ဧဒင်အချစ်ပုံပြင်: “မိန်းမလျှာတစ်ဦးငါးဖမ်းလှေက ထွက်ပြေးလွတ်မြောက်လာ”

Thursday, 17 January 2013

“မိန်းမလျှာတစ်ဦးငါးဖမ်းလှေက ထွက်ပြေးလွတ်မြောက်လာ”

                          
၂၀၁၃ ဇန်န၀ါရီ ၁၈
          မင်းဘခက်
        ဘန်ကောက်မြို့တောင်ဘက် ၈၁ ကီလိုမီတာ အကွာတွင်ရှိသော ပင်လယ်ငါးဖမ်းလုပ်ငန်း အမြောက်အများလုပ်ကိုင်သည့်ခြုံဘူရီခရိုင်ခရိုင်   ချောင်း စမေးစံလှေဆိပ် တွင် ရောင်းစားခံ ခဲ့ရသည့် ပဲခူးမြို့မှ မိန်းမလျှာ လူငယ် တစ်ဦးအား MAT အဖွဲ့ က ယမန်နေကယ်တင်နိုင်လိုက်ကြောင်း သိရှိရသည်။
        ပဲခူးမြို့ မှ အသက် ၁၈နှစ်အရွယ် မိန်းမလျှာ မင်းသန့် ဆိုသူသည် မြ၀တီ ၁၄ ဂိတ်မှ ပွဲစား - - - - က နာနတ်သီးစက်ရုံတွင်လုပ်ရမည်ဟုပြော ဆိုသဖြင့် လိုက်ပါလာခဲ့ရာငါးဖမ်းလှေဆိပ်သို့ရောက်ရှိသွားခဲ့ခြင်းဖြစ်သည်။

       “ကျနော်တို့ လာတုန်းက မြန်မာအလုပ်သမားပေါင်း ၃၀ ကျော်ပါတယ်။ လှေဆိပ်ကိုရောက်တော့ မွန်
လူမျိုးပွဲစားတွေက နာမည်ခေါ်ပြီး လှေအသီးသီးကိုတင်လိုက်တယ်။ မဲဆောက်က လာရောင်းတဲ့သူက ဘတ်ငွေ ၁၄၀၀၀ နဲ့ရောင်းချခဲ့တာ။ လှေပေါ်ကိုရောက်တော့ ၁နှစ်လုပ်ဆပ်ရမယ်။ ဘတ်ငွေ ၂၈၀၀၀  ဖိုးပြည့်မှလွတ်မယ်လို့ပြောပါတယ်။ ကျနော်  နေမကောင်းလို့ ဆေးဝယ်ဖို့ထွက်လာရင်း ပြေးလာတာပါ။ ကျနော့်ကို လှေသမားတစ်ယောက်က ဦးကျော်သောင်း ဖုန်းကိုဆက်ပါလို့ ပြောထားလို့ ကျနော် ဒီဖုန်းနံ ပါတ်ကို အသေမှတ်ထားပါတယ်” ဟုပြောသည်။
         မင်းသန့် သည် လှေပေါ်တွင် ရက် ၂၀ ခန့် သာလုပ်ကိုင်ခဲ့သည်။ လှေပေါ်တွင် အလုပ်လုပ်ခါနီးတိုင်း
စိတ်ကြွဆေးများဖျော်ထားသည့် အရည်တစ်မျိုးကို မသောက်မနေရသောက်သုံးရကြောင်း ပြောပါသည်။
တစ်ညလုံးကို လမ်းလျှောက်ထွက်ပြေးခဲ့သဖြင့် နေရာတစ်ခုသို့ရောက်သည့်အခါ ထိုင်းလူမျိုး ကျောင်းဆရာ
တစ်ဦးက ခေါ်ယူ၍ ၁၀ ရက်တိုင်တိုင် ဆေးဝါးကုသပေးခြင်း ကျွေးမွေးစောင့်ရှောက်ခြင်းများပြုခဲ့သည်။
ထို့နောက် အမည်မသိ မြို့တစ်မြို့၏ ဈေးတစ်ခုတွင် ဘတ်ငွေ ၅၀ နှင့် ပြောင်းဖူးပြုတ် ၂ဖူးတို့ကိုပေးခဲ့ပြီး
ကျောင်းဆရာ ထွက်ခွာသွားခဲ့ပါသည်။
             မင်းသန့် သည် ကျောင်းဆရာ ပြန်မရောက်လာသဖြင့် ငိုယိုနေစဉ် ငါးခြောက်များရောင်းသည့်
တွန်းလှည်းတစ်စီးဖြင့် မြန်မာအမျိုးသမီး တစ်ဦး ရောက်ရှိလာခဲ့သဖြင့် လိုက်ပါလာခဲ့ပြန်သည်။ ထိုအမျိုး သမီးက ဘန်ကောက်မြို့ တစ်နေရာတွင် အိမ်ဖေါ်နှင့်စက်ချုပ်အလုပ်လုပ်ရသည့် အိမ်တစ်အိမ်သို့ ရောင်း ချခဲ့ပြန်ပါသည်။ နံနက် ၄နာရီမှ ည၁၀ နာရီအထိ မနေမနား လုပ်ခဲ့သည့် လုပ်အားခ မှာ ဘတ်ငွေ ၁၂၀၀ သာပေး သဖြင့် ရောင်းစားခံရပြန်ပြီဖြစ်ကြောင်း သိရှိလာခဲ့သည်ဟု သူ ကဆိုသည်။
ထိုင်းနိုင်ငံရောက် မြန်မာနိုင်ငံသားများအဖွဲ့ MAT ဒါရိုက်တာ ဦးကျော်သောင်း က “ ကျနော့်ကိုဖုန်းဆက်လာ တယ်။ ကျနော်က အငှါးကားမောင်းသူကို လာပို့ ဖို့ လိပ်စာကိုပြောပြလိုက်တယ်။ ဒီကလေးက မနေ့ ကရော ဒီနေ့ မနက်ကပါ ထမင်းမစားရသေးတာကြောင့် ကားပေါ်မှာ အိပ်ပျော်ပြီးမှ ရောက်လာတယ်။ ကျနော်တို့ကို
အဆက်အသွယ်မရပဲ၊ ကျနော်တို့မသိပဲ ထိုင်း ငါးဖမ်းလှေပေါ်မှာ ဘယ်လောက်ရှိမလဲ၊ ထိုင်းမှာပြဌာန်းထား တဲ့ လူကုန်ကူးမှု တိုက်ဖျက်ရေး ဥပဒေကလည်း တိုင်ကြားတဲ့သူရှိမှ၊ တစ်ခါ လှေနံပါတ်လှေဆိပ်အမည်၊ ကမ်းကိုကပ်မယ့်နေ့  အချိပ်အဆက်လုပ်ရတာ အတော်ခက်ခဲပါတယ်။ ရောင်းစားခံထားရသူတွေဆိုတာ ဖုန်းလည်းကိုင်ခွင့်မရှိတော့ အတော်အလုပ်ရကိုင်ရ ခက်ခဲပါတယ်” ဟုပြောသည်။
              ပြန်လည်လွတ်မြောက်လာသူအားMATအဖွဲ့ကယ်ဆယ်ရေးအခန်းတွင် ဆေးဝါးကုသပေးခြင်း၊
 ကျွေးမွေးခြင်းများ ကူညီပေးလျှက်ရှိသည်။

by- goldenworkers.

No comments:

Post a Comment

Related Posts Plugin for WordPress, Blogger...