(ဓာတ်ပုံ - Reuters)ကမ္ဘာကျော် ရှာဖွေစက်ကြီး ဂူဂယ်လ်ဟာ ပြီးခဲ့တဲ့လ အနည်းငယ်အတွင်းမှာ သူ့ရဲ့ ရှာဖွေမှု စွမ်းရည်ကို စိမ်ခေါ်မှုတွေ သိပ်များတဲ့ဆီ တိတ်တဆိတ် ဦးတည်လိုက်ပါတယ်။
အဲ့ဒါကတော့ ရာဇဝတ်သားတွေကို ရှာဖွေတာပါပဲ။
မူးယစ်ဆေးဝါး ရောင်းဝယ်ဖောက်ကားသူတွေ၊ ငွေမဲကို ငွေဖြူလုပ်သူတွေနဲ့ လူကုန်ကူးသူတွေက သူတို့ရဲ့ ဆန်းပြားရှုပ်ထွေးလှတဲ့ ဒုစရိုက်လုပ်ငန်းတွေကို အွန်လိုင်းကတဆင့် လုပ်နေကြတာပါ။
ဒါကြောင့်မို့ ဂူဂယ်လ်ရဲ့ နည်းပညာပိုင်းဆိုင်ရာဦးနှောက်ဖြစ်တဲ့ ဂူဂယ်လ် အိုင်ဒီယာစ် (Google Ideas) ကလည်း နိုင်ငံတကာရာဇဝတ်မှုတွေကို နည်းပညာသုံးပြီး ဖြိုခွဲနိုင်တဲ့နည်းလမ်းတွေ ရှာဖွေနေပါတယ်။
ဒီလို ရှာဖွေရာမှာ နိုင်ငံခြားဆက်ဆံရေးကောင်စီ (Council on Foreign Relations – COR) အပါအဝင် အခြားအဖွဲ့တွေနဲ့ ပူးပေါင်း ဆောင်ရွက်နေတာပါ။
ဒီနေ့နဲ့ မနက်ဖြန်မှာ ဂူဂယ်လ်နဲ့ အခြားအဖွဲ့တွေက တာဝန်ရှိသူများ ဆုံကြပြီး နိုင်ငံတကာရာဇဝတ်မှုတွေ တိုက်ဖျက်မယ့် မဟာဗျူဟာတွေဆွဲကြမယ် လို့ သိရပါတယ်။
“ဒုစရိုက်ကွန်ရက်တွေ ဖော်ထုတ်နိုင်ဖို့၊ ချစားမှုတွေ တိုက်ဖျက်ဖို့နဲ့ နိုင်ငံဖြတ်ကျော်ရာဇဝတ်မှုများ တိုက်ဖျက်နိုင်ရေး ကြိုးစားနေကြသူတွေကို အားကောင်းမောင်းသန် ဖြစ်လာစေဖို့ နည်းပညာကုမ္ပဏီတွေမှာ အစွမ်းထက်တဲ့ ကရိယာတွေ အများကြီးရှိနေပါပြီ” လို့ COR ရဲ့ အထက်တန်းအရာရှိ စတီးဝပ်တ် ပက်ထရစ် (Stewart Patrick) က ဆိုလိုက်ပါတယ်။
ဒုစရိုက်သမားတွေ သတိသာထားကြပေတော့။
မူရင်း သတင်းအပြည့်အစုံကို irrawaddy.org/archives/9256 မှာ သွားရောက် ဖတ်ရှုနိုင်ပါတယ်။
No comments:
Post a Comment