၃၀-၁-၂၀၁၃
ရက်နေ့ ၁၉၃၀ အချိန် မကွေးတိုင်းဒေသကြီး၊ ဆောမြို့နယ်၊ ကြခတ်ကျေးရွာ
အုပ်ချုပ်ရေးမှူး၏နေအိမ်သို့ တစ်ရွာတည်းနေ ဦးသန်းနိုင်(၄၈)နှစ် ရောက်ရှိလာပြီး ၎င်း၏အိမ်တွင် ၎င်းရွာမှမလှမြင့်အား မစန်းအေးမှ ဓါးဖြင့်ထိုးသဖြင့် သေဆုံးနေကြောင်း
ပြောပြခဲ့သဖြင့် သွားရောက်ကြည့်ရှုခဲ့ရာ ဦးသန်းနိုင်၏နေအိမ်
အိပ်ခန်းအတွင်း၌ မလှမြင့်(၄၂)နှစ်အား ရင်ညွန့်တည့်တည့်တွင် ထိုးသွင်းဒဏ်ရာ ၁ ချက်၊ ယာဘက်ရင်ညွန့်ဘေးတွင် ထိုးသွင်းဒဏ်ရာ
၁ ချက်တို့ဖြင့် သေဆုံးနေသည်ကို တွေ့ရှိခဲ့ရသည်။
ထို့ပြင် ဓါးနှင့်ထိုးသူ မစန်းအေး(၄၁)နှစ်အား ခေါ်ယူမေးမြန်းရာ ခင်ပွန်းဖြစ်သူနှင့် မလှမြင့်တို့သည် အခင်းဖြစ် နေရာတွင် လူမှုရေး
ဖောက်ပြန်နေသည်ကိုတွေ့ရ၍ အသင့်ယူဆောင်လာသောဓါးဖြင့် ထိုးသတ်ခဲ့ကြောင်း သိရှိရ၍ မစန်းအေးအား အရေးယူပေးရန် တိုင်တန်းသောကြောင့် မစန်းအေးအား ဆောရဲစခန်း(ပ)၃/၂၀၁၃၊
ပြစ်မှုပုဒ်မ ၃၀၂ ဖြင့် အမှုဖွင့်စစ်ဆေးလျက်ရှိကြောင်း သတင်းရရှိသည်။
ရဲဇာနည်
No comments:
Post a Comment