ဆော်ဒီအရေးဗီးယားနိုင်ငံသို့
ဘင်္ဂလားဒေခ်ျ့ ပတ်စ်ပို့ကိုင်ဆောင်၍ သွားသူ
မြန်မာနိုင်ငံသားဆိုသူ၎ဦးကိုဒက္ကားလေဆိပ်တွင်ဘင်္ဂလာအာဏာပိုင်များက
ဖမ်းဆီးလိုက်သည်။ဘင်္ဂလာဒေခ်ျ့ ပတ်စ်ပို့ အတုကို ကိုင်ဆောင်၍ နိုင်ငံခြားသို့ ထွက်ခွာသူ (၆) ဦးကို ဒက္ကားမြို့ရှိ Shahjalal နိုင်ငံတကာ လေဆိပ်တွင် ယမန်နေ့ နံနက် ၈ နာရီ ၃၀ မိနစ်က ဖမ်းဆီးရာ အဖမ်းခံရသူများ အထဲမှ လေးဦးမှာ ရိုဟင်ဂျာ ဆိုသူများ ဖြစ်ကြောင်း ဘင်္ဂလာဒေခ်ျ့ သတင်းစာ များက ဖေါ်ပြ သည်။
ဖမ်းဆီးခံရသူ (၄) ဦးမှာ နာဆီးမာ ခါတွန်(၃၀) နှစ်၊ သူမ၏ သမီးဖြစ်သူ ဂျန်နာတီ ဘေဂွန် (၁၃) နှစ်၊ သူမ၏ ဆွေမျိုး ရိုကီယာ ဘေဂွန် (၁၈) နှစ်နှင့် ကာဘီယာ အာမတ် (၂၄) နှစ်တို့ ဖြစ်ကြ သည်။
သူတို့ လေးဦးသည် ကူဝိတ် လေကြောင်းဖြင့် ဆော်ဒီ အရေဗီးယားသို့ နံနက် ၁၀ နာရီ ၃၀ မိနစ်တွင် ထွက်ခွာရန် စီစဉ်နေစဉ် ဖမ်းဆီးခံရခြင်း ဖြစ်သည်ဟု ဆိုသည်။
သူတို့မှာ မြန်မာ မွတ်ဆလင် ဒုက္ခသည် စခန်းများတွင် နေထိုင်သူ များ ဖြစ်ကြဖွယ် ရှိပြီး ဒုက္ခသည်များကို ဘင်္ဂလာဒေခ်ျ့ ပတ်စ် ပို့ဖြင့် နိုင်ငံခြားသို့ ပို့ဆောင်ရာတွင် ကူညီ ဆောင်ရွက်သူ ဆင်းမွန် ဘိုင်ယန် (၂၈) နှစ်အာားလည်း လေဆိပ် ရဲတပ်ဖွဲ့ဝင်များက ဖမ်းဆီးလိုက်သည်ဟု သိရသည်။
နောက်ထပ် ဖမ်းဆီးခံရသူ (၂) ဦးမှာ အဆာဒူရ် အစ္စလာမ် (၃၂) နှစ်နှင့် မာမွတ်ဒူရ် အစ္စလာမ် (၂၂) နှစ်တို့ ဖြစ်ကြပြီး ဘင်္ဂလာဒေခ်ျ့နိုင်ငံ သား များ ဖြစ်ကြသည်။
သူတို့ နှစ်ဦးသည် ပတ်စ်ပို့ ကပ်ခွာ လုပ်ပြီး ထိုင်းနိုင်ငံသို့ အိန္ဒိယ လေကြောင်းဖြင့် ထွက်ခွာစဉ် ဒက္ကားလေဆိပ်တွင် ဖမ်းခံခဲ့ရခြင်း ဖြစ်သည်။
narinjara
No comments:
Post a Comment