မတ် ၄ ရက် ည ၈နာရီခွဲ အချိန်တွင် ဒဂုံတက္ကသိုလ်ဒုတိယ နှစ် သင်္ချာ ကျောင်းသူ မဖြူဖြူသန့် (ယာဉ်တိုက်ခံရသူ)နှင့်သူငယ်ချင်း များသည် ရွှေတိဂုံစေတီတော်သာ သနာ ၂၆၀ဝ ပြည့် ဘုရားပွဲသို့ သွားရောက်ခဲ့ရာမှ ပြန်လာပြီး သူ ငယ်ချင်းများနှင့်လမ်းခွဲခဲ့ရာ မြောက် ဥက္ကလာပမြို့နယ် Y တံတားအနီး သို့အရောက်တွင် ယာဉ်မောင်းကို သက်တင်မောင်းနှင်လာသည့် ဒ/၇၆၄၆ ဟိုင်းလတ် အဖြူရောင် ယာဉ်မှ အရှိန်ပြင်းစွာဝင်တိုက်ခဲ့ သည်။
ယာဉ်တိုက်ခံရသည့် အရှိန်ကြောင့် မဖြူဖြူသန့်မှာ ခန္ဓာကိုယ် အနှံ့ ဒဏ်ရာများ ရရှိသည့်အပြင် မျက်နှာပြင်၌ ပြင်းထန်စွာဒဏ်ရာ ရရှိခြင်း၊ ဆီးအိမ် ပေါက်ကွဲခြင်းများ ပါခံစားရသည်။ ထို့ကြောင့်ရန်ကုန် ဆေးရုံကြီး အရေးပေါ် ခွဲစိတ်ဆောင် ၇/၈တွင် ၂၁ ရက်ကျော်ကြာဆေး ဝါးကုသခံယူခဲ့ကြောင်းလည်း သိရှိ ရသည်။
“ကျွန်မသမီးကတက္ကသိုလ် ကျောင်းသူပါ။ အခုဇွန် ၁ ရက်ဆို ရင် ကျောင်းတက် ရတော့မယ်။ ဒါ ပေမဲ့ဒီပုံစံနဲ့ဘယ်လိုသွားတက်မ လဲနော်၊ မသေအောင်တောင်မ နည်းကုထားရတာ၊ ယာဉ်တိုက်ခံရ ပြီးကတည်းက ဒီနေ့အထိတိုက် သွားတဲ့ကားသမားကတစ်ခါလေး တောင်လာမမေးဘူး။ ယာဉ်တိုက်မှု ဖြစ်တဲ့ တရားခံ ယာဉ်မောင်းကို လည်း အခုအချိန်ထိအာမခံနဲ့ လွတ်ထားတယ်လို့ သိရတယ်။ သုံးလနီးပါး ရှိသွားပြီ၊ တရားစွဲဖို့မပြောနဲ့ ဆေးရုံ ကြီးက ဆေးစာတောင်အခုထိသွား မထုတ်သေးဘူး။ ဒီအမှုကိုစစ်တဲ့ အမှုစစ်က ယာဉ်ထိန်းနယ်မြေ (၇) က ဒုရဲအုပ်အောင်________ပါ။ အဲဒီယာဉ်မှုစစ်လည်းအခုချိန်အထိ တစ်ခါမှလာမမေးဘူး။ ချိန်းရင် လည်းမအားဘူးလို့ ဆိုပြီး မတွေ့ရဘူး” ဟု ယာဉ်တိုက်ခံရသူ မဖြူဖြူ သန့်၏မိခင်ကရှင်းပြပါသည်။
အမှုအားဥပဒေအကြံတောင်း ခြင်း၊ တရားစွဲဆိုခြင်းများမရှိသည့် အတွက် ဥပဒေကြောင်း အရကူညီ လုပ်ဆောင်ပေးနိုင်ဦးမည် မဟုတ် သေးကြောင်း တရားစွဲဆိုပြီးမှသာ လျှင် ရှေ့နေတစ်ဦး အနေဖြင့်လုပ် ဆောင်ရမည့် လုပ်ငန်း တာဝန်များ စတင် ဆောင်ရွက် နိုင်မှသာ ဖြစ်သည် အတွက် အမှုနှင့်သက်ဆိုင်သည့် ယာဉ်မှုစစ်အနေဖြင့် အမြန်ဆုံး တရားစွဲဆို တင်ပို့သင့်ကြောင်း မဖြူဖြူသန့် ၏ရှေ့နေကရှင်းပြခဲ့သည်။
ရန်ကုန်မြို့အတွင်း မကြာခဏ ဖြစ်ပွားလေ့ရှိသော ယာဉ်တိုက်မှု များ၌ အမှုစစ်များ၏အချိန်ဆွဲမှု ကြောင့် ထိခိုက်နစ်နာသူနှင့်မိသားစု များအနေဖြင့် လူမှုရေး ဆုံးရှုံး နစ်နာ မှုများရှိနေကြောင်း သိရှိရသည်။
မြန်မာပြည်သား KW
 |
No comments:
Post a Comment