မနေ့က မလေးရှားနိုင်ငံ ကွာလာလမ်ပူမြို့မှာ စွမ်းရည်ပြနေတဲ့ မလေးရှား စစ်သည်များ (photos: AP)ဒီစွမ်းရည်ပြမှုဟာ ၁၃ ကြိမ်မြောက် အာရှ ကာကွယ်ရေးဆိုင်ရာ ပြပွဲ နဲ့ ညီလာခံ
Defence Services Asia Exhibition and Conference - 2012 (DSA 2012) ရဲ့ အစိတ်အပိုင်းတခု ဖြစ်ပါတယ်။
DSA 2012 မှာ ပါဝင်တာတွေကတော့ကြည်းရေလေ တိုက်ခိုက်ရေးမှာ အသုံးပြုတဲ့ ရှုပ်ထွေးခက်ခဲတဲ့ အီလက်ထရွန်နစ်ဆိုင်ရာ နည်းနာများ၊
စစ်မြေပြင်ကျန်းမာရေးစောင့်ရှောက်မှု ဆိုင်ရာ ပစ္စည်းများ နဲ့ နည်းပညာ၊
လေ့ကျင့်ရေးနည်းစနစ်များ၊
ရဲတပ်ဖွဲ့နဲ့ လုံခြုံရေးဆိုင်ရာ တပ်ဖွဲ့များ စတဲ့ အကြောင်းအရာတွေကို ပါဝင်တယ်လို့ သိရပါတယ်။
ဒီပွဲမှာ မြန်မာပြည်ကလည်း တက်ရောက်နေပါတယ် လို့ ဒီနေ့ထုတ် ကြေးမုံသတင်းစာမှာ ရေးထားပါတယ်။
မြန်မာကိုယ်စားလှယ်အဖွဲ့က ဘာတွေပြသ ဘာတွေ ဆွေးနွေးမယ် ဆိုတာ မသိရပါဘူး။
အဖွဲ့ ခေါင်းဆောင်ကတော့ ဒုတိယဗိုလ်ချုပ်ကြီးသက်နိုင်ဝင်း၊ ကာကွယ်ရေးဦးစီးချုပ်ရုံး(ကြည်း) ဖြစ်တယ်၊
ကိုယ်စားလှယ်အဖွဲ့ဝင်တွေကတော့ အနောက်တောင်တိုင်းစစ်ဌာနချုပ် တိုင်းမှူး ဗိုလ်ချုပ်စိုးသိန်း နဲ့ တခြား စစ်အရာရှိကြီးတွေ ဖြစ်တယ်လို့ ဆိုပါတယ်။
နိုင်ငံအများအပြားက စစ်ဖက်ဆိုင်ရာ ကိုယ်စားလှယ်အဖွဲ့တွေ၊ ကာကွယ်ရေးဆိုင်ရာပစ္စည်းထုတ်လုပ်သူတွေ တက်ရောက် ဆွေးနွေး ပြသကြတဲ့ ဒီပွဲကို ဧပြီ ၁၆ ကနေ ၁၉ အထိ ကျင်းပမယ်လို့ သိရပါတယ်။
No comments:
Post a Comment