ဒုတိယစီးရီးထွက်ဖို့ စိုင်းပြင်းနေတဲ့ အေသင်ချိုဆွေ

အေသင်ချိုဆွေက သူမ၏ ဒုတိယတေးအယ်လ်ဘမ်ကို အောက်တိုဘာလတွင် ထွက်ရှိနိုင်ရန် စီစဉ်နေပြီး ထွက်ရှိပြီးသော အမှတ်တရစီးရီးဖြစ်သည့် “အနီးဆုံးလူ..နမ်းပါ” ဗီစီဒီကိုမူ လတ်တလော ထွက်ရှိနိုင်ခြင်း မရှိသေးကြောင်း အေသင်ချိုဆွေကပြောသည်။

  အေသင်ချိုဆွေက ဒုတိယစီးရီး “မောင့်လက်ဖဝါး” ဟု ယာယီပေးထားပြီး ထိုသီချင်းကို သူမ ကိုယ်တိုင်ရေးသားထားကြောင်း အေသင်ချိုဆွေကပြောသည်။ “အဲဒီ့စီးရီးမှာ Featuring ကို J-me၊ ကြက်ဖတို့၊ တေးရေး R-Ti၊ J-me၊ ကြက်ဖရယ်၊ သြရသရယ်၊ မင်းကို၊ အေသင် နှစ်ပုဒ်ရေးထားတယ်။ “မောင့်လက်ဖဝါး”ဆိုတာက မသေချာသေးဘူး။

 အဲဒီ Title က ယာယီပေးလိုက်တာပါ။ တကယ်တမ်း ထွက်လာရင် အဲဒီ့နာမည် ဟုတ်ချင်မှဟုတ်မယ်။ ရွေးနေတာလည်းရှိတယ်။ ကိုကြက်ဖနဲ့လုပ်ထားတဲ့ သီချင်းပုံစံလေးက နည်းနည်းဆန်းတယ်။ ကိုသြရသနဲ့ကျတော့ အရင်ပုံစံမျိုးလေးတွေပါပဲ”ဟု အေသင်ချိုဆွေကပြောသည်။

လတ်တလော အနုပညာလှုပ်ရှားမှုအနေနှင့် လူမင်း၊ ရဲအောင်၊ နန္ဒတို့နှင့် ဗီဒီယိုဇာတ်ကား ရိုက်ကူးထားကြောင်း အေသင်ချိုဆွေကပြောသည်။

ကြူကြူဟန် (7Day News Journal)