ပြည်ပနိုင်ငံ၏ နည်းပညာ ကုမ္ပဏီတစ်ခုဖြစ်သော SingTelမှ မြန်မာနိုင်ငံတွင် ရုပ်သံနှင့်အင်တာနက်တို့ကို ၀န်ဆောင်မှုပေးရန်အတွက် သဘောတူလက်မှတ် ရေးထိုးပြီးဖြစ်ကြောင်း ထုတ်ပြန်ချက်များအရ သိရသည်။အဆိုပါဝန်ဆောင်မှု လုပ်ငန်းများကို စင်ကာပူနိုင်ငံမှ မိုဘိုင်းဖုန်းတင်သွင်းသော မြန်မာနိုင်ငံအခြေစိုက် ALNOOR စင်ကာပူကုမ္ပဏီနှင့် SingTelတို့ပူးပေါင်း ဆောင်ရွက်မည်ဖြစ်ပြီး အခြားဂြိုဟ်တု ၀န်ဆောင်မှု လုပ်ငန်းများတွင်လည်း ၀န်ဆောင်မှုပေးမည် ဟုသိရသည်။
ဂြိုဟ်တုဝန်ဆောင်မှု လုပ်ငန်းများတွင် မြန်နှုန်းမြင့် အင်တာနက်စနစ်များ၊ ရုပ်သံထုတ်လွှင့်မှု ၀န်ဆောင်မှုများကို ၀န်ဆောင် မှုပေးကြမည် ဖြစ်ကြောင်း သိရသည်။
ထိုသို့သဘောတူ လက်မှတ်ရေးထိုးခြင်းကို ဧပြီ၎ရက်နေ့တွင် ကျင်းပသောစင်ကာပူ-မြန်မာစီးပွားရေးဖိုရမ်တွင် ရေးထိုးခဲ့ခြင်းဖြစ်သည်။
''အခုလိုပြည်ပနိုင်ငံတွေရဲ့ နာမည်ကြီးနည်းပညာ ကုမ္ပဏီတွေဝင်ရောက် လုပ်ကိုင်လာမယ်ဆိုရင် မြန်မာနိုင်ငံရဲ့အင်တာနက် မြန်နှုန်းတွေအပါအ၀င် အခြားဆက်သွယ်ရေး ကွန်ရက်တွေလက်ရှိထက် အများကြီးကောင်း မွန်လာမှာပါ။
နည်းပညာ ပိုင်းမှာလည်း လူငယ်တွေအနေနဲ့ ဗဟုသုတများစွာ ရရှိလာကြမှာပါ''ဟုပြည်တွင်း နည်းပညာရှင်တစ်ဦး က ပြောကြားသည်။
SingTelကုမ္ပဏီအနေဖြင့် လက်ရှိတွင် ပြည်ပနိုင်ငံများ၌ မိုဘိုင်းဖုန်း ထုတ်လုပ်ခြင်းလုပ်ငန်း၊ ငွေဖြည့်ကတ် ထုတ်လုပ်ခြင်းလုပ်ငန်း၊ အင်တာနက် ၀န်ဆောင်မှုလုပ်ငန်း၊ ရုပ်သံဝန်ဆောင်မှုလုပ်ငန်း၊ အပါအ၀င်အခြား နည်းပညာ လုပ်ငန်းများကိုလည်း ၀န်ဆောင်မှုပေး ဆောင်ရွက်လျက်ရှိသော ကုမ္ပဏီတစ်ခုဖြစ်သည်။
ယင်းကုမ္ပဏီမှာ လက်ရှိအချိန်တွင်လည်း ကမ္ဘာ့နိုင်ငံ အသီးသီးရှိ နိုင်ငံပေါင်း ၂၅နိုင်ငံဝန်ကျင်တွင် ဆက်သွယ်ရေးဝန်ဆောင်မှု လုပ်ငန်းများကို ဆောင် ရွက်ပေး လျက်ရှိသော ကုမ္ပဏီတစ်ခုဖြစ်ကြောင်း သိရသည်။
Posted From Zaw Min Tun
Thit Htoo Lwin blog
No comments:
Post a Comment