ဝန်ကြီးဌာနကလည်း ယင်းဖြစ်စဉ်တွင် Rainအနေဖြင့် စည်းမျဉ်းများကို ချိုးဖောက်ခဲ့ခြင်း ရှိမရှိ စုံစမ်းသွားမည်ဟု ဆိုသည်။ တေဟီး၏ မြို့သို့ ရောက်နေချိန်တွင် Rainသည် စစ်မှုထမ်း တာဝန်ချိန် ဖြစ်နေသည်ဟုလည်း ယူဆရသည်။ Rainသည် နိုင်ငံ၏ စစ်တပ်တွင် အမှုထမ်းရာ၌ တပ်တွင်းဖျော်ဖြေရေး ကဏ္ဍအတွက် တာဝန်ယူထားရသည်။ ၎င်းသည် ဆိုးလ်မြို့တော်ရှိ စစ်စခန်းတွင် တာဝန်ကျနေဆဲတွင် ပုဂ္ဂလိက တွေ့ဆုံမှုများကို တားမြစ်ကန့်သတ် ခံထားရသည်။
အထူးသဖြင့် ပြင်ပဖျော်ဖြေပွဲများနှင့် သီချင်းကိစ္စများအတွက် လတ်တလောတွင် လုပ်ဆောင်ခွင့် မရှိချေ။ တေဟီး၏ အေဂျင်စီက ယင်းနာမည်ကျော် နှစ်ဦးသည် လွန်ခဲ့သော တစ်လခန့်က စတင်၍ Dateခဲ့ကြကြောင်း ပြောဆိုထားသည်။ Rain၏ အေဂျင်စီကမူ ယင်းသတင်းကို အတည်ပြုခြင်း၊ ငြင်းဆိုခြင်း မရှိချေ။ Rainသည် ပြီးခဲ့သည့်နှစ် အောက်တိုဘာလက စတင်၍ စစ်မှုထမ်းခဲ့ပြီး ယင်းသတ်မှတ်ချက်သည် ဇူလိုင်လတွင် ပြီးဆုံးမည်ဟု သိရှိရသည်။
by-planet
No comments:
Post a Comment