စာသင်ကျောင်းတွင် အသက် ၇ နှစ်အရွယ် မိန်းကလေး တစ်ဦးအား
လိင်ပိုင်းဆိုင်ရာ
ကျူးလွန်ခဲ့ကြောင်း သတင်းများ ထွက်ပေါ်လာပြီးနောက် အိန္ဒိယမြို့တော်ဒေလီတွင်
ဆန္ဒပြ ကန့်ကွက်ပွဲများ အကြီးအကျယ် ပေါ်ပေါက်လာ ပြန်သည်။ အဆိုပါ မိန်းကလေးအား
ကုသပေး နေသောဆေးရုံ အပြင်ဘက်တွင် ဒေါသထွက် နေကြသည့် လူအုပ်ကြီးအား
ရဲအဖွဲ့ဝင်များက လက်ကိုင်တုတ်များ အသုံးပြုကာ လူစုခွဲခဲ့ရသည်။ အစိုးရစာ
သင်ကျောင်းများ ရှိကျောင်းဆရာ၊ ဆရာမများကို အဘယ့်ကြောင့်
မကာကွယ်နိုင်
သနည်းဆိုသည့် မေးခွန်းမှာ လူထုအကြား ပျံ့နှံ့လျက် ရှိသည်။
အိန္ဒိယနိုင်ငံ ဒေလီမြို့တော်၌ပင် ဂိုဏ်းအုပ်စုဖွဲ့၍ ဘတ်စ်ကားပေါ်တွင်
မုဒိမ်းကျင့်မှု ဖြစ်ပွားခဲ့ပြီးနောက် တစ်ပြည်လုံးတွင် ပြည်သူတို့၏ ကန့်ကွက်
ဆန္ဒပြမှု အကြီးအကျယ် ဖြစ်ပွားခဲ့မှုမှာ မကြာလှသေးပေ။ အသက် ၇ နှစ် အရွယ်
ကျောင်းသူလေးအား ဆေးဝါးကုသ ပေးနေသော ရာဆန်ဂျေး ဂန္ဓီဆေးရုံ အပြင်ဘက်တွင်
ဆန္ဒပြကန့်ကွက်သူ ပြည်သူများ စုဝေး ရောက်ရှိလာပြီး မကြာမီမှာပင်
ဆန္ဒပြသမားများက ဘတ်စ်ကားများနှင့် ရဲအဖွဲ့ ဝင်များအား ကျောက်ခဲများဖြင့်
ပစ်ပေါက် တိုက် ခိုက်ခဲ့ကြသည်။ ဆေးရုံ ဆရာဝန်ကြီး Dr.Sanjay Kumar က အသက် ၇
နှစ်အရွယ် မိန်းကလေးမှာ မုဒိမ်းကျင့် ကြံခံရသည်မှာ မှန်ကန်ကြောင်း AP
သတင်းဌာနသို့ ပြောသည်။
No comments:
Post a Comment