လွန်ခဲ့သော နှစ်ပေါင်း ၂၀၀ ကျော်ကဟု ခန့်မှန်းရသော ရခိုင် ရှေးဟောင်း
သစ်သား လှေကြီး တစ်စီးကို ဘင်္ဂလာဒေခ်ျ့နိုင်ငံ အ၀ကျွန်းဒေသတွင် ဘင်္ဂလာဒေခ်ျ့
ရှေးဟောင်းသုတေသန ဌာနက ရှာဖွေ တွေ့ရှိခဲ့သည်။
ရှေးဟောင်း သစ်သား လှေကြီးကို ဇွန်လ ၂၉ ရက်နေ့က ဘင်္ဂလာဒေခ်ျ့နိုင်ငံ
အ၀ကျွန်း ဒေသ ကွာကတ (ကံဆိပ်) ဆိပ်ကမ်း သဲသောင်ပြင် ရေတိမ်ပိုင်းမှ
ရှာဖွေတွေ့ရှိခဲ့သည်ဟု ဆိုသည်။
ဒေသခံများသည် အဆိုပါ ရှေးဟောင်း လှေကြီးပေါ်မှ အဖိုးမဖြတ်နိုင်သော
ပစ္စည်းများကို ယူဆောင်သွားကြသည်ဟု ဘင်္ဂလာဒေခ်ျ့ သတင်းများတွင် ဖေါ်ပြသည်။
အဆိုပါ သစ်သားလှေကြီးမှာ ၇၂ ပေရှည်ပြီး ၂၂ ပေ ၅ လက်မ အကျယ်ရှိကြောင်း သိရသည်။
ရှေးဟောင်း သစ်သားလှေကြီးမှာ ရခိုင် အမျိုးသားများက အဆိုပါ ဒေသသို့
အခြေစိုက်ရန် ထွက်ပြေးလာစဉ် အသုံးပြုခဲ့သော လှေကြီး ဖြစ်ပုံရသည်ဟု
ရှေးဟောင်းသုတေသန ဌာန က ပြောသည်။
၁၇၈၄ ခုနှစ် ရခိုင်ပြည်အား ဗမာ ဘုရင် ဘိုးတော် ဘုရားမှ ၀င်ရောက်
သိမ်းပိုက်ပြီးနောက် မြောက် များစွာသော ရခိုင်အမျိုးသားများမှာ ဘင်္ဂလာဒေခ်ျ့
အ၀ကျွန်းဒေသသို့ လှေကြီးများဖြင့် ထွက်ပြေး ခိုလုံခဲ့ကြသည်။
၎င်းး အချိန်က အဆိုပါ ဒေသမှာ လူသူမနေသော တောကြီးမျက်မည်း အရပ်ဖြစ်ကာ မည် သူမျှ
နေထိုင်ခြင်း မရှိသေးကြောင်း သမိုင်းမှတ်တမ်းများ အရ သိရသည်။ ရခိုင်ပြည်မှ
ရွက်လှေကြီးများဖြင့် ထွက်ပြေးလာကြသူ ရခိုင်များသည် အဆိုပါ ဒေသတွင်
တောရိုင်းများကို ခုတ်ထွင်ရှင်းလင်းပြီး နေထိုင်ခဲ့ကြသည်ဟု ဆိုသည်။
တောရိုင်းများကို ခုတ်ထွင် ရှင်းလင်းစဉ် မိကျောင်းများ၊ ကျားများဖြင့် ရင်ဆိုင်တိုက်ပွဲများလည်း အကြီးအကျယ် ဖြစ်ပွားခဲ့သည်ဟု ဆိုသည်။
ယခု ရှေးဟောင်းလှေကြီး တွေ့ရှိရာ အ၀ကျွန်းဒေသမှာ ဒက္ကားမြို့တော်မှ
အနောက်တောင်ဘက် ပင်လယ်ကမ်းခြေတွေင် တည်ရှိပြီး အိန္ဒိယ
နိုင်ငံဘင်္ဂလားနယ်နှင့် ကပ်ရပ်တည်ရှိသည်။ ယခုအချိန်ထိ ၎င်း အ၀ကျွန်းဒေသတွင်
ရခိုင်ရွာပေါင်း ၅၀ ခန့် တည်ရှိသည်။
အများစုမှာ မြန်မာနိုင်ငံ လွှတ်လပ်ရေး ရရှိပြီးနောက် မြန်မာဘက်ကို ပြောင်းရွှေ့သွားကြသည်ဟု သိရသည်။
Ref: နိရဥရာသတင်းမီဒီယာ
No comments:
Post a Comment