ဧဒင်အချစ်ပုံပြင်: စိတ်ကူးထဲကဖူးစာရှင်

Wednesday 16 January 2013

စိတ်ကူးထဲကဖူးစာရှင်

Photo: စိတ်ကူးထဲကဖူးစာရှင်

ရေးသားသူ- သတင်းအဖွဲ့

“ချစ်သူနဲ့သာအတူနေရရင် ထမင်းရည်ပဲသောက်ရသောက်ရဆိုတဲ့ ခေတ်မဟုတ်တော့ဘူး”
ယင်းစကားသံမှာ  အသက် ၂၄နှစ်အရွယ် အလှပြင်ဆိုင်ပိုင်ရှင် အမျိုးသမီးတစ်ဦး၏ ဖူးစာရှင် ခံယူချက်ပင်ဖြစ်သည်။

တိုင်းပြည်၏ စီးပွားရေးနှင့် ကိုယ်တိုင်ရုန်းကန်လှုပ်ရှားနေရသော ဘ၀တို့က မိန်းမပျိုတို့အတွက် ဘ၀ကြင်ဖော်ကို ဆုံးဖြတ်ရွေးချယ်ရာတွင် အတော်အသင့် ရိုက်ခတ်ပြောင်းလဲအရေးပါလာစေခဲ့သည်။

ယခင်က အမျိုးသမီးတစ်ဦး၏ အိမ်ထောင်ဖက်ကို ရွေးချယ်ရာ တွင် ဆရာဝန်၊ စစ်ဗိုလ်၊ အင်ဂျင်နီ ယာ၊ သင်္ဘောသားတို့ကို အများ ဆုံးရည်မှန်းခဲ့ရာမှ ယခုခေတ်တွင် အမျိုးသမီးတို့စိတ်ကူးထဲမှ ဘ၀ကြင်ဖော်သည် ဘ၀အာမခံချက်ပေးနိုင်မည့် စီးပွားရေးသမားများ ဖြစ်လာသည်။

ယနေ့ အမျိုးသား၊ အမျိုးသမီးများ ဘ၀ကြင်ဖော်ရွေးချယ်မှုပုံစံကို 7Day News က လူတွေ့နှင့် အွန်လိုင်းမှတစ်ဆင့် ကျပန်းကောက်ယူသော အသေးစား စစ်တမ်းများအရ စီးပွားရေးသမားကို မျှော်မှန်းကြသော အမျိုးသမီး
တို့မှာစစ်တမ်း၏ ၆၀ ရာခိုင်နှုန်းခန့်ရှိသည်ကို တွေ့ရသည်။ 

မည်သို့အသက်မွေးဝမ်းကျောင်းပြုသူကို အိမ်ထောင်ဖက်အဖြစ် ရွေးချယ်လိုပါသနည်းဟု မေးမြန်းခဲ့သော မေးခွန်းကို ဖြေကြားသူ အမျိုးသမီးများ၏  ထက်ဝက်ကျော်က စီးပွားရေးသမားဟု ပြန်လည်ဖြေဆိုခဲ့ကြခြင်းဖြစ်သည်။

အင်ဂျင်နီယာနှင့် သင်္ဘောသားများမှာ ဒုတိယအများဆုံး ရည်မှန်းခံရပြီး ဆရာဝန်ကို ရည်မှန်းကြသူမှာ စစ်တမ်းကို ပြန်လည်ဖြေဆိုခဲ့ကြသော အမျိုးသမီး ၁၇၆ ဦးတွင် ရှစ်ဦးသာ ရှိခဲ့သည်။ စစ်ဗိုလ်ကို ရည်မှန်းသူကတော့ ထိုအရေအတွက်တွင် သုံးဦးသာ ပါဝင်လာသည်။ တချို့က ကုမ္ပဏီဝန်ထမ်း၊ လေယာဉ်မှူးတို့ကိုလည်း ရွေးချယ်ကြပြီး စီးပွားရေးသမားမှာတော့ ရွေးချယ်မှုအများဆုံးဖြစ်နေခဲ့ခြင်းဖြစ်သည်။

မိန်းကလေးများအတွက် စိတ်ကူးထားသည့်အိမ်ထောင်ဖက်နှင့် တကယ်ရွေးချယ်ရသည့် အိမ်ထောင်ဖက်တို့ ထပ်တူကျနိုင်ခြေမှာ နည်းပါးသည်ဟုဆိုနိုင်ပြီး နှလုံးသားထက် ဦးနှောက်ကို ဦးစားပေးရွေးချယ်လာကြခြင်းက ပိုများလာသည်။

“ပြည့်စုံတဲ့မိသားစုကနေ ပေါက်ဖွားလာသူအဖို့ကတော့ အိမ်ထောင်ဖက်ကို ပန်းချီဆရာ၊ ဂီတသမား၊ ဒီဇိုင်နာ စသဖြင့် ရွေးယူနိုင်ပေမယ့် သာမန်မိသားစုက ပေါက်ဖွားလာသူတွေကတော့ စီးပွားရေးသမားကို ရွေးချယ်ခြင်းသာ အကောင်းဆုံးဖြစ်ပါလိမ့် မယ်” ဟု အသက် ၂၉ နှစ်အရွယ် ကျောင်းဆရာမတစ်ဦးက ပြောသည်။

စစ်တမ်းအရ အများစုကတော့ ကိုယ့်အပေါ်နားလည်မှု ပေးနိုင်ပြီး စိတ်သဘောထား မွန်မြတ်သည့် အိမ်ထောင်ဖက်မျိုးကိုသာ မျှော်လင့်ကြကာ အရည်အချင်းရှိသည့် အိမ်ထောင်ဖက်ကို ဒုတိယ ဦးစားပေးရွေးချယ်လိုကြသည်။ တတိယလိုက်နေသည့် ရွေးချယ်မှုမှာ ရုပ်ရည်ချောမောသူပင် ဖြစ်သည်။

“စိတ်ကူးထားတဲ့အိမ်ထောင်ဖက်ကတော့ လီမင်ဟိုလို အရပ်ရှည်ပြီး စမတ်ကျတဲ့ချစ်သူပုံစံပဲ” ဟု ၂၄ နှစ်အရွယ် အမျိုးသမီး အရောင်းဝန်ထမ်းတစ်ဦးက သူမ၏ မျှော်လင့်ချက်ကို ပြောသည်။

ထိုရွေးချယ်မှုများမှာ မိမိအနာဂတ်အတွက် မျှော်လင့်ထားခြင်းမျိုးသာဖြစ်ပြီး တကယ်တမ်းတွင်တော့    အိမ်ထောင်ဖက်၏ နားလည်မှု၊ ယုံကြည်မှု၊ ချစ်ခင်မှု၊ သစ္စာရှိမှုတို့ကသာ အမျိုးသမီးများ၏ အဓိကလိုလားချက်ဖြစ် ကြောင်း တွေ့ရသည်။ ချစ်ခင်နားလည်မှုနှင့်အတူ အလုပ်အကိုင်ရှိမှုကိုလည်း တွဲဖက်စဉ်းစားလာကြကာ တချို့ကတော့ ကြိုက်နှစ်သက်မှုကြောင့်မဟုတ်ဘဲ စီးပွားရေး အခြေအနေအရ လက်ထပ်လိုက်ခြင်းများလည်း ရှိသည်။

မိဘစီစဉ်မှုဖြင့် စေ့စပ်ပေးစားသည့် ဓလေ့မှာလည်း ယနေ့ခေတ်တွင် ရှားပါးလာပြီဖြစ်ပြီး အများစုကတော့ ကိုယ်တိုင်ပင် ကြိုက်နှစ်သက်သည့် ဖူးစာရှင်ကို ရှာတွေ့သွားကြကာ မိဘနှင့်အဆင်ပြေ၊ မပြေကို နောက်ဆုံးမှ စဉ်းစားလာကြသည်။ စစ်တမ်းကို ဖြေဆိုသူများ၏ အဖြေကို ခြုံငုံသုံးသပ်ကြည့်လျှင် ချစ်ခြင်းနှင့် ကိုယ်ကျင့်တရားတို့ကို အဓိကလိုအပ်ကြသော်လည်း စီးပွားရေးအခြေအနေကလည်း အဓိကအရေးပါနေသည်ကို တွေ့ရသည်။

ထိုအချက်ကို “အိမ်ထောင်ဖက်ကို ရွေးချယ်ရန်စဉ်းစားသည့်အခါ ၀င်ငွေနှင့်အလုပ်အကိုင်က အရေးပါသလား” ဟူသည့် မေးခွန်းကို အမျိုးသမီး ၁၇၆ ဦးတွင် ၁၄၆ ဦးက အရေးပါသည်ဟု ပြန်လည်ဖြေဆိုခြင်းက သက်သေပြလျက်ရှိသည်။

အသက် ၂၅ နှစ်အရွယ် အမျိုးသမီးတစ်ဦးကတော့ “ပိုက်ဆံရှိတဲ့လူကိုပဲ အိမ်ထောင်ပြုဖို့ စဉ်းစားကြတာ များပါတယ်။ ဒါပေမဲ့ လူတစ်ယောက်မှာ အဓိကကျတဲ့စိတ်ဓာတ်ကိုတော့ မေ့ထားကြတာများတယ်” ဟု သူမ၏ အမြင်ကို ပြောသည်။

အမျိုးသမီးအများစုတွင် မိမိစိတ်ကူးထားသည့် ဘ၀ကြင်ဖော် ပုံစံကိုယ်စီရှိတတ်ကြပြီး ထိုစိတ်ကူးထဲမှ အိမ်ထောင်ဖက်နှင့် ထပ်တူကျသူကို ရှာဖွေရန် တကူးတက ကြိုးပမ်းမှုမရှိကြောင်း ၎င်းတို့က ဆိုသည်။ အများစုပြန်ဖြေသည်ကတော့ “ဖူးစာ” နှင့် “ကံတရား” ပင် ဖြစ်သည်။ ထို့နောက် စိတ်ကူးထဲမှ ဖူးစာရှင်နှင့် ဆုံတွေ့ခြင်းမရှိသေးကြောင်းလည်း ဖြေဆိုထားကြသည်။

“ကိုယ့်ပတ်ဝန်းကျင်က အများစုကတော့ ပိုက်ဆံရှိတဲ့၊ တင်တောင်းနိုင်တဲ့လူကို ယူကြတာများတယ်” ဟု ၃၆ နှစ်အရွယ် အင်တာနက်ဆိုင်ပိုင်ရှင် မအေးအေးခိုင်က ပြောသည်။

စစ်တမ်းတွင် ထည့်သွင်းမေးမြန်းထားသည့် မေးခွန်းတစ်ခုဖြစ်သော “သင့်ပတ်ဝန်းကျင်မှ မိတ်ဆွေများထဲတွင် မည်သည့်အသက်မွေးဝမ်းကျောင်းပြုသူကို အိမ်ထောင်ပြုရန် စဉ်းစားကြသနည်း” ဟူသည့်အချက်ကို အများစုက အလုပ်အကိုင်အတည်တကျရှိသူ၊ ၀င်ငွေကောင်းသူ၊ စီးပွားရေးလုပ်ငန်းရှိသူကို စဉ်းစားကြသည်ဟု ပြန်လည်ဖြေဆိုကြပြီး အချို့ကတော့ မိမိနှင့်အလုပ်အကိုင်တူသူ၊ အလွှာတူသူ၊ ပတ်ဝန်းကျင်တူသူ တို့ကို ရွေးချယ်ကြသည်ဟု ဖြေကြသည်။

“ကိုယ့်ကိုဂရုစိုက်ပြီး ယုံကြည်အားကိုးလောက်တဲ့ယောကျာ်းကို ယူချင်တယ်။ ဒါက မိန်းကလေး တော်တော်များများတွေးတဲ့ အတွေးပါ” ဟု ၂၂ နှစ်အရွယ် ဂျီတီစီ ကျောင်းသူတစ်ဦးက ဆိုသည်။

စစ်တမ်းဖြေဆိုသူများထဲတွင် နိုင်ငံရေးသမားကို ရွေးချယ်လိုသူ တစ်ဦးမှမပါဝင်ဘဲ ရှေ့နေ၊ ဂျာနယ်လစ်၊ စာရေးဆရာ၊ ဓာတ်ပုံဆရာတို့ကို ရွေးချယ်မှုမှာလည်း တစ်ဦးစီသာပါဝင်ခဲ့သည်။ တချို့ကတော့ သမ္မာအာဇီဝအလုပ် လုပ်ကိုင်သူကို ရွေးချယ်လိုကြောင်း မှတ်ချက်ပြုထားကြသည်။

ဘ၀ကြင်ဖော်ရွေးချယ်ရာတွင် အမျိုးသမီးအများစုက စီးပွားရေးသမားကို ရွေးချယ်လိုကြသကဲ့သို့ အမျိုးသားများကလည်း စီးပွားရေးသမားများကိုသာ ရွေးချယ်လိုမှုများကြောင်း စစ်တမ်းကိုဖြေဆိုသည့် အမျိုးသားများ၏ အဖြေအရသိရသည်။ စစ်တမ်းဖြေဆိုသူ အမျိုးသားများ၏ ၅၇ ဦးတွင် ၁၆ ဦးက  စီးပွားရေး လုပ်ကိုင်သည့် အမျိုးသမီးကို  လိုလားကြပြီး အင်ဂျင်နီယာနှင့် ကျောင်းဆရာမကို ရွေးချယ်မှုက ဒုတိယ လိုက်နေခဲ့
သည်။ ဟင်းချက်ကောင်းသူ အမျိုးသမီးကို ရွေးချယ်လိုသူမှာ တစ်ဦးသာရှိသည်။

အိမ်ထောင်ဖက်၏ အလုပ်အကိုင်နှင့်ဝင်ငွေ အရေးပါသည်ဟု စစ်တမ်းဖြေဆိုသူ အမျိုးသားထက်ဝက်က ထင်မှတ်ကြပြီး အတော်များများက ရုပ်ရည်ချောမောသည့် အမျိုးသမီးများကို ကြိုက်နှစ်သက်ကြောင်း ဆိုကြသည်။

“ယောကျာ်းဆန်တဲ့အများစုကတော့ ဟော့တဲ့မိန်းကလေးမြင်ရင် စိတ်ဝင်စားပေမယ့် အိမ်ထောင်ဖက်ကိုတော့ ဣနြေ္ဒရှိတဲ့၊ မိန်းမဆန်တဲ့မိန်းမမျိုးကိုပဲ နှစ်သက်ကြတယ်” ဟု အသက် ၂၁ နှစ်အရွယ် ကျောင်းသားတစ်ဦးက ပြောသည်။

၂၈ နှစ်အရွယ် ဆရာဝန် အမျိုးသားတစ်ဦးကလည်း “ရင်ခုန်ခြင်းမပါဘဲ ဘယ်တော့မှမချစ်ဘူး။ ချောတာလှတာမြင်ရင်တော့ ရင်ခုန်တယ်။ ဒီတော့ ချောရလှရမယ်။ နောက်တစ်ခုက မိဘမျိုးရိုးနဲ့ အလုပ်အကိုင်။ ဒါတွေကို စဉ်းစားတယ်” ဟု ဆိုသည်။

အနှေးယာဉ်သမားတစ်ဦးကမူ  “အခုခေတ် ကောင်လေးတွေက ပိုက်ဆံရှာနိုင်တဲ့ မိန်းမကို ရှာကြတယ်လို့ ပြောရမယ်။ ဒါပေမဲ့ တချို့ကောင်လေးတွေကတော့ ရုပ်ချောရင်ပြီးရောဆိုပြီး ယူတာများတယ်။ နောက် ယူလည်းပြီး
ရော ကွဲကြတာပဲ။ ဒါက တော်တော်များများ တွေ့နေရတယ်” ဟု သုံးသပ်သည်။

နယ်မြို့အချို့တွင် ကောက်ယူထားသော စစ်တမ်းများအရလည်း အမျိုးသားရော အမျိုးသမီးပါ ရွေးချယ်လိုမှုများသည့် အိမ်ထောင်ဖက်မှာ “စီးပွားရေးလုပ်ကိုင်သူ” သာလျှင် ဖြစ်နေခဲ့သည်ကို တွေ့ရပြီး စိတ်ကူးထဲမှ အိမ်ထောင်ဖက်ကတော့ “ရိုးသားကြိုးစား၍ စိတ်သဘောထားဖြူစင်သူ” ပင်ဖြစ်သည်။

“စဉ်းစားတာကတော့ ရိုးသားမှု၊ မိသားစုကို ချစ်တဲ့သူ၊ အနာဂတ်အတွက် ကြိုးစားနေတဲ့သူ၊ ကိုယ့် အပေါ်မေတ္တာစစ်နဲ့ချစ်တဲ့လူပေါ့” ဟု မန္တလေးမြို့တွင် နေထိုင်သော အသက် ၂၄ နှစ်အရွယ် အမျိုးသမီးတစ်ဦးက ပြောသည်။

မုံရွာမြို့မှ အသက် ၃၅ နှစ်အရွယ် တက္ကသိုလ်ဆရာမတစ်ဦးကလည်း “ရိုးသား ကြိုးစားပြီး အသောက်အစားမရှိ၊ လောင်းကစား မလုပ်တဲ့လူမျိုးကို စဉ်းစားပါတယ်” ဟု ဆိုသည်။

လူအောင်သွယ်များဖြင့် ဘ၀ကြင်ဖော်ရှာဖွေမှုနှင့် အင်တာနက်မှတစ်ဆင့် ဘ၀ကြင်ဖော်ရှာဖွေမှုများကို အနောက်နိုင်ငံများတွင် အသုံးပြုလာကြပြီး တရုတ်နိုင်ငံတွင် ပိုမိုထွန်းကားနေကာ မြန်မာနိုင်ငံတွင်လည်း အင်တာနက် အသုံးပြုရင်း လက်တွဲဖော်ကို ရှာတွေ့သွားကြသူများရှိလာသည်။

သို့ရာတွင် အမျိုးသမီးများအတွက် ဆိုးကျိုးများအဖြစ် အလိုမတူဘဲ ကာမလိမ်လည်ရယူခြင်း၊ ငွေကြေးလိမ်လည်ခြင်းများကို ကြုံတွေ့ရနိုင်သည့်အတွက် အွန်လိုင်းမှတွေ့ဆုံခြင်းမှာ အထူးသတိပြုစ ရာတစ်ရပ်လည်းဖြစ်နေသည်။

မြန်မာ အမျိုးသမီးအများစုကမူ စီးပွားရေး အခြေအနေအရ ကိုယ်တိုင်ရုန်းကန်လှုပ်ရှားနေကြရသော်လည်း တကယ်တမ်း တွင်မူ သက်သောင့်သက်သာ နေထိုင်နိုင်သည့်ဘ၀ကို လိုလားကြဆဲဖြစ်ကြောင်း အမျိုးသမီးအခွင့် အရေးလှုပ်ရှားသူတစ်ဦးက သုံးသပ်သည်။

“အဓိက အိမ်ထောင်ဖက် ရွေးချယ်တဲ့နေရာမှာပေါ့။ စီးပွားရေး အကျပ်အတည်းကြောင့် မရွေးချယ်စေချင်ဘဲ လွတ်လပ်တဲ့ ရွေးချယ်မှုမျိုးပဲ ဖြစ်စေချင်တယ်။ ဘာလို့လဲဆိုတော့ သူတို့နှစ်ဦးရဲ့ သဘောထားက ဆန့်ကျင်ဘက် ဖြစ်နေမယ်လေ” ဟု အမျိုးသမီး အခွင့်အရေးလှုပ်ရှားသူ မဇင်မာအောင်က အကြံပြုသည်။

အမျိုးသားနှင့် အမျိုးသမီး ရင်ပေါင်တန်း လှုပ်ရှားနေကြသည့် ခေတ်တွင် နိုင်ငံ၏စီးပွားရေး အခြေအနေက ဘ၀ကြင်ဖော်ရွေးချယ်မှုကို သိသိသာသာ ပြောင်းလဲလာစေခဲ့ပြီဖြစ်ပါသည်။ ခြုံငုံသုံးသပ်ရလျှင် စီးပွားရေးပိုင်းကို ဦးစားပေးလိုကြခြင်း၏ အဓိက အကြောင်းရင်းမှာ မပူမပင် မကြောင့်မကြနှင့် လူတန်းစေ့ နေထိုင်နိုင်
သော ဘ၀ကို လိုလားကြခြင်းပင်ဖြစ်သည်။ 

ရန်ကုန်မြို့မှ အသက် ၂၂ နှစ် အရွယ် အရောင်းဝန်ထမ်း အမျိုးသမီးတစ်ဦးက သူမ၏ ခံစားချက်ကို  အောက်ပါအတိုင်း ပြောပါသည်။
“မိန်းမတိုင်းကတော့ အမြင့်ကိုပဲ မှန်းချင်ကြတာပါပဲ” ။      ။

(ဥက္ကာကိုကို၊ ခန့်ထက်၊ အိမွန်ကျော်၊ သွယ်သွယ်လင်း၊ ခိုင်ခိုင်စိုး၊ အေး မြတ်သူ)

ဓာတ်ပုံ- ဂျေမောင်မောင် (အမရပူရ)
“ချစ်သူနဲ့သာအတူနေရရင် ထမင်းရည်ပဲသောက်ရသောက်ရဆိုတဲ့ ခေတ်မဟုတ်တော့ဘူး”
ယင်းစကားသံမှာ အသက် ၂၄နှစ်အရွယ် အလှပြင်ဆိုင်ပိုင်ရှင် အမျိုးသမီးတစ်ဦး၏ ဖူးစာရှင် ခံယူချက်ပင်ဖြစ်သည်။

တိုင်းပြည်၏ စီးပွားရေးနှင့် ကိုယ်တိုင်ရုန်းကန်လှုပ်ရှားနေရသော ဘ၀တို့က မိန်းမပျိုတို့အတွက် ဘ၀ကြင်ဖော်ကို ဆုံးဖြတ်ရွေးချယ်ရာတွင် အတော်အသင့် ရိုက်ခတ်ပြောင်းလဲအရေးပါလာစေခဲ့သည်။
ယခင်က အမျိုးသမီးတစ်ဦး၏ အိမ်ထောင်ဖက်ကို ရွေးချယ်ရာ တွင် ဆရာဝန်၊ စစ်ဗိုလ်၊ အင်ဂျင်နီ ယာ၊ သင်္ဘောသားတို့ကို အများ ဆုံးရည်မှန်းခဲ့ရာမှ ယခုခေတ်တွင် အမျိုးသမီးတို့စိတ်ကူးထဲမှ ဘ၀ကြင်ဖော်သည် ဘ၀အာမခံချက်ပေးနိုင်မည့် စီးပွားရေးသမားများ ဖြစ်လာသည်။


ယနေ့ အမျိုးသား၊ အမျိုးသမီးများ ဘ၀ကြင်ဖော်ရွေးချယ်မှုပုံစံကို 7Day News က လူတွေ့နှင့် အွန်လိုင်းမှတစ်ဆင့် ကျပန်းကောက်ယူသော အသေးစား စစ်တမ်းများအရ စီးပွားရေးသမားကို မျှော်မှန်းကြသော အမျိုးသမီး
တို့မှာစစ်တမ်း၏ ၆၀ ရာခိုင်နှုန်းခန့်ရှိသည်ကို တွေ့ရသည်။

မည်သို့အသက်မွေးဝမ်းကျောင်းပြုသူကို အိမ်ထောင်ဖက်အဖြစ် ရွေးချယ်လိုပါသနည်းဟု မေးမြန်းခဲ့သော မေးခွန်းကို ဖြေကြားသူ အမျိုးသမီးများ၏ ထက်ဝက်ကျော်က စီးပွားရေးသမားဟု ပြန်လည်ဖြေဆိုခဲ့ကြခြင်းဖြစ်သည်။

အင်ဂျင်နီယာနှင့် သင်္ဘောသားများမှာ ဒုတိယအများဆုံး ရည်မှန်းခံရပြီး ဆရာဝန်ကို ရည်မှန်းကြသူမှာ စစ်တမ်းကို ပြန်လည်ဖြေဆိုခဲ့ကြသော အမျိုးသမီး ၁၇၆ ဦးတွင် ရှစ်ဦးသာ ရှိခဲ့သည်။ စစ်ဗိုလ်ကို ရည်မှန်းသူကတော့ ထိုအရေအတွက်တွင် သုံးဦးသာ ပါဝင်လာသည်။ တချို့က ကုမ္ပဏီဝန်ထမ်း၊ လေယာဉ်မှူးတို့ကိုလည်း ရွေးချယ်ကြပြီး စီးပွားရေးသမားမှာတော့ ရွေးချယ်မှုအများဆုံးဖြစ်နေခဲ့ခြင်းဖြစ်သည်။

မိန်းကလေးများအတွက် စိတ်ကူးထားသည့်အိမ်ထောင်ဖက်နှင့် တကယ်ရွေးချယ်ရသည့် အိမ်ထောင်ဖက်တို့ ထပ်တူကျနိုင်ခြေမှာ နည်းပါးသည်ဟုဆိုနိုင်ပြီး နှလုံးသားထက် ဦးနှောက်ကို ဦးစားပေးရွေးချယ်လာကြခြင်းက ပိုများလာသည်။

“ပြည့်စုံတဲ့မိသားစုကနေ ပေါက်ဖွားလာသူအဖို့ကတော့ အိမ်ထောင်ဖက်ကို ပန်းချီဆရာ၊ ဂီတသမား၊ ဒီဇိုင်နာ စသဖြင့် ရွေးယူနိုင်ပေမယ့် သာမန်မိသားစုက ပေါက်ဖွားလာသူတွေကတော့ စီးပွားရေးသမားကို ရွေးချယ်ခြင်းသာ အကောင်းဆုံးဖြစ်ပါလိမ့် မယ်” ဟု အသက် ၂၉ နှစ်အရွယ် ကျောင်းဆရာမတစ်ဦးက ပြောသည်။

စစ်တမ်းအရ အများစုကတော့ ကိုယ့်အပေါ်နားလည်မှု ပေးနိုင်ပြီး စိတ်သဘောထား မွန်မြတ်သည့် အိမ်ထောင်ဖက်မျိုးကိုသာ မျှော်လင့်ကြကာ အရည်အချင်းရှိသည့် အိမ်ထောင်ဖက်ကို ဒုတိယ ဦးစားပေးရွေးချယ်လိုကြသည်။ တတိယလိုက်နေသည့် ရွေးချယ်မှုမှာ ရုပ်ရည်ချောမောသူပင် ဖြစ်သည်။

“စိတ်ကူးထားတဲ့အိမ်ထောင်ဖက်ကတော့ လီမင်ဟိုလို အရပ်ရှည်ပြီး စမတ်ကျတဲ့ချစ်သူပုံစံပဲ” ဟု ၂၄ နှစ်အရွယ် အမျိုးသမီး အရောင်းဝန်ထမ်းတစ်ဦးက သူမ၏ မျှော်လင့်ချက်ကို ပြောသည်။

ထိုရွေးချယ်မှုများမှာ မိမိအနာဂတ်အတွက် မျှော်လင့်ထားခြင်းမျိုးသာဖြစ်ပြီး တကယ်တမ်းတွင်တော့ အိမ်ထောင်ဖက်၏ နားလည်မှု၊ ယုံကြည်မှု၊ ချစ်ခင်မှု၊ သစ္စာရှိမှုတို့ကသာ အမျိုးသမီးများ၏ အဓိကလိုလားချက်ဖြစ် ကြောင်း တွေ့ရသည်။ ချစ်ခင်နားလည်မှုနှင့်အတူ အလုပ်အကိုင်ရှိမှုကိုလည်း တွဲဖက်စဉ်းစားလာကြကာ တချို့ကတော့ ကြိုက်နှစ်သက်မှုကြောင့်မဟုတ်ဘဲ စီးပွားရေး အခြေအနေအရ လက်ထပ်လိုက်ခြင်းများလည်း ရှိသည်။

မိဘစီစဉ်မှုဖြင့် စေ့စပ်ပေးစားသည့် ဓလေ့မှာလည်း ယနေ့ခေတ်တွင် ရှားပါးလာပြီဖြစ်ပြီး အများစုကတော့ ကိုယ်တိုင်ပင် ကြိုက်နှစ်သက်သည့် ဖူးစာရှင်ကို ရှာတွေ့သွားကြကာ မိဘနှင့်အဆင်ပြေ၊ မပြေကို နောက်ဆုံးမှ စဉ်းစားလာကြသည်။ စစ်တမ်းကို ဖြေဆိုသူများ၏ အဖြေကို ခြုံငုံသုံးသပ်ကြည့်လျှင် ချစ်ခြင်းနှင့် ကိုယ်ကျင့်တရားတို့ကို အဓိကလိုအပ်ကြသော်လည်း စီးပွားရေးအခြေအနေကလည်း အဓိကအရေးပါနေသည်ကို တွေ့ရသည်။

ထိုအချက်ကို “အိမ်ထောင်ဖက်ကို ရွေးချယ်ရန်စဉ်းစားသည့်အခါ ၀င်ငွေနှင့်အလုပ်အကိုင်က အရေးပါသလား” ဟူသည့် မေးခွန်းကို အမျိုးသမီး ၁၇၆ ဦးတွင် ၁၄၆ ဦးက အရေးပါသည်ဟု ပြန်လည်ဖြေဆိုခြင်းက သက်သေပြလျက်ရှိသည်။

အသက် ၂၅ နှစ်အရွယ် အမျိုးသမီးတစ်ဦးကတော့ “ပိုက်ဆံရှိတဲ့လူကိုပဲ အိမ်ထောင်ပြုဖို့ စဉ်းစားကြတာ များပါတယ်။ ဒါပေမဲ့ လူတစ်ယောက်မှာ အဓိကကျတဲ့စိတ်ဓာတ်ကိုတော့ မေ့ထားကြတာများတယ်” ဟု သူမ၏ အမြင်ကို ပြောသည်။

အမျိုးသမီးအများစုတွင် မိမိစိတ်ကူးထားသည့် ဘ၀ကြင်ဖော် ပုံစံကိုယ်စီရှိတတ်ကြပြီး ထိုစိတ်ကူးထဲမှ အိမ်ထောင်ဖက်နှင့် ထပ်တူကျသူကို ရှာဖွေရန် တကူးတက ကြိုးပမ်းမှုမရှိကြောင်း ၎င်းတို့က ဆိုသည်။ အများစုပြန်ဖြေသည်ကတော့ “ဖူးစာ” နှင့် “ကံတရား” ပင် ဖြစ်သည်။ ထို့နောက် စိတ်ကူးထဲမှ ဖူးစာရှင်နှင့် ဆုံတွေ့ခြင်းမရှိသေးကြောင်းလည်း ဖြေဆိုထားကြသည်။

“ကိုယ့်ပတ်ဝန်းကျင်က အများစုကတော့ ပိုက်ဆံရှိတဲ့၊ တင်တောင်းနိုင်တဲ့လူကို ယူကြတာများတယ်” ဟု ၃၆ နှစ်အရွယ် အင်တာနက်ဆိုင်ပိုင်ရှင် မအေးအေးခိုင်က ပြောသည်။

စစ်တမ်းတွင် ထည့်သွင်းမေးမြန်းထားသည့် မေးခွန်းတစ်ခုဖြစ်သော “သင့်ပတ်ဝန်းကျင်မှ မိတ်ဆွေများထဲတွင် မည်သည့်အသက်မွေးဝမ်းကျောင်းပြုသူကို အိမ်ထောင်ပြုရန် စဉ်းစားကြသနည်း” ဟူသည့်အချက်ကို အများစုက အလုပ်အကိုင်အတည်တကျရှိသူ၊ ၀င်ငွေကောင်းသူ၊ စီးပွားရေးလုပ်ငန်းရှိသူကို စဉ်းစားကြသည်ဟု ပြန်လည်ဖြေဆိုကြပြီး အချို့ကတော့ မိမိနှင့်အလုပ်အကိုင်တူသူ၊ အလွှာတူသူ၊ ပတ်ဝန်းကျင်တူသူ တို့ကို ရွေးချယ်ကြသည်ဟု ဖြေကြသည်။

“ကိုယ့်ကိုဂရုစိုက်ပြီး ယုံကြည်အားကိုးလောက်တဲ့ယောကျာ်းကို ယူချင်တယ်။ ဒါက မိန်းကလေး တော်တော်များများတွေးတဲ့ အတွေးပါ” ဟု ၂၂ နှစ်အရွယ် ဂျီတီစီ ကျောင်းသူတစ်ဦးက ဆိုသည်။

စစ်တမ်းဖြေဆိုသူများထဲတွင် နိုင်ငံရေးသမားကို ရွေးချယ်လိုသူ တစ်ဦးမှမပါဝင်ဘဲ ရှေ့နေ၊ ဂျာနယ်လစ်၊ စာရေးဆရာ၊ ဓာတ်ပုံဆရာတို့ကို ရွေးချယ်မှုမှာလည်း တစ်ဦးစီသာပါဝင်ခဲ့သည်။ တချို့ကတော့ သမ္မာအာဇီဝအလုပ် လုပ်ကိုင်သူကို ရွေးချယ်လိုကြောင်း မှတ်ချက်ပြုထားကြသည်။

ဘ၀ကြင်ဖော်ရွေးချယ်ရာတွင် အမျိုးသမီးအများစုက စီးပွားရေးသမားကို ရွေးချယ်လိုကြသကဲ့သို့ အမျိုးသားများကလည်း စီးပွားရေးသမားများကိုသာ ရွေးချယ်လိုမှုများကြောင်း စစ်တမ်းကိုဖြေဆိုသည့် အမျိုးသားများ၏ အဖြေအရသိရသည်။ စစ်တမ်းဖြေဆိုသူ အမျိုးသားများ၏ ၅၇ ဦးတွင် ၁၆ ဦးက စီးပွားရေး လုပ်ကိုင်သည့် အမျိုးသမီးကို လိုလားကြပြီး အင်ဂျင်နီယာနှင့် ကျောင်းဆရာမကို ရွေးချယ်မှုက ဒုတိယ လိုက်နေခဲ့
သည်။ ဟင်းချက်ကောင်းသူ အမျိုးသမီးကို ရွေးချယ်လိုသူမှာ တစ်ဦးသာရှိသည်။

အိမ်ထောင်ဖက်၏ အလုပ်အကိုင်နှင့်ဝင်ငွေ အရေးပါသည်ဟု စစ်တမ်းဖြေဆိုသူ အမျိုးသားထက်ဝက်က ထင်မှတ်ကြပြီး အတော်များများက ရုပ်ရည်ချောမောသည့် အမျိုးသမီးများကို ကြိုက်နှစ်သက်ကြောင်း ဆိုကြသည်။

“ယောကျာ်းဆန်တဲ့အများစုကတော့ ဟော့တဲ့မိန်းကလေးမြင်ရင် စိတ်ဝင်စားပေမယ့် အိမ်ထောင်ဖက်ကိုတော့ ဣနြေ္ဒရှိတဲ့၊ မိန်းမဆန်တဲ့မိန်းမမျိုးကိုပဲ နှစ်သက်ကြတယ်” ဟု အသက် ၂၁ နှစ်အရွယ် ကျောင်းသားတစ်ဦးက ပြောသည်။

၂၈ နှစ်အရွယ် ဆရာဝန် အမျိုးသားတစ်ဦးကလည်း “ရင်ခုန်ခြင်းမပါဘဲ ဘယ်တော့မှမချစ်ဘူး။ ချောတာလှတာမြင်ရင်တော့ ရင်ခုန်တယ်။ ဒီတော့ ချောရလှရမယ်။ နောက်တစ်ခုက မိဘမျိုးရိုးနဲ့ အလုပ်အကိုင်။ ဒါတွေကို စဉ်းစားတယ်” ဟု ဆိုသည်။

အနှေးယာဉ်သမားတစ်ဦးကမူ “အခုခေတ် ကောင်လေးတွေက ပိုက်ဆံရှာနိုင်တဲ့ မိန်းမကို ရှာကြတယ်လို့ ပြောရမယ်။ ဒါပေမဲ့ တချို့ကောင်လေးတွေကတော့ ရုပ်ချောရင်ပြီးရောဆိုပြီး ယူတာများတယ်။ နောက် ယူလည်းပြီး
ရော ကွဲကြတာပဲ။ ဒါက တော်တော်များများ တွေ့နေရတယ်” ဟု သုံးသပ်သည်။

နယ်မြို့အချို့တွင် ကောက်ယူထားသော စစ်တမ်းများအရလည်း အမျိုးသားရော အမျိုးသမီးပါ ရွေးချယ်လိုမှုများသည့် အိမ်ထောင်ဖက်မှာ “စီးပွားရေးလုပ်ကိုင်သူ” သာလျှင် ဖြစ်နေခဲ့သည်ကို တွေ့ရပြီး စိတ်ကူးထဲမှ အိမ်ထောင်ဖက်ကတော့ “ရိုးသားကြိုးစား၍ စိတ်သဘောထားဖြူစင်သူ” ပင်ဖြစ်သည်။

“စဉ်းစားတာကတော့ ရိုးသားမှု၊ မိသားစုကို ချစ်တဲ့သူ၊ အနာဂတ်အတွက် ကြိုးစားနေတဲ့သူ၊ ကိုယ့် အပေါ်မေတ္တာစစ်နဲ့ချစ်တဲ့လူပေါ့” ဟု မန္တလေးမြို့တွင် နေထိုင်သော အသက် ၂၄ နှစ်အရွယ် အမျိုးသမီးတစ်ဦးက ပြောသည်။

မုံရွာမြို့မှ အသက် ၃၅ နှစ်အရွယ် တက္ကသိုလ်ဆရာမတစ်ဦးကလည်း “ရိုးသား ကြိုးစားပြီး အသောက်အစားမရှိ၊ လောင်းကစား မလုပ်တဲ့လူမျိုးကို စဉ်းစားပါတယ်” ဟု ဆိုသည်။

လူအောင်သွယ်များဖြင့် ဘ၀ကြင်ဖော်ရှာဖွေမှုနှင့် အင်တာနက်မှတစ်ဆင့် ဘ၀ကြင်ဖော်ရှာဖွေမှုများကို အနောက်နိုင်ငံများတွင် အသုံးပြုလာကြပြီး တရုတ်နိုင်ငံတွင် ပိုမိုထွန်းကားနေကာ မြန်မာနိုင်ငံတွင်လည်း အင်တာနက် အသုံးပြုရင်း လက်တွဲဖော်ကို ရှာတွေ့သွားကြသူများရှိလာသည်။

သို့ရာတွင် အမျိုးသမီးများအတွက် ဆိုးကျိုးများအဖြစ် အလိုမတူဘဲ ကာမလိမ်လည်ရယူခြင်း၊ ငွေကြေးလိမ်လည်ခြင်းများကို ကြုံတွေ့ရနိုင်သည့်အတွက် အွန်လိုင်းမှတွေ့ဆုံခြင်းမှာ အထူးသတိပြုစ ရာတစ်ရပ်လည်းဖြစ်နေသည်။

မြန်မာ အမျိုးသမီးအများစုကမူ စီးပွားရေး အခြေအနေအရ ကိုယ်တိုင်ရုန်းကန်လှုပ်ရှားနေကြရသော်လည်း တကယ်တမ်း တွင်မူ သက်သောင့်သက်သာ နေထိုင်နိုင်သည့်ဘ၀ကို လိုလားကြဆဲဖြစ်ကြောင်း အမျိုးသမီးအခွင့် အရေးလှုပ်ရှားသူတစ်ဦးက သုံးသပ်သည်။

“အဓိက အိမ်ထောင်ဖက် ရွေးချယ်တဲ့နေရာမှာပေါ့။ စီးပွားရေး အကျပ်အတည်းကြောင့် မရွေးချယ်စေချင်ဘဲ လွတ်လပ်တဲ့ ရွေးချယ်မှုမျိုးပဲ ဖြစ်စေချင်တယ်။ ဘာလို့လဲဆိုတော့ သူတို့နှစ်ဦးရဲ့ သဘောထားက ဆန့်ကျင်ဘက် ဖြစ်နေမယ်လေ” ဟု အမျိုးသမီး အခွင့်အရေးလှုပ်ရှားသူ မဇင်မာအောင်က အကြံပြုသည်။

အမျိုးသားနှင့် အမျိုးသမီး ရင်ပေါင်တန်း လှုပ်ရှားနေကြသည့် ခေတ်တွင် နိုင်ငံ၏စီးပွားရေး အခြေအနေက ဘ၀ကြင်ဖော်ရွေးချယ်မှုကို သိသိသာသာ ပြောင်းလဲလာစေခဲ့ပြီဖြစ်ပါသည်။ ခြုံငုံသုံးသပ်ရလျှင် စီးပွားရေးပိုင်းကို ဦးစားပေးလိုကြခြင်း၏ အဓိက အကြောင်းရင်းမှာ မပူမပင် မကြောင့်မကြနှင့် လူတန်းစေ့ နေထိုင်နိုင်
သော ဘ၀ကို လိုလားကြခြင်းပင်ဖြစ်သည်။

ရန်ကုန်မြို့မှ အသက် ၂၂ နှစ် အရွယ် အရောင်းဝန်ထမ်း အမျိုးသမီးတစ်ဦးက သူမ၏ ခံစားချက်ကို အောက်ပါအတိုင်း ပြောပါသည်။
“မိန်းမတိုင်းကတော့ အမြင့်ကိုပဲ မှန်းချင်ကြတာပါပဲ” ။ ။

(ဥက္ကာကိုကို၊ ခန့်ထက်၊ အိမွန်ကျော်၊ သွယ်သွယ်လင်း၊ ခိုင်ခိုင်စိုး၊ အေး မြတ်သူ)

ဓာတ်ပုံ- ဂျေမောင်မောင် (အမရပူရ)
 DVBYouthVoice

No comments:

Post a Comment

Related Posts Plugin for WordPress, Blogger...