ဧဒင်အချစ်ပုံပြင်မှလှိုက်လဲစွာကြိုဆိုပါတယ်
၂၀၁၁
- ၂၀၁၂ ပညာသင်နှစ် တက္ကသိုလ်ဝင်တန်း အောင်စာရင်းကို ဇွန်လ ပထမပတ် တွင်
ကြေညာ သွားမည် ဖြစ်ကြောင်း အမှတ် (၃) အခြေခံပညာ ဦးစီးဌာနနှင့် ပညာရေး
အသိုင်း အဝိုင်းထံမှ သိရသည်။ တက္ကသိုလ်ဝင်တန်း အောင်စာရင်းများကို
တစ်နှစ်ထက်တစ်နှစ် ပို၍စောစီးစွာ ကြေညာရခြင်းမှာ စာမေးပွဲ ကျရှုံးသူ ကျောင်း
သား၊ ကျောင်း သူများ အတွက် လာမည့် စာမေးပွဲကို ကြိုတင် ပြင်ဆင်နိုင်ရန်
ယခုကဲ့သို့ ထွက်ရှိခြင်း ဖြစ်ကြောင်း မူလတန်းလွန် ကျောင်းအုပ်ဆရာကြီး
တစ်ဦးက ခန့်မှန်း ပြောကြားသည်။“အောင်စာရင်းက ဇွန်လ ၃ ရက်နေ့လို့အထက်က ညွှန်ထားတယ်” ဟု မင်္ဂလာတောင်ညွန့် မြို့နယ် အမက
(၁၄) မူလတန်းလွန်ကျောင်း ကျောင်းအုပ်ဆရာကြီး ဦးအောင်မင်း က ဆိုသည်။ ယမန်နှစ် ၂၀၁၁ တက္ကသိုလ်ဝင်တန်း အောင်စာရင်းကို ဇွန်လ ၄ ရက်နေ့တွင် ထုတ်ပြန်ကြေညာ ခဲ့သည်။ အဆင့်မြင့် ပညာရေး ကဏ္ဍတွင်လာမည့် တက္ကသိုလ် စာသင်နှစ်ကို တစ်နှစ် ထပ်မံ တိုးမြှင့်မည် ဖြစ်သောကြောင့် ၂၀၁၁-၂၀၁၂ ပညာသင်နှစ် အောင်မြင်ပြီးသူများသည် ပညာသင်နှစ် လေးနှစ် တက်ရောက် ရမည် ဖြစ်ကြောင်း သမိုင်းဌာနမှ ကထိကတစ်ဦးထံမှ သိရသည်။
No comments:
Post a Comment