အနီရောင်ယာယီပတ်စ်ပို့စာအုပ်အတု လက်ဝယ်ကိုင်ဆောင်မှုနှင့် ပတ်သက်ပြီး
ထိုင်း-မြန်မာပြည်စပ်၊ မဲဆောက်မြို့ရှိ တာ့(ခ်) ခရိုင် တရားရုံးက
ရုံးထုတ်စစ်ဆေး၊ အမိန့်ချမှတ်မှုများကို ပြုလုပ်လျက်ရှိရာ ယနေ့တွင်
မြန်မာရွှေ့ပြောင်းအလုပ် သမား ၁၀ ဦး ၊တမြန်နေ့ (သြဂုတ်လ ၂၉ ရက်နေ့က)
မြန်မာရွှေ့ပြောင်းအလုပ်သမား ၆ ဦးတို့ကို စီရင်ချက်ချမှတ်ခဲ့ကြောင်း
သတင်းရရှိသည်။ အနီရောင်ယာယီပတ်စ်ပို့စာအုပ်အတု
လက်ဝယ်ကိုင်ဆောင်မှုနှင့်ပတ်သက်၍ မဲဆောက်အကျဉ်းထောင် တွင်းတွင်
မြန်မာရွှေ့ပြောင်းအလုပ်သမား (၆၀) ခန့်သည် အချုပ်သားအဖြစ် ရှိနေကြပေသည်။
(မြန်မာပြည်သားသတင်းစဉ်)
ပြီးခဲ့သည့် သြဂုတ်လ ၂၄ ရက်နေ့က လုပ်အားခ၊ အိုတီကြေး၊ မန်နေဂျာ၏
ဆက်ဆံရေးနှင့်လုပ်ငန်းခွင် စည်းကမ်းချက်အချို့ နှင့် ပတ်သက်၍
အလုပ်သမားပြဿနာ ပေါ်ပေါက်ခဲ့ရသော ထိုင်း-မြန်မာနယ်စပ်၊ မဲဆောက်မြို့၊
ဝှေ့ခလုပ်ကျေးရွာရှိ ယူနီအိုးရှင်း အထည်ချုပ်စက်ရုံမှ အလုပ်သမားများသည်
အလုပ်ရှင်မှ စေ့စပ်ညှိုနှိုင်းပေးခဲ့သဖြင့် ယခုအခါ အလုပ်ပြန်ဆင်း
နေကြပြီဖြစ်ကြောင်း သိရသည်။ (မြန်မာပြည်သားသတင်းစဉ်)
No comments:
Post a Comment