုံးဒဏ်ရာတော့မရှိပါဘူး။ ထိခိုက်မှုကတော့ အမိုးပွင့်ထွက်သွားတာပဲ ရှိပါတယ်ခင်ဗျ။ ဒါနဲ့ပတ်သက်ပြီးလည်း ကျနော်တို့ဌာနတာဝန်ရှိသူတွေက စုံစမ်းစစ်ဆေးမှုတွေ
ဆောင်ရွက်နေပါတယ်” ဟု အဆိုပါရဲအရာရှိကဆိုသည်။
ပေါက်ကွဲသောဗုံးအမျိုးအစားကို ရဲအဖွဲ့က ချိန်ကိုက်ဗုံးဟု လတ်တလောယူဆထားပြီး အသေးစိတ်စစ်ဆေးနေဆဲဖြစ်ကြောင်း၊ ဖောက်ခွဲသူတရားခံကိုလည်း ရှာဖွေစုံစမ်းမှုများ
ပြုလုပ်နေကြောင်း သိရသည်။
ဟင်္သာတမြို့ခံတချို့ကမူ ဝန်ထမ်းတချို့ဒဏ်ရာရသည်ဟု ပြောဆိုနေကြပြီး သေဆုံးသည့်သတင်းကိုမူ မကြားသိရကြောင်း ပြောသည်။
ထို့အပြင် ဟင်္သာတမြို့ မြန်မာ့ဆက်သွယ်ရေးရုံးဝန်းအတွင်းရှိ ဆက်သွယ်ရေးတာဝါတိုင်အောက်တွင်လည်း မပေါက်ကွဲသေးသောဗုံးတစ်လုံးအား တွေ့ရှိရကြောင်း မြို့နယ်ရဲအရာရှိက
ပြောသည်။ ယင်းဗုံးကို ခလရ (၁၈) က လာရောက်ရှင်းလင်းသည်ဟု သိရှိရသည်။
ဗုံးပေါက်ကွဲပြီးနောက် မြို့နယ်ရဲတပ်ဖွဲ့မှဦးဆောင်ကာ ဟင်္သာတမြို့တွင်းနှင့် မြို့အဝင်အထွက်ဂိတ်များတွင် စစ်ဆေးရှာဖွေမှုများပြုလုပ်ကာ လုံခြုံရေးတင်းကျပ်ထားကြောင်း သိရသည်။
@ Irrawaddy
No comments:
Post a Comment