ဧဒင်အချစ်ပုံပြင်: ပဲခူးတိုင်းဒေသကြီး ဝေါမြို့နယ်ညောင်ခါးရှည် စံပြကျေးရွာရှိ တရားမ၀င် (နှစ်လုံး/သုံးလုံး) ထီလောင်းကစားဒိုင်းများကို ထိရောက်စွာ အရေးယူပေးပါရန် တင်ပြခြင်း

Tuesday 28 May 2013

ပဲခူးတိုင်းဒေသကြီး ဝေါမြို့နယ်ညောင်ခါးရှည် စံပြကျေးရွာရှိ တရားမ၀င် (နှစ်လုံး/သုံးလုံး) ထီလောင်းကစားဒိုင်းများကို ထိရောက်စွာ အရေးယူပေးပါရန် တင်ပြခြင်း

ပဲခူးတိုင်းဒေသကြီး ဝေါမြို့နယ် ညောင်းခါးရှည် စံပြကျေးရွာသည်  ရန်ကုန်- မော်လမြိုင် ကားလမ်းဘေး စိုက်ပျိုးရေးလုပ်ငန်း အဓိကဖြင့် ၀င်ငွေကောင်းသော ရွာကြီး တစ်ရွာဖြစ်ပါသည်။ စီးပွါးရေး ကောင်းမွန်မှု့ကို အကြောင်းပြုပြီး ကျေးရွာတွင် တရားမ၀င် (နှစ်လုံး၊ သုံးလုံး) လောင်းကစားဒိုင်များ အတင့်ရဲစွာ ဖွင့်လှစ်ရောင်းချ လျှက်ရှိပါသည်။
တရားမ၀င် လောင်းကစားဒိုင်လုပ်ငန်း များကို ဆေးပစ္စည်းအရောင်းဆိုင်၊ အလှကုန်အရောင်းဆိုင်
၊ ရွှေဆိုင်၊ လက်္ဘရည်ဆိုင်၊ အရက်ကိုယ်စားလှယ်ဆိုင်၊ တရားမ၀င်လောင်စာဆီအရောင်းဆိုင် စသည့်ဖြင့် အရောင်ပြလုပ်ငန်းများဖြင့် ဖုံးကွယ်ထားပါသည်။ ဒိုင်ချူပ်၊ လက်ခွဲဒိုင်များ လောင်းကစား မူပြုသော နေရာများမှာ ကျေးရွာ ဈေးလမ်း၊ လမ်းမတော် ၁ လမ်း ၊ ၂ လမ်း စာတိုက်လမ်း ၊သီရိလမ်းများတွင် အဓိက ကော်မရှင်စားများဖြင့် ရောင်းချပါသည်။
အထက်ဌာန များမှလာရောက် ဖမ်းဆီသော်လည်း လောင်းကစားသူ။ ကော်မရှင်စား ရောင်းချသူများသာ ဖမ်းမိသွားသော်လည်း ဒိုင်ချူပ်၊ လက်ခွဲဒိုင်များမှာ ဖမ်းဆီးခံရမှု့ မရှိပဲ ယနေ့ထက်တိုင် တရားမ၀င် ထိကို ယနေ့တိုင်ရောင်းချလျှက်ရှိပါသည်
ကျေးရွာတွင် တရားဥပဒေ စိုးမိုးရေး အတွက်တာဝန်ရှိသူများကို တန်စိုးလက်ဆောင်ပေးခြင်း၊ လိုင်းကြေးပေးခြင်း၊ ၎င်းတို့နှင့်မသင့်မြတ်သူများ ကို အုပ်စုဖွဲ့ ခြိမ်းခြောက်ခြင်း အုပ်ချူပ်ရေးပိုင်:ဆိုင်ရာများတွင် ငွေကြေးအင်အားဖြင့် ဖိအားပေး ၀င်ရောက်စွတ်ဖက်ချယ်လှယ် ခြင်းများ ပြုလုပ်လျှက် ရှိပါသည်။
နိုင်ငံတော်မှ ကျေးရွာနေပြည်သူလူထုအတွက် ဆင်းရဲမှု့လျှော့ချရေး၊ လူမှုဘ၀တိုးတတ်ရေး ၊ စိုက်ပျိုးရေးသွင်းအားစု အတွက် အထောက်အပံ ဖြစ်စေရန် ချေးငွေများ ထုတ်ပေးသော်လည်း ရာခိုင်နှုန်း ၃၀ မျှတရားမ၀င် လောင်းကစားအတွက် အသုံးပြုသဖြင့် အရင်းအနှီးး လျော့နည်းပျောက်ဆုံးခြင်း၊ အကျင့်စာရိတ္တ ပျက်ပြားခြင်း များကျေးရွာတွင် ဖြစ်ပေါ်လျှက်ရှိပါသည်။
မကြာမှီ မိုးရာသီစိုက်ပျိုးရေး စရိတ်ချေးငွေများ တောင်သူလယ်သမား များထံထုတ်ပေးမည့် အချိန်ဖြစ်ပါသောကြောင့် ကျေးရွာအတွင်း ရှိ တရားမ၀င် နှစ်လုံး၊ သုံးလုံး လောင်းကစား ဒိုင်ချူပ် လက်စွဲ ဒိုင်များကို ထိရောက်စွာ အရေးယူပေးပါရန် ပြည်ထဲရေး ၀န်ကြီး ဌာန မြန်မာနိုင်ငံ ရဲတပ်ဖွဲ့၊ သို့အကြောင်းကြား တင်ပြအပ်ပါသည်။
တရားမ၀င် လောင်းကစားပပျောက် စေလိုသူ
ညောင်ခါးရှည် ကျေးရွာသူ၊ ကျေးရွာသားများ
ဝေါမြို့နယ် ပဲခူးတိုင်းဒေသကြီး

2 comments:

  1. လဒ်စားတဲ့ကောင်တွေကိုသာ ရှင်းလိုက်ပါ ပပျောက်သွားပါလိမ့်မယ်

    ReplyDelete
  2. ညောင်ခါးရှည်သားလားမင်းက

    ReplyDelete

Related Posts Plugin for WordPress, Blogger...