ရှမ်းပြည်နယ်(မြောက်ပိုင်း)
မူဆယ်မြို့နယ် ပန်ကျုံရွာအနီး လူနှစ်ဦး သေဆုံးနေကြောင်း သတင်းအရ မတ် ၉
ရက် နံနက်ပိုင်းက နယ်မြေခံလုံခြုံရေး အဖွဲ့များမှ သွားရောက်
ရှင်းလင်းစဉ် သေနတ် ဒဏ်ရာ များဖြင့် သေဆုံးနေသော အရပ်သား အလောင်း
နှစ်လောင်းနှင့် အလောင်း များ အနီး ၁ဝ ကိုက်ခန့် အကွာတွင် အမ်-၂၂ ကျည်ခွံ
လေးခွံ တို့အား တွေ့ရှိခဲ့သည်။ဖြစ်စဉ်အား စိစစ်ချက်အရ သေဆုံး သူနှစ်ဦးမှာ ပန်ကျုံရွာ၌ နေထိုင်သော အိုက်လိတ်နှင့် အိုက်ဆာတို့ နှစ်ဦးဖြစ် ကြောင်းသိရှိရပြီး ၎င်းတို့ နှစ်ဦးသည် မတ် ၈ ရက် နံနက် ၉ နာရီခွဲခန့် ကရွာနှင့် ၁ မိုင်ခန့် ဝေးသော တောတွင်းသို့ အမဲပစ်ရန် သွားရောက်ခဲ့စဉ် အကြမ်းဖက် သောင်းကျန်းသူ အဖွဲ့တစ်ဖွဲ့မှ တွေ့ရှိ ဖမ်းဆီးခံရပြီး အကြောင်းမဲ့ လက်နက်ငယ်များဖြင့် ပစ်ခတ် သတ်ဖြတ်ခြင်း ခံခဲ့ ရခြင်းဖြစ်ကြောင်း စုံစမ်းသိရှိရသည်။
ဖြစ်စဉ်နှင့် ပတ်သက်၍ မူဆယ်မြို့ နယ်ရဲစခန်းမှ တရား ဥပဒေအရ အမှုဖွင့် အရေးယူ ဆောင်ရွက်လျက် ရှိကြောင်း သတင်းရရှိသည်။
No comments:
Post a Comment