ဧဒင်အချစ်ပုံပြင်: သိန်း၅၀ ပျောက်ဆုံးမှုတွင်မသင်္ကာခံရသူကျေးရွာသား ၂ဦးရိုက်နှက်စစ်ဆေးခြင်းခံရ

Friday, 18 January 2013

သိန်း၅၀ ပျောက်ဆုံးမှုတွင်မသင်္ကာခံရသူကျေးရွာသား ၂ဦးရိုက်နှက်စစ်ဆေးခြင်းခံရ

A-16 copyပဲခူးတိုင်းဒေသကြီးပြည်ခရိုင်  နတ္တလင်းမြို့နယ်သက်ငယ်ပြင်ကျေး ရွာအုပ်စုသက်ငယ်ပြင်ရွာဦးတင်ထွန်း ဒေါ်မြင့်မြင့်ဌေးနေအိမ်၌ ၁၈.၃ ၂၀၁၂ နေ့ည (၇) နာရီခွဲခန့်က အမွေခွဲဝေပေးမည့်ငွေကျပ်သိန်း (၅၀) ကျော်ပျောက်ဆုံးခဲ့ကြောင်း သိရသည်။
ပျောက်ဆုံးငွေမှာ ဖခင် ဦးအောင်ခင်သေဆုံးသွားသည့် အတွက်သားသမီးများဖြစ်ကြသည့်  ဒေါ်ဝင်းကြည်၊ ဒေါ်မြင့်မြင့်အေး၊ ကိုသိန်းဝင်းနှင့် ညီမအငယ်ဆုံး ဒေါ်မြင့်မြင့်ဌေးတို့ (၄) ဦးအမွေ ခံဝေယူရမည့်ငွေများဟု သိရသည်။  “အမွေခွဲဝေယူရမှာက မောင်နှမ လေးဦးပါ အဲဒါအမွေမခွဲမီ (၃) ရက်အလိုမှာ အခုလိုငွေတွေပျောက်  သွားတယ်ဆိုတာဖြစ်လာတာပါ”ဟု ဒေါ်မြင့်မြင့်အေးကပြောသည်။
အဆိုပါအမွေခွဲဝေပေးမည့်ငွေ ပျောက်ဆုံးခဲ့မှုကိုနတ္တလင်းကိုရဲစခန်း မှ (ပ) ၁၂၆/၁၂ ပုဒ်မ ၃၈၀ ဖြင့်  အမှုဖွင့်ပြီး သင်္ကာမကင်းသူကို မောင်ထွေးနှင့် ကိုလှမိုး (သက်ငယ်  ပြင်ရွာသားများ) တို့ကို ခေါ်ယူ စစ်ဆေးခဲ့ရာတွင် ရိုက်နှက်နှိပ်စက်  ခြင်းများ ပြုလုပ်ခဲ့ကြောင်း ကာလ  ကာရှင်ကပြောသည်။
“ရဲစခန်းမှာ နည်းမျိုးစုံနဲ့ ညှင်း  ပမ်းနှိပ်စက်ခံရတယ်ကိုမောင်ထွေး လဲဒီလိုပဲ ခန္ဓာကိုယ်အနှံ့ကိုတုတ်နဲ့    ရိုက်တယ်၊ ကျောက်စရစ်ခဲပေါ်မှာ  နူးထောက်ပြီး လက်နောက်ပြန် လက်ထိပ်ခပ်ပြီး နှိပ်စက်တယ်။ သူတို့စီးထားတဲ့ ဖိနပ်နဲ့ ပါးကိုရိုက် တယ်။ ဒါပေမဲ့ ကျွန်တော်မစိုးလို့ ငြင်းတယ် ထပ်ရိုက်တယ်။ စစ်ဆေး နေတဲ့တစ်ညမှာ နုရံအုပ်ကျော်မိုး က ကိုသိန်းဝင်းခိုးတယ်လို့ပြော ရင် ဒေါ်မြင့်မြင့်ဌေးက (၃) သိန်း ပေးမယ်လို့လဲပြောသေးတယ်”ဟု  ကိုလှမိုးကပြောပြသည်။ ရဲ၏ နှိပ်စက်ညှင်းပမ်းမှုကြောင့် ကိုလှမိုး သည်အချုပ်ခန်းအတွင်း၌ (၅) ရက်  ခန့်ထမင်းမစားနိုင်လမ်းမလျှောက်  နိုင်ပဲဖြစ်ခဲ့သဖြင့် အချုပ်သား အချင်းချင်းကူညီမှုကိုရယူခဲ့ရကြောင်း သိရသည်။ အချုပ်မှ လွတ်မြောက်   စဉ်တွင် လည်းဆေးကုသမှုခံယူခဲ့ ရသလို လမ်းကောင်းရွာမလျောက်  နိုင်ကြောင်း ကိုလှမိုးဇနီးမသန်္တာဝင်း   နှင့် ရွာသားများမှပြောပြသည်။
ကိုမောင်ထွေးနှင့် ကိုလှမိုး တို့ကို (၁၅) ရက်ခန့်ချုပ်နောင် စစ်ဆေးသော်လည်း အမှုမှန်ဖော် ထုတ်၍မရသဖြင့် ပြန်လည်လွှတ် ပေးခဲ့ကာမမြင့်မြင့်ဌေး၏ အစ်ကို  ကိုသိန်းဝင်းကို ၉.၁.၂၀၁၃ နေ့ ညက ထပ်မံဖမ်းဆီးခဲ့သည်။ ဖမ်း ဆီးခံနေရသည်ကိုသိန်းဝင်းကို ကိုလှမိုးကဲ့သို့ရိုက်နှိပ်စစ်ဆေးခြင်း ခံရမည်ကို ကျေးရွာသားတို့စိုးရိမ်  နေကြပြီး ကိုလှမိုးကိုအချုပ်ခန်း အတွင်းသို့သွားရောက်တွေ့ဆုံအာ  ပေးကြသူများကိုလည်း နတ္တလင်း  ရဲစခန်း၌ တွေ့ခဲ့ရသည်။ နတ္တလင်း  မြို့နယ်တွင် ၂၀၁၂ မတ်လ (၃) ရက်နေ့ကဖြစ်ပွားခဲ့သည့် (ပ) ၈၂/၁၂ ပုဒ်မ ၃၉၂ ဖြင့်ဖွင့်လှစ် ခဲ့သော ငွေကျပ် (၁၇၆) သိန်းတန် ဖိုးရှိရွှေထည်ပစ္စည်းနှင့် ငွေများ ခြိမ်းခြောက်တောင်းယူခဲ့သူများကို (၉) လကြာသည်အထိဖော်ထုတ်  နိုင်ခြင်းမရှိ၍ တိုင်းဒေသကြီးရဲတပ်  ဖွဲ့မှူးက တိုင်း (အထူး) အဖွဲ့ခေါင်း  ဆောင်ရဲအုပ်ကိုကိုကြီးနှင့် သာယာ  ၀တီခရိုင် (ဒ/န)မှ ဒုရဲအုပ်ဝင်းမြင့်  အောင်တို့ကိုဒီဇင်ဘာ (၃) ရက် နေ့က တာဝန်ပေးအပ်ခဲ့ရာ ဒီဇင်ဘာ (၂၈) ရက်နေ့တွင် ဖော်ထုတ်ဖမ်းဆီးနိုင်ခဲ့သည်။ အဆိုပါကျယ် သိန်း ၅၀ ကျော် ပျောက်ဆုံးမှုကို အမှုမှန်ဖော်ထုတ်  နိုင်မည့်ရက်ကို သက်ငယ်ပြင်ကျေး  ရွာသားတို့အပြင်မြို့မိဖြို့ဖများမှ လည်း စိတ်ဝင်စားလျက်ရှိကြ သည်။

.hotnewsweekly-မောင်ဆွေအင်း PDE

No comments:

Post a Comment

Related Posts Plugin for WordPress, Blogger...