ဧရာဝတီတိုင်း ဒေသကြီး ၊ ဘိုကလေး မြို့နယ် ၊ ကြိမ်ချောင်းကြီး ကျေးရွာအုပ်စု ၊ ဆတ်ကျွန်းကျေးရွာ ၌ ယမန်နေ့ ညနေ ၆ နာရီက ရေဆင်းချိုး ရာမှ မိကျောင်းကိုက် ခံရ၍ ကိုရင်တစ်ပါး ပျံလွန် ခဲ့ကြောင်း သိရသည်။
မိကျောင်းဆွဲသွားသော ကိုရင် ၀ါယမ အား ဆတ်ကျွန်း ကျေးရွာ ပြည်သူ ၃၀၀ ဦးခန့်မှ စက်လှေ အစင်း ၅၀ ဖြင့် မိကျောင်းကို လိုက်လံ ရှာဖွေရာ ကိုရင် ရေချိုးဆင်း ခဲ့သည့် သာသနပါလ ဘုန်းကြီးကျောင်း နှင့် ကိုက် ၁၀၀ ခန့် အကွာ အလျား ပေ ၂၀ ၊ လုံးပတ် ၇ ပေရှိ မိကျောင်း တစ်ကောင်အား မှိန်းဖြင့် ပစ်ခတ် ဖမ်းဆီးခဲ့သည်။ ၄င်း မိကျောင်းအား မိန်းမလှကျွန်း ရှိ သစ်တော ထိန်းသိမ်းရေး စခန်း တောအုပ်ထံ ပို့ဆောင်ခဲ့ပြီး မိကျောင်းအား ခွဲစိတ်ကြည့်ရာ ၀မ်းဗိုက်အတွင်း ၌ ကိုရင် အလောင်း မတွေ့ရဘဲ ကျွဲ ၊ နွားများ နှင့် ကြက် ၊ ဘဲအမွေး ၊ ကြွပ်ကြွပ်အိတ် များသာ တွေ့ရှိရသည်။
ဆက်လက်၍ ရှာဖွေရာ ကျောင်းနှင့် ကိုက် ၈၀၀ ခန့်အကွာ ကိုရင် ၀ါယမ ၏ ခန္ဓာကိုယ် အနှံ့အပြား တွင် မိကျောင်းကိုက် ဒဏ်ရာများ နှင့် ပြန်လည် တွေ့ရှိခဲ့သည်။ အဆိုပါ ဖြစ်စဉ် နှင့် ပတ်သက်၍ ဘိုကလေး ရဲစခန်း မှ သေမှုသေခင်း အမှတ် ၈/၁၃ ဖြင့် အမှုဖွင့် စစ်ဆေးလျက် ရှိကြောင်း သိရှိရသည်။
မြ၀တီ
No comments:
Post a Comment