၎-၁-၂၀၁၃
ရက်နေ့ ၁၁၃၀ အချိန် ရှမ်းပြည်နယ်၊ ရွှေညောင်မြို့နယ်၊ လှိုင်ဘုံသာရွာနေ
အောင်ကျော်မိုးမှ ၎င်းင်းနှင့်မျိုးမင်းသန်းတို့ ၂ ဦးသည် တာချီလိတ်မြို့၊
ဝမ်ကောင်းဈေးရှိ ဒေါ်ခင်ချို၏ အုန်းသီး/ငှက်ပျောသီးအရောင်းဆိုင်တွင်
အလုပ်လုပ်နေစဉ် တာချီလိတ်မြို့နယ်၊ မယ်လိပါကော်ရွာ နေသူ
မဘူးပါ(၃၇)နှစ်နှင့် မိုးလွင်(ခ)ကျော်သိန်း(၂၉)နှစ်တို့ လင်မယား ၂ ဦး
ရောက်ရှိလာပြီး ထိုင်းနိုင်ငံ၊ ချင်းရိုင်းကော်ဖီခြံတွင်
စရိတ်ငြိမ်းတစ်ဦးလျှင် ဘတ် ၄၅၀၀ ရမည်ဟု စည်းရုံးပြောဆိုသဖြင့် လိုက်ပါ
သွားခဲ့ကြောင်း၊ ထိုင်းနိုင်ငံသို့ရောက်ရှိ၍
ကော်ဖီခြံတွင်အလုပ်လုပ်ကိုင်ခဲ့ရာ ဒေသစံတော်ချိန် နံနက် ၀၅၃၀ အချိန်မှ ၁၈၃၀
အချိန်ထိ ကော်ဖီစေ့(၁၃/၂၁)အိတ် ခူးခဲ့ရကြောင်း၊ အိမ်သို့ပြန်ရောက်သော အခါ
တစ်နေ့တာခူးခဲ့သော ကော်ဖီအိတ်တို့အား ၂၀၀၀ အချိန်ထိ ကြိတ်ခွဲရကြောင်း၊
ကြိတ်ခွဲပြီးမှသာ ထမင်းစားခဲ့ရကြောင်း၊ အချိန်ပိုလုပ်အားခမရရှိကြောင်း၊
၎င်းင်းတို့ ၂ ဦး၏လုပ်အားခ ဘတ် ၉၀၀၀ အား
ဘူးပါနှင့်မိုးလွင်တို့မှဖြတ်ယူသွားခဲ့ကြောင်း၊ ထို့သို့
အလုပ်အကိုင်ရှာဖွေပေးမည်ဟု ပြောဆိုစည်းရုံး၍ လုပ်အားခခေါင်းပုံဖြတ်သူ
ဘူးပါနှင့် မိုးလွင်(ခ)ကျော်သိန်းတို့ ၂ ဦးအား အရေးယူပေးရန် တိုင်တန်း
သဖြင့် ၈-၃-၂၀၁၃ ရက်နေ့ ၁၅၀၀ အချိန် တာချီလိတ်ရဲစခန်း(ပ)၅၁/၂၀၁၃၊
လူကုန်ကူးမှု တားဆီးကာကွယ်ရေးဥပဒေပုဒ်မ ၂၅ ဖြင့် အမှုဖွင့်အရေးယူထားကြောင်း
သတင်းရရှိသည်။
by-ရဲဇာနည်
No comments:
Post a Comment