"ဆိုက်ကားစီးသော
နိုင်ငံကျော်ဆရာတော် (သို့) ဒေါသဖြစ်စရာနှင့် ကြုံပါလျက်
ဒေါသမဖြစ်တဲ့မင်းကွန်းဆရာတော် ဘုရားကြီးရဲ့ ကြည်ညိုဖွယ်ရာဖြစ်ရပ်လေးတစ်ခု"Tuesday, October 22, 2013
မင်းကွန်းတိပိဋကဆရာတော်ဆိုရင် တစ်ခါက မန္တလေးမြို့က ညတရားပွဲပင့်ထားတယ်။ အစီအစဉ်ကတော့ ဆရာတော်က မင်းကွန်းကနေ မန္တလေးဆိပ်ကမ်းဘက် စက်လှေနဲ့ ကြွလာရမယ်။
တရားပွဲကျင်းပမယ့်သူများက မန္တလေးဆိပ်ကမ်းကနေ ကားနဲ့ကြိုမယ်ပေါ့။ ဆရာတော်ကြီးလည်း ညနေခြောက်နာရီခွဲလောက် မန္တလေးဆိပ်ကမ်းလည်း ရောက်လာရော လာကြိုတဲ့ ကားတစ်စီးမှ မရှိဘူး။ ကိစ္စတစ်စုံတစ်ခုကြောင့် နောက်ကျတာ ဖြစ်မှာပါ ဆိုပြီး ဆရာတော်ကြီးက ဆိပ်ကမ်းက သစ်ပင်အောက်မှာ ထိုင်စောင့်ရှာတယ်။ တရားပွဲက ခုနှစ်နာရီခွဲ ဟောရမှာ ကားက ခုနှစ်နာရီထိုးပြီးတဲ့အထိ ရောက်မလာဘူး။
ဒီအချိန်မှာ ဆရာတော်ကြီးက ကမ္ဘာကျော်တဲ့အထိ နာမည်ကြီးနေတာ အင်္ဂလန်က ဂင်းနစ်ကမ္ဘာ့စံချိန်စာအုပ်ကြီးမ
ဒီလို ဆရာတော်မျိုးဆိုတော့ တရားပွဲအကြိုအပို့ ကားလှူချင်တဲ့ ဒကာတွေက သိပ်များတယ်။ သူကြိုမယ် ငါကြိုမယ်နဲ့ ဝိုင်းပြောကြတော့ အကျိုးဆောင်အဖွဲ့က ဘယ်သူကြိုပါလို့ သတ်မှတ်မပေးဘဲ ခင်ဗျားတို့ အတူတူကြိုလိုက်ပါလို့ ပေါင်းပြောလိုက်တယ်။ ဆရာတော်ကြီးကတော့ တစ်စီးပဲစီးမှာပဲ။ ကြိုတဲ့ကား များလေ ကောင်းလေလို့ သဘောထားလိုက်ဟန် တူတယ်။ မှန်းကြည့်ရတာ အဲဒီလို ကားကြိုဖို့ ပြောထားတာ တရားပွဲ မတိုင်ခင် လေးငါးရက်အလိုလောက်က ဖြစ်မယ်။ တရားဟောမယ့်ရက် ရောက်လို့ ကြိုရမယ့်နေ့ကျတော့ ကားပိုင်ရှင်တွေဟာ မေ့နေကြတယ်။ တချို့ သတိရတဲ့လူကျတော့လည်း ကိစ္စ အနည်းအပါးရှိနေတော့ ငါ မသွားလည်း ဘာမှမဖြစ်ပါဘူး။ တခြားကားတွေ အများကြီး ရှိနေတာပဲလို့ ပေါ့ပေါ့သဘောထားပြီး မသွားဘဲ နေလိုက်ကြတယ်။ ဒါကြောင့် ကြိုမယ့်ကား တစ်စီးမှ ရောက်မလာတာ။
နောက်ဆုံးတော့ ဆရာတော်ကြီးဟာ တရားပွဲပျက်မှာစိုးတဲ့အတွက် ဆိုက်ကားတစ်စီးငှါးပြီး တရားပွဲကို ကြွသွားတယ်။ ကြည့်စမ်း။ ဒေါသကိလေသာ ဘယ်လောက်ခေါင်းပါးလိုက်သလဲလို့။
တရားပွဲနဲ့နီးတဲ့နေရာလည်း ရောက်ရော အမှောင်ထဲမှာ ဆိုက်ကားကို ရပ်ခိုင်းပြီး ပလ္လင်ပေါ်တက် တရားဟောတော့တာပဲ။ မှောင်ထဲမှာ ရပ်ခိုင်းတာက ဆရာတော်ကြီး ဆိုက်ကားနဲ့ ကြွလာရတာပါလားလို့ သိရင် ပရိသတ်တွေ၊ တရားပွဲ အကျိုးတော်ဆောင်တွေ စိတ်မကောင်းဖြစ်မှာ စိုးလို့တဲ့။ တရားပွဲပြီးတဲ့အခါ ဆရာတော်ကြီးဟာ အမှောင်ထဲက ဆိုက်ကားနဲ့ပဲ မြစ်ဆိပ်ကို ပြန်ကြွသွားတယ်။ အကျိုးတော်ဆောင်တွေရော၊ ပရိသတ်တွေရော ဆရာတော်ကို ကားနဲ့ပဲ ကြွလာတယ်လို့ ထင်နေကြတာတဲ့။ ဒီဖြစ်ရပ်ကိုတောင် အတူနေ တပည့်တွေပြောလို့ သိကြရတာ။
(ဆရာတော် မေတ္တာရှင်(ရွှေပြည်သာ)ရဲ့ "လူငယ်များအတွက် ဂမ္ဘီရဝိပဿနာ အတွဲ(၈) စာ၁၅၂-၁၅၅" မှ ကူးယူဖော်ပြပါသည်)
No comments:
Post a Comment