လက်ပတောင်းတောင်တန်းက လယ်တီဆရာတော်ကြီး သမိုင်းနောက်ခံ အမွေအနှစ်

လက်ပတောင်းတောင်တန်းက လယ်တီဆရာတော်ကြီး သမိုင်းနောက်ခံ အမွေအနှစ်

ဗုဒ္ဓောဝါဒဆရာတော်၊ ကင်တာကီ၊ အောက်တိုဘာ ၁၈၊ ၂၀၁၂

မြန်မာနိုင်ငံရဲ့ သာသနာ့သမိုင်းမှာ ဒီပနီကျမ်းပေါင်းများစွာပြုစုရေးသားခဲ့သော လယ်တီဆရာတော်ကြီးရဲ့ သီလ၊သမာဓိ၊ပညာကတော့ မြန်မာပြည်သူများနှင့် ကမ္ဘာတ၀န်းက ဗုဒ္ဓဘာသာဝင်များအားလုံး နှလုံးသားမှာ အလေးမြတ်ထားရတဲ့ ကမ္ဘာကျော်လယ်တီဆရာတော်ဖြစ်တယ်ဆိုတာ စာပေလေ့လာသူတိုင်း သိကြပြီး ဖြစ်ပါတယ်၊ဗုဒ္ဓပရိနိဗ္ဗာန်စံပြီး အိန္ဒိယနိုင်င်ငံ ဘီဟာပြည်နယ် တောင်ငါးလုံးကြားမှာ တည်ရှိနေတဲ့ ရာဇဂြိလ်မြို့ ဝေဘာရတောင် သတ္တပဏ္ဏိလိုဏ်ဂူမဏ္ဍပ်တော်၌ ရှင်မဟာကဿပ အမှူးပြုပြီး ပထမသံဂါယနာ တင်ခဲ့ကြတဲ့ ပိဋကတ်တော် ဗုဒ္ဓဟောခဲ့သည့် တရားဓမ္မဟာ သံဃာအစဉ်အဆက် သယ်ဆောင်လာခဲ့တာ ယနေ့ချိန်ထိ ပိဋကတ်တော်များ မပျောက်မပျက်ရှိခဲ့ပါတယ်၊၊

တောင်တန်းတွေ ထူထပ်တဲ့ ရာဇဂြိုလ်မြို့ လိုင်ဂူမှာ ပိဋကတ်တော်များအား သံဂါယနာတင်ခဲ့ကြသလို မြန်မာနိုင်ငံမှာ အလွန်ထင်ရှားတဲ့ လယ်တီဆရာတော်ဘုရားကြီးကလည်း မုံရွာခိုင် ဆားလင်းကြီးမြို့နယ် ၀က်မှေးရွာအနီး ၁၂၆၅ ခုနှစ်  လက်ပတောင်းတောင်မှာ ၀ါဆို သီတင်းသုံးပြီး ပရမတ္ထသံခိပ်၊နိရုတ္တိဒီပနီ၊ သမ္မာဒိဌိဒီပနီ စတဲ့ ဒီပနီကျမ်းတွေ ရေးသားခဲ့တယ်။

တောင်ပေါင်း ၃ ကျိတ်ကျော်

ဒေသခံရွာသူ ရွာသားများ နုတ်ဖျားမှာ ဘိုးစဉ်ဘောင်ဆက် ခေါ်လာခဲ့တဲ့ တောင်အမည် သီးသန့်သူ့သမိုင်းနှင့်သူ ရှိနေတာဟာလည်း သမိုင်းအရ အရေးပါတယ်၊နယ်သူ နယ်သားအားလုံး နတ်ကြီးတောင်၊ နတ်ထိပ်တောင်၊ ကျောက်ကွင်းတောင်၊တောင်ပြောင်ကြီးတောင်၊ ကန့်လန့် တောင်၊၀ါရုံတောင်၊ကျောက်ကြီး၊လိပ်ကြား၊ ကျောက်တလုံးတောင်၊ဂွေးပင်ကြားတောင်၊ တောင်လက် မောင်းတောင်၊တောင်လက်မောင်းတောင်၊ မြောက်လက် မောင်းတောင်၊ မယ်စံမိတောင်၊ဟင်ဖိုး အိုးတောင်၊ မွန်းတည့်တောင်၊ရွှေမြင်တင်တောင်၊ နတင်ရင်းတောင်၊ရွှေသာလီကြားတောင်၊တောင်ခမောက်၊ ကျောက်ကြီး၊ စွန်တောင်၊ကျားလန်တောင်၊ တောင်မကြီး၊တောင်မကြီးတောင်လက်မောင်း၊တောင်မကြီး မြောက်လက်မောင်း၊ အရှေ့တောင်နီလေး၊ အနောက်တောင်နီကြီး၊ နွားချေးတောင်၊လိပ်ခွံတောင်၊ရွှေဘုံသာတောင်၊ရွှေစာလီတောင်၊ စုံးမတောင်မှန်တောင်၊ ဂမိတ်တောင်ဆိုပြီး တောင်တွေရဲ့ ပုံစံအနေထားကို လိုက်ပြီး ဒေသခံအားလုံးက ခေါ်ဝေါကြပါတယ်၊ တောင်ပေါင်း(၃၃)လုံးရှိပါတယ်။

တောင်တန်းကြီးရဲ့ အရှေ့ဖက်မှာ ညောင်ပင်ကြီးရွာ၊ အနောက်ဖက်မှာဆိုရင် မိုးကြိုးပြင်၊တောင်တန်းတွေရဲ့ တောင်ဖက်မှာ ဆည်တည်းရှိပါတယ်၊ တောင်(၃၃)လုံးရဲ့ အလယ်ဗဟိုအရပ်မှာ လယ်တီဆရာတော် သီတင်းသုံးခဲ့တဲ့ စင်္ကြန်ကျောင်းနှင့် ဆရာတော်ကြီး ကိုယ်တိုင် သမုတ်ခဲ့သော ၀ိသုံဂါမသိမ်လည်းရှိပါတယ်၊ ဝေဠုဝန်တောင်ကြားမှာ တောရကျောင်းတခုလည်း ရှိနေတာမို့ ဗုဒ္ဓသာသနာရဲ့ သမိုင်းအမွေအနှစ်ဖြစ်တယ်ဆိုတာ ထင်ရှားပါတယ်၊၊

လယ်တီဆရာတော်၏ တရားအမွေ

လက်ပတောင်းတောင်မှာ လယ်တီဆရာတော် ၀ါဆို ၀ါကပ်ချိန်မှာ ကင်းဝန်မင်းကြီးရဲ့ မွေးစားသား ပိုသိမ်ကြီး မြို့အုပ်ရာထူးနဲ့ ရောက်လာတဲ့ ခင်မောင်ကြီးနှင့် အပေါင်းဖော်များအား ဆရာတော်က တရားဟောလို့ အပြီးမှာ "မိုက်မလင်းနိုင်ဘု၊မြိုက်ခင်းညာဆီမှာ၊ခါတော်မီသီမဝေ့နိုင်ဘု’’ စသည်ဖြင့် လေးချိုးကြီးရေးကာ ဓမ္မ လက်ဆောင်အဖြစ် ကင်းဝန်းမင်းကြီးအား ပေးလိုက်ပါတယ်။

ဆရာတော်ရဲ့ စာရပြီး အဲဒီနှစ်မှာပဲ ကင်ဝန်းမင်းကြီး က ဆရာတော်အား အိမ်ကိုပင့်ပြီး တရားပွဲလုပ်ပါတယ်၊လယ်တီဆရာတော်ကြီးက တရား(၃)ည ဟောရာမှာ အာနပါန ထွက်လေထွက်လေအခြေခံ၍ ဓာတ်သဘာဝရဲ့ ရှူမှတ်ရပုံအစ အတ္တဒိဋ္ဌိဖြုတ်ပုံ ကမ္မဌာန်းတရားများ ဟောကြားခဲ့တယ်၊တရားရဲ့ သဘောသဘာဝကို နားကြား ရှုမှတ်ရတဲ့ ကင်ဝန်းမင်းကြီးက ဆရာတော်ရဲ့ တရားပွဲအပြီးမှာ ဆရာတော် ဟောတဲ့ ကမ္မဌာန်းတရားကို နတ်ရွာစံ သီပေါမင်းတြား သာသနာ့မွေခံ ဒါယကာ ဖြစ်ငြားသော်လည်း ဆရာတော်ရဲ့ အဘိဓမ္မာတရားတော်ကို မနာကြားရဘဲ နတ်ရွာစံသွားရလို့ တပည့်တော် အလွန်ဝမ်းနည်မိပါတယ်လို့ ပုထုဇဉ်သဘာဝအတိုင်း လယ်တီဆရာတော်အား လျှောက်ထားခဲ့ပါတယ်။

 လုပ်ဖော်ကိုင်ဖက် သီပေါမင်းဟာ ဇရပ်၊တန်ဆောင်း၊ကျောင်းကန်ဘုရား ပြသာဒ်နှင့် ပိဋကတ်အလှူကုသိုလ် အမြောက်အများလုပ်ခဲ့ပေမဲ့ လယ်တီဆရာတော်တရားကို နားခွင့်မရခဲ့ရှာပါဘူး၊ ရှေးမြန်မာမင်းတွေဟာ သာသနာတော်ကို အလွန်လေးစားယုံကြည် ကိုးကွယ်ကြခဲ့လို့ မြန်မာ့မြေမှာ စေတီပုထိုးများကို မြန်မာမင်းများ တည်ထားခဲ့ကြပါတယ်။

မျက်မှောက်ကာလ  စစ်အစိုးရနဲ့ အရပ်သား ဖားတပိုင်းငါးတပိုင်း ဒါမဟုတ် လင်းတပိုင်း ငန်းတပိုင်းဖြစ်နေတဲ့ သမ္မတ ဦးသိန်းစိန်ကအစိုးရ သာသနိကအဆောက်အဦးပိုင်များကို စောင့်ရှောက်ရမည့် အစား လယ်တီဆရာတော်ကြီးရဲ့ သာသနာ့မြေကို တရုတ်တွေကို ဖျက်ခွင့်ပေးလိုက်တာဟာ ဦးသိန်စိန်ဘ၀ နှိပ်ကျစေမည့် အကုသိုလ်ပင်ဖြစ်ပါတယ်၊၊

တောင်တန်းတွေပေါ်က စေတီပုထိုး ကျောင်းကန်

ရွှေမြင်တင်တောင်ထိပ်မှာ စလင်းကန်နယ် ဆရာတော်ကြီးကိုယ်တိုင် တည်ထားခဲ့တဲ့ ဥာဏ်တော် အတောင် (၂၀)ရှိတဲ့ အနုမြူကပ်ကျော်ဓာတ်ပေါင်းစေတီတော်တဆူရှိပါတယ်၊ဒီစေတီတော်အား (၁၃၃၈)ခုနှစ်မှာ ရှင်မတောင်ဆရာတော် ဦးစိန်ခဲ့တယ်၊လက်ဆင့်ကမ်း သူရဲ့ တပည့် ညောင်ပင်အိုင်တောရဆရာတော်ကြီးက (၁၃၄၂)ခုနှစ် စေတီတော်အား ဆက်လက်မွမ်းမံ ထိန်းသိမ်းစောင့်ရှောက်ခဲ့တယ်၊တောင်တန်းတွေနဲ့အတူ ဘုရားစေတီဟာ မြင်ရသူတိုင်း ကုသိုလ်ပွားစေပြီး သွားရင်းလာရင်း ကုသိုလ်ဖြစ်ခဲ့တာအမှန်ပါပဲ၊

ဥာဏ်တော်(၁၈)တောင်မြင့်တဲ့ စေတီတဆူရှိပါတယ်၊ဒီစေတီတော်ကို လွန်ခဲ့တဲ့ နှစ်ပေါင်းတရာကျော် (၁၂၆၅) ခုနှစ်မှာ လယ်တီဆရာတော်ကြီး ဘုရားဝတ်ပြု ပုတီးစိပ် ကမ္မဌာန်းတရား အားထုတ်ပြီး ပူဇော်ခဲ့တဲ့ စေတီတဆူဖြစ်တယ်၊ လယ်တီဆရာတော်ကြီး ဘ၀နတ်ထံပျံလွန်ပြီးချိန်မှာ ခြုံနွယ် ပိတ်ပေါင်း ထူထပ်လို့ ဖုံးကွယ်နေတဲ့ စေတီအား ၁၃၂၆ ခုနှစ်မှာ ရေစကြိုဆရာတော် ဦပုညက မွမ်းမံစောင့်ရှောက်ပူဇော်ခဲ့ပါတယ်၊၊

လယ်တီဆရာတော်ကြီး ကိုယ်တိုင် သမုတ်ခဲ့တဲ့ ၀ိသုံဂါမသိမ်တော်နှင့် ဆရာတော် ဇေတ၀န် စင်္ကြန်ကျောင်းမှာ သီတင်းသုံးရင်း စတုသစ္စဒီပနီကျမ်းကြီးရေးသားခဲ့တယ်၊အလားတူ ကမ္မဌာန်းကျောက်ဂူကျောင်း သီတင်းသုံးပြီး လယ်တီဆရာတော်ကြီးက ကျောက်ဂူမှာ တရားအားထုတ်၊ပြီးရင် ကိုယ်တွေ့ အားထုတ်တော့ သမာဓိတွေ အားကောင်းချိန် မဟာကမ္မဌာန်းကျမ်းကြီး ကမ္မဌာနဒီပနီကျမ်းကို ရေးသားစီရင်ခဲ့ပါတယ်၊၊

ဝေဠုဝန်တောရကျောင်းဆိုတာက နတ်ထိပ်တောင်၊ရွှေမြင်တင်တောင်၊တောင်မကြီးတောင် ဒီတောင်ကြီးသုံးခု ဖိုခုံနောက်ဆိုင်ဖြစ်နေတဲ့ သဘာဝအလှတရားနဲ့အတူ လယ်တီဆရာတော်ကြီး တောရဆောက်တည်လို့ တောရကျောင်းလို့ခေါ်တာပါ၊ဒီကျောင်းမှာ လယ်တီဆရာတော်နှင့်အတူ တပည့်ကြီး ဦးပဏ္ဍိ(လယ်တီ ပဏ္ဍိတ ဦးမောင်ကြီး)လည်း နေခဲ့ပါတယ်။

ကျောင်းဝင်းထဲမှာစင်္ကြန်ကျောင်း၊ဇရပ်ဆောင်(၄)ခု၊ဓမ္မာရုံကြီး၊ဆွမ်းစားဆောင်၊ သောက်ရေကန်စတဲ့ သာသနိကအဆောက်အဦးများ ပြည့်စုံတည်ရှိနေတဲ့ လယ်တီဆရာတော်ကြီးရဲ့ သာသနာပြုရာ လက်ပတောင်းတောင်ရဲ့ အလှအပဆုံးနေရာလည်း ဖြစ်ပါတယ်၊၊

လယ်တီဆရာတော်ကြီးရဲ့ သိမ်နှင့်ကျောင်း နဲ့ လက်ပံတောင်းတောင် ထိန်းသိမ်းရေး အမျိုးသားအရေး

စစ်အာဏာရှင်စနစ်ဆိုးကြောင့် မြန်မာနိုင်ငံ ထေရ၀ါဒသာသနာ ထိခိုက်နစ်နာမူတွေများစွာရှိခဲ့တယ်။ စစ်အစိုးရ  ဗိုလ်ချုပ်မှူးကြီး သန်ရွေလက်ထက်မှာ စတင်ခဲ့တဲ့ ကြေးနီစီမံကိန်းကို စစ်တပ်ဦးပိုင်နဲ့ဝမ်ပေါင် တရုတ်ကုမ္ပနီ အကျိုးတူ ပူးပေါင်းလုပ်ခဲ့ကြတယ်။

စစ်အစိုးရက လူထုကို လေးစားတန်ဘိုးထားရမှန်းမသိခဲ့လို့ လူထုနစ်နာမည့် ဧရာဝတီမြစ်ဆုံကိစ္စအစ အခုလုပ်နေတဲ့ လက်ပတောင်းတောင် စီမံကိန်းများဟာ လူထုသဘောဆန္ဒမပါဘဲ လုပ်ခဲ့ကြတာဖြစ်တယ်။

စစ်အုပ်ချုပ်ရေးကနေ လူထုလိုလားတဲ့ ဒီမိုကရေစီအစိုးရစနစ် ၂၀၀၈ မှာ အခြေခံဥပဒေ အတည်ပြုခဲ့ပြီး ၂၀၁၀ ရွေးကောက်ပွဲနှင့် ၂၀၁၁ ခုနှစ် မတ်လ(၃၀)ရက်နေ့မှာ ဗိုလ်ချုပ်ကြီးဟောင်း ဦးသိန်းစိန် ဟာ သမ္မတဖြစ်လာခဲ့တယ်၊တက်လာတဲ့ သမ္မတက နိုင်ငံခြားရင်းနှီးမြုပ်နှံမူနှင့် ပတ်သက်ပြီး မူဝါဒ(၄)ခု ပြည်သူလူထုကို ကတိပေးထားတာရှိပါတယ်၊ မြန်မာနိုင်ငံသူ နိုင်ငံသားတို့ရဲ့ အကျိုးစီးပွားအား ကာကွယ်ရန်၊ နိုင်ငံတော်၏ ဂုဏ်သိက္ခာကို ကာကွယ်ရန်၊နိုင်ငံတော်၏ အချုပ်အခြာအာဏာကို ကာကွယ်ရန်၊သဘာဝပတ်ဝန် ကျင်ကို မထိခိုက်သော ရင်းနှီးမြုပ်နှံမူကိုသာ ခွင့်ပြုမယ်လို့ ဆိုထားပေမဲ့ လက်တွေ့မှာ ဒေသခံပြည်သူများရဲ့ စည်းစိမ် အိုးအိမ်အစ ရွာလုံးပျောက်ခဲ့ရ၊လုပ်စားစရာ မြေမရှိ၊ ကိုးကွယ်အားထားစရာ ကျောင်းကန်စေတီပုထိုး ဖျက်ဆီးခံနေရတဲ့ ဒီကနေ့ လက်ရှိအခြေနေဖြစ်နေပါပြီ။

တိုင်းသူပြည်သားတွေအပေါ်ထားခဲ့တဲ့ သမ္မတကြီးရဲ့ ကတိသစ္စာ(၄) ချက်သာ တည်ခဲ့မယ်ဆိုရင် လယ်တီ ဆရာတော်ဘုရားကြီးရဲ့ သိမ်နဲ့ကျောင်းအပါဝင် ရွာသူ ရွာသားများရဲ့ ဘိုးဘွားပိုင်မြေယာတွေလည်း ကျင်းခွက် တမျိုး မြေပုံတဖုံဖြစ်ပြီး ဖျက်ဆီးခံရမယ် မဟုတ်ပါဘူး။ နေ့စဉ် စက်ယတြားတွေနဲ့ တောင်တွေကို မှိုင်းခွဲတယ်၊ မြေတွေ ဖြိုချနဲ့ လယ်တီဆရာတော် တရားအားထုတ်တဲ့နေရာ မှာ အခုလိုမျိုး တရုတ်တွေက မြန်မာ့မြေမှာ မြေလှန်ပြီး သူတို့ကြိုက်သလို လုပ်နေကြတာဟာ လူထုနေတဲ့ သည်းခံနိုင်စရာမရှိပါဘူး။

သမိုင်းတကွေ့အချိုးမှာ သမ္မတ ဦးသိန်းစိန်ဘ၀ ကျိုးကျမသွားစေဖို့

ရန်သူမျိုးငါးပါး ရေ၊မီး၊မင်း၊သူခို၊အမွေခံဆိုး ဗုဒ္ဓဟောတဲ့ထဲမှာ ‘’ မင်း’’ ဆိုတာလည်း ရန်သူထဲပါတယ်၊တိုင်းပြည် အုပ်ချုပ်တဲ့သူက မင်းကျင့်တရား(၁၀)ပါးနှင့်မညီဘဲ တိုင်းသူပြည်သားတွေအပေါ် မတရားလုပ်နေရင် အဲဒီမင်း အား တိုင်းသူပြည်သားတွေက ရန်သူလို သဘောထားမှာပါ၊ဒီလိုမဟုတ်ဘဲ ပြည်သူလူထုအပေါ် မေတ္တာရှေ့ ထားပြီး မင်းကျင့်တရားနှင့်ညီ အုပ်ချုပ်သွားရင် တိုင်းသူပြည်သားများက မေတ္တာထားကြမှာပါပဲ၊ရန်သူမျိုးငါးပါး ထဲမှာပါတဲ့ မင်းဆိုး မင်းယုတ်မျိုး ကိုယ်ကဖြစ်နေရင် ပြုပြင်ဖို့လိုပါတယ်၊၊

သမ္မတ ဦးသိန်စိန်ဘ၀ ပစ္စုပ္ပန် တမလွန် ဖြောင့်တန်းဖို့ဆိုရင် ပြည်သူလူထုအပေါ်ကို ဖြောင့်မတ်စွာ ကိုယ်တိုင်ကစလို့ အစိုးရတခုလုံးက ရှိဖို့လိုပါတယ်၊ တိုင်းပြည်အတွင်းမှာ နေထိုင်ကြတဲ့ ပြည်သူလူထုရဲ့ အသက် စည်းစိမ် အိုးအိမ် မြေများကို ကိုယ်အတွက်ဖြစ်စေ ကိုယ်ပါတီ ကိုယ်အစိုးရတွက်ဖြစ်စေ အာဏာကို အလွှဲသုံစားပြုကာ လူထုအပေါ်ကို မတရားလုပ်ပြီး သူများဘ၀ပေါင်းများစွာကို မဖျက်ဆီးဘဲ နေထိုင် ကျင့်ကြံခဲ့ မယ်ဆိုရင် သမ္မတ အပါဝင် အစိုးရတဖွဲ့လုံးဟာ စစ်အစိုးရအတိတ်က သမိုင်းတကွေ့မှာ ဘ၀ကံ အမည်း ဖြစ်နေပေမဲ့ လက်ရှိချိန်မှာ လုပ်နေတဲ့ အလုပ်တွေသည် ဘ၀အဖြူရောင် ပြည်လည်ဖြစ်ရေးနှင့် ဘ၀ အဆက်ဆက် ကျိုးကျသွားစေမည့် ဘုရားမကြိုက်၊တရားမကြိုက်၊သံဃာမကြိုက်၊ ပြည်သူလူထုမကြိုက်တဲ့ “ဗာလ”လူမိုက် အလုပ်တွေကိုတာဆီးပြီး လူထုကြည်ညိုနိုင်တဲ့ နေ့ကို ရောက်အောင်ကြိုးစားပါလို့ တိုက်တွန်း လိုပါတယ်၊၊

ဗုဒ္ဓေါဝါဒဆရာတော်  နိုဝင်ဘာ(၁၇) ၂၀၁၂

(အယ်ဒီတာမှတ်ချက်၊ ဗွိုင့်စ်ဝိကလီသတင်းအရ အဆိုပါကျောင်းဆောင်နဲ့ သာသနာ့မြေကို ၀မ်ပေါင်နှင့် ဦးပိုင်က ဖျက်ဆီးခြင်း မရှိဟု ဒီဗီဘီသတင်းကို ငြင်းဆိုကြောင်း ထုတ်ပြန်ခဲ့သည်ဟု ဆိုသည်။ http://www.sawkyawoo.com/2012/10/blog-post_9651.html )