ရောင်းစားခံရသည့် မြန်မာ မိန်းကလေး ၈ ဦးကို ကယ်တင်

ထိုင်းနိုင်ငံ ကန်ချနဘူရီမြို့တွင် “စို့ကျိုင်း” အမည်နှင့် ဖွင့်လှစ်ထားသော အငှား တိုက်ခန်းတခုတွင် ရောင်းစားခံရပြီး လိင်ဖျော်ဖြေရေးအလုပ် လုပ်ခိုင်းခံနေရသည့် အသက် ၁၈ နှစ် မပြည့်သော မြန်မာမိန်းကလေး
၈ ဦးကို ထိုင်း အာဏာပိုင်များက ယမန်နေ့က ကယ်တင်လိုက်ကြောင်း သတင်းရရှိသည်။

ရောင်းစားခံရသည့် မြန်မာ မိန်းကလေးများကို ထိုင်း လူကုန်ကူးမှု တိုက်ဖျက်ရေး ဌာန (Anti-Human Trafficking Division – AHTD) မှ ထောက်လှမ်းရေး အဖွဲ့ဝင်များက မိန်းကလေး တဦးလျှင် ဘတ်ငွေ ၁ ထောင်ပေးပြီး ပျော်ပါးလိုသူများ ဟန်ဆောင်လျက် ဝင်ရောက် ကယ်တင်ခြင်း ဖြစ်ကြောင်း AHTD အဖွဲ့မှ ဗိုလ်မှူးချုပ် ချဝလစ် (Chavalit)
က ယမန်နေ့က ပြုလုပ်သော သတင်းစာရှင်းလင်းပွဲတွင် သတင်းထောက် များကို ပြောကြားသည်။

“တနိုင်ငံတည်းသား (မြန်မာ) ပွဲစားက မိန်းကလေးတွေရဲ့ မိဘတွေဆီကနေ ဘတ်ငွေ ၃ သောင်းပေး ခေါ်လာပြီးတော့ ထိုင်းနိုင်ငံမှာ ပြည့်တန်ဆာ လုပ်ခိုင်းတာ ဖြစ်တယ်” ဟု ကယ်တင်ထားသည့် မိန်းကလေးများ၏ ထွက်ဆိုချက်ကို ကိုးကား၍ ဗိုလ်မှူးချုပ် ချဝလစ်က ဆိုသည်။

မြန်မာမိန်းကလေး ၈ ဦးနှင့် စပ်ဆက်၍ လူကုန်ကူးမှုနှင့် ပတ်သက်သည်ဟု ယူဆရသော အသက် ၆၄ နှစ်အရွယ် ထိုင်းနိုင်ငံသားတဦးကို အာဏာပိုင်များက ဖမ်းဆီးထားကြောင်း သိရသည်။

ကယ်တင်ထားသည့် မိန်းကလေး ၈ ဦးကို မည်သည့်နေရာတွင် ထိန်းသိမ်း စောင့်ရှောက်ထားကြောင်း ထုတ်ဖော်ပြောကြားခြင်း မရှိပေ။

မြန်မာနိုင်ငံသား လူပွဲစားကို ဖမ်းဆီးနိုင်ရန် ထိုင်းအာဏာပိုင်များက ဖမ်းဝရမ်း ထုတ်ထားပြီဖြစ်ကြောင်း၊ လူကုန်ကူးမှုနှင့် ဆက်စပ်၍ ဖမ်းဆီးထားရသည့် ထိုင်းနိုင်ငံသားကိုလည်း စစ်ဆေးမှုများ ပြုလုပ်သွားမည်ဖြစ်ကြောင်း ဗိုလ်မှူးချုပ် ချဝလစ်က ပြောသည်။

ပြီးခဲ့သည့်နှစ် ဒီဇင်ဘာလကလည်း ကန်ချနဘူရီမြို့တွင် လိင်ဖျော်ဖြေရေး လုပ်ခိုင်းခံနေရသည့် မြန်မာ မိန်းကလေး ၁၈ ဦးကို ထိုင်းအာဏာပိုင်များက ကယ်တင်ခဲ့သည်။ ကယ်တင်လိုက်သည့် မိန်းကလေး ၁၈ ဦးထဲတွင် အသက် ၂၀ အောက် အရွယ် ၃ ဦး ပါဝင်ကြောင်း သိရသည်။

ထိုင်းနိုင်ငံအတွင်း မြန်မာပြည်သား အချင်းချင်း ထိုင်းအလုပ်ရှင် များထံသို့ ရောင်းစားမှုများလည်း ရှိကြောင်း သိရှိရသည်။

ပြီးခဲ့သည့်နှစ် မတ်လမှ စတင်၍ လူကုန်ကူးမှု ပူးပေါင်း တိုက်ဖျက်ရေးဆိုင်ရာ ဆက်ဆံရေးရုံးများကို ထိုင်း-မြန်မာနယ်စပ် တနင်္သာရီတိုင်း၊
ကော့သောင်းမြို့နှင့် ရှမ်းပြည်နယ်၊ တာချီလိတ် မြို့တို့တွင် ဖွင့်လှစ်ထားပြီး ကရင်ပြည်နယ်၊ မြ၀တီမြို့ နယ်စပ်တွင်လည်း ထပ်မံ ဖွင့်လှစ်ရန် စီစဉ်ထားကြောင်း၊ ထိုင်း-မြန်မာ နှစ်နိုင်ငံ အစိုးရ၏ ၂၀၁၁-၂၀၁၄ လုပ်ငန်းစီမံချက် သဘောတူညီချက်အရ ထိုရုံးများကို ဖွင့်လှစ်ခြင်းဖြစ်ကြောင်း သိရသည်။

ထိုင်းနိုင်ငံတွင် လာရောက် အလုပ်လုပ်နေသော ရွှေ့ပြောင်း မြန်မာ အလုပ်သမား ၂ သန်းခွဲမှ ၄ သန်း ၀န်းကျင် ရှိနိုင်ကြောင်း အလုပ်သမား အဖွဲ့အစည်းများက ခန့်မှန်းထားသည်။

ဓာတ်ပုံ - လူကုန်ကူးမှုနှင့် ဆက်စပ်၍ ဖမ်းဆီးထားသော ထိုင်းနိုင်ငံသား (အလယ်မှ အရပ်ဝတ်နှင့်) ကို သတင်းစာ ရှင်းလင်းပွဲတွင် တွေ့ရစဉ်
( posttoday.com)

သန်းထိုက်ဦး
ဧရာဝတီ