ဂျပန်နိုင်ငံသည် ဆယ်စုနှစ်တစ်ခုကြာ အမေရိကန်နိုင်ငံမှ အမဲသားတင်သွင်းမှု ကန့်သတ်ထားခြင်းကို ဖေဖော်ဝါရီလ ၁ ရက်နေ့မှစတင်ကာ ပြန်လည် ခွင့်ပြုပေးလိုက်ကြောင်း ဂျပန်ကျန်းမာရေးဝန်ကြီးမှ တရားဝင် ပြောကြားလိုက်ကြောင်း သိရသည်။
လက်ရှိ ဂျပန်နိုင်ငံသည် အမေရိကန်မှ အမဲသားတင်သွင်းမှုနှင့် ပတ်သက်ပြီး
နွားများ၏ အသက်ကန့်သတ်ထားခြင်းကိုပယ်ဖျက်ပေးလိုက်ခြင်းဖြင့် ဂျပန်စားသုံးသူများ၏ ကျန်းမရေးအခြေအနေကို ထိခိုက်မှုမရှိနိုင်ကြောင်း ဂျပန်အစားအစာ ဘေးကင်းလုံခြုံမှု စောင့်ကြည့်ရေးကော်မရှင်နှင့်
ကျန်းမာရေးဝန်ကြီးဌာနမှ ထုတ်ပြန်ခဲ့ပြီးနောက် ဂျပန်ကျန်းမာရေး ၀န်ကြီး နိုရီဟီဆာတာမူရာမှ လာမည့် ဖေဖော်ဝါရီ ၁ ရက်နေ့မှ စတင်ပြီး အမေရိကန်အမဲသားများ အကန့်အသတ်မရှိ တင်သွင်းခွင့်ပြုလိုက်ပြီ ဖြစ်
ကြောင်း အတည်ပြုပြောကြားခဲ့ခြင်း ဖြစ်သည်။
၂၀၀၃ ခုနှစ် မတိုင်မီက ဂျပန်နိုင်ငံသည် အမေရိကန် အမဲသားပို့ကုန်များ အတွက် အကြီးမားဆုံး ဈေးကွက်ကြီးဖြစ်ခဲ့သည်။ ၂၀၀၃ ခုနှစ်တွင် အမေရိကန် နွားမွေးမြူရေးခြံများ၌ BSE နွားရူးရောဂါဖြစ်ပွားခဲ့သဖြင့် အမေရိကန်မှ တင်ပို့သော အမဲသားများကို လုံးဝပိတ်ပင်ခဲ့သည်။
ထို့နောက် ၂၀၀၆ ခုနှစ်တွင် အမေရိကန် အမဲသားတင်သွင်းမှုကို တစ်စိတ် တစ်ပိုင်း ပြန်ဖွင့်ပေးခဲ့သော်လည်း ရောဂါဖြစ်ပွားမှု နည်းပါးသော လပေါင်း ၂၀ ထက်ငယ်သည့် နွားများ၏ အသားကိုသာ တင်ပို့ခွင့်ပြုရန် ကန့်သတ်ထားသဖြင့် အမေရိကန် အမဲသားလုပ်ငန်းများ၏ တင်ပို့နိုင်
စွမ်းကို ထိခိုက်စေခဲ့သည်။
၂၀၀၃ ခုနှစ်တွင် အမေရိကန်မှ ဂျပန်သို့ အမဲသားတင်ပို့မှု တန်ချိန် ၄၀၀,၀၀၀ကျော် ရှိခဲ့သော်လည်း ဂျပန်ဘက်မှ အမေရိကန် အမဲသားတင်သွင်းမှုကို ပိတ်ပင်ပြီး နောက် ၂၀၁၁ ခုနှစ်တွင် တန်ချိန် ၁၆၀,၀၀၀ ခန့်သာ တင်ပို့နိုင်တော့သည်။ ယခင်က ဂျပန်နိုင်ငံ၏ အမဲသားဈေးကွက်ကို သြစတြေးလျနှင့် အမေရိကန် အမဲသားပို့ကုန်
များမှ စိုးမိုးထားပြီး နှစ်နိုင်ငံလုံး ဈေးကွက်ဝေစု၏ ၄၈ ရာခိုင်နှုန်းစီ ရရှိထားသည်။
အမေရိကန် အမဲသားများကို ဂျပန်သို့ တင်သွင်းမှု ပိတ်ပင်ခံခဲ့ပြီးနောက် အမေရိကန် အမဲသားများ၏ ဈေးကွက် ဝေစုလျော့ကျသွားခဲ့သည်။ ၂၀၁၂ ခုနှစ်တွင် ဂျပန်နိုင်ငံမှ စုစုပေါင်း အမဲသား ၂၄၀,၈၁၅ တန် တင်သွင်း
ခဲ့သည့်အနက် သြစတြေးလျ၏ ဈေးကွက် ဝေစု ၆၄ ရာခိုင်နှုန်းထိ
မြင့်တက်သွားခဲ့သည်။ အမေရိကန်နိုင်ငံသည် ကမ္ဘာပေါ်တွင် အမဲသားအများဆုံး ထုတ်လုပ်သော နိုင်ငံဖြစ်သဖြင့် အကြီးဆုံး အမဲသား ပို့ကုန်ဈေးကွက်ဖြစ်သော ဂျပန်သို့ တင်ပို့ခွင့်မရခြင်းကြောင့် အိုဘားမားအစိုးရအပေါ် နွားမွေးမြူရေးလုပ်ငန်းရှင်များနှင့် နိုင်ငံရေး
သမားများမှ ဖိအားပေးခဲ့ကြသည်။ ပြီးခဲ့သော ဧပြီလက အိုဘားမားနှင့် ဂျပန်
ဝန်ကြီးချုပ် ရိုရှီဟီကိုနိုဒါနှင့် တွေ့ဆုံရာတွင် အမေရိကန်ဦးဆောင်သော ပစိဖိတ် ကုန်သွယ်ရေး သဘောတူညီချက်တွင် ဂျပန်ပါဝင်လိုပါက အမေရိကန် အမဲသား တင်သွင်းမှု ကန့်သတ်ထားသည့်ကိစ္စ တိုး
တက်မှုရှိရန်လိုကြောင်း ပြောကြားခဲ့သည်။
ယခု ဂျပန်အစိုးရ၏ အမေရိကန် အမဲသားများတင်သွင်းမှု ပြန်လည်ခွင့်ပြု
မည့် ဆုံးဖြတ်ချက်သည် စီးပွားရေးလုပ်ငန်းများသို့ ချက်ချင်းရိုက်ခတ်ခဲ့ပြီး
နိုင်ငံ တစ်ဝန်း အမဲသားဟင်းလျာ စားသောက်ဆိုင်များ ဖွင့်လှစ်ထားသော ယိုရှီနိုဗာဟိုးလ်ဒင်းကုမ္ပဏီ၏ ရှယ်ယာများ တက်သွားခဲ့သည်။ အမေရိကန်အမဲသားများ အကန့်အသတ်မရှိ တင်ပို့ခွင့်ပြုလိုက်ခြင်းကြောင့်
ဂျပန်ဈေးကွက်တွင် ရွေးချယ်စရာ အမဲသား ထုတ်ကုန်များ များပြားလာမည်ဖြစ်ပြီးလက်ကားရောင်းဈေးများ ကျဆင်းသွားမည်ဟု တိုကျိုရှိ အမေရိကန် အမဲသားပို့ကုန်အသင်းမှ ဒါရိုက်တာ စူဆူမူဟာရာဒါ
က ပြောသည်။
- ရဲခေါင် (Source :Beef Central)
Myanmar News Update
No comments:
Post a Comment