မဲလ်ဘုန်း၊ မေ ၁၉
နာမည်ကျော် လူမှုရေးကွန်ရက် Website ကြီးတစ်ခုဖြစ်သည့် Facebook ပေါ်တွင် တက်စ်မေးနီးယား ဆရာများကို အပုပ်ချထားပြီး မုန်းတီးမှုကိုအားပေးရန် တိုက်တွန်းထားသည့်စာများတက်လာကြောင်း ABC သတင်းတွင်ဖော်ပြထားသည်။
Facebook ၏ ထိုစာမျက်နှာပေါ်တွင် “တက်စီမှ မုန်းစရာကောင်းသည့်ဆရာများ” ဆိုသည့်ခေါင်းစဉ်အောက်၌ စတင်ဖန်တီးလိုက်သည့်ရက်မှ သုံးရက်အတွင်း
follower ပေါင်း ထောင်ချီရှိသွားပြီး၊ ဝေဖန်ချက်ပေါင်း ဒါဇင်နှင့် ချီကာတက်လာခဲ့သည်။
မုန်းစရာကောင်းသည့်ဆရာများခေါင်းစဉ်အောက်တွင် လူငယ်များသည် မိမိတို့မနှစ်သက်သည့် ဆရာများ၏ ပုံများကို တင်ထားပြီး ဝိုင်းဝန်းဝေဖန်ရေးသားမှုများပြုလုပ်ခဲ့ကြသည်။
ထိုစာမျက်နှာကို မည်သူဖန်တီးလိုက်ကြောင်း မသိရသော်လည်း သြစတြေးလျ ပညာရေးသမဂ္ဂမှ တယ်ရီ ပိုးဂလေ့စ်က ထိုရေးသားဖော်ပြချက်များကြောင့် ဆရာများသည် စိတ်မသက်မသာဖြစ်ရပြီး စိတ်ဖိစီးမှုအ ကြီးအကျယ် ခံစားနေရကြောင်း ထုတ်ဖော်ပြောကြားခဲ့သည်။
လူမှုရေးကွန်ရက်များတွင် ပြောချင်သလိုပြောခွင့်၊ ဝေဖန်ချင်သလိုဝေဖန်ခွင့်များ ပြုထားခြင်းသည် ကာယကံရှင်များကို စိတ်ထိခိုက်စေနိုင်ကြောင်း၊ မမြင်ရ မတွေ့ရသဖြင့် လုပ်ချင်တိုင်းလုပ်ခွင့်ရထားသည့် နေရာတစ်ခုဖြစ်နေကြောင်း အိုင်တီ ကျွမ်းကျင်သူ ပေါ်လာ ဆွပ်မင်းကပြောကြားသည်။
သြစတြေးလျရဲတပ်ဖွဲ့ကလည်း လူမှုရေးကွန်ရက်၏ လုပ်ရပ်များနှင့် ပတ်သက်ပြီး မိမိတို့ထံသို့ အရေးယူပေးရန် တိုင်ကြားမှုများစွာရှိခဲ့ကြောင်း သို့သော် ရာဇဝတ်မှုကြောင်းအရ အရေးယူရန် ဥပဒေမရှိခြင်းကြောင့် မည်သို့မျှ မတတ်နိုင်ကြောင်း ပြောကြားခဲ့သည်။
သြစတြေးလျ ပညာရေးဌာနကမူ မိမိတို့အနေဖြင့် Facebook ကို မည်သို့မျှ ထိန်းချုပ်ရန် မတတ်နိုင်သော ကြောင့် လစ်လျူရှုထားလိုက်ရန်ကလွဲပြီး အခြားနည်းမရှိကြောင်း ပြောကြားခဲ့သည်။
ပါမောက္ခသတင်း
No comments:
Post a Comment