ဝါရှင်တန် ဇူလိုင် ၉
အမေရိကန် ပြည်ထောင်စုတွင် လွန်ခဲ့သော
သုံးလက ကမ္ဘာပေါ်တွင် ပထမ ဆုံးအကြိမ် လြွေပန် အတုဖြင့် အစားထိုး ကုသမှုခံ
ယူခဲ့သော သုံးနှစ်နီးပါးအရွယ် မိန်းကလေးငယ် တစ်ဦးသည်
အခြား ရောဂါဝေဒနာဖြင့် ကွယ်လွန်
သွားခဲ့ပြီဖြစ်ကြောင်း အီလီနွိုက်စ် ပြည်နယ် ကလေးဆေးရုံက ဇူလိုင် ၈
ရက်တွင် ထုတ်ဖော် ပြောကြားခဲ့သည်။
ဟာနာအမည်ရှိ အဆိုပါ ကလေးငယ်သည် ဧပြီလတွင်
ပင်မဆဲလ် နည်းပညာဖြင့် လေပြွန် အစားထိုးကုသမှု ခံယူခဲ့ရာ အောင်မြင်မှု
ရရှိခဲ့သော်လည်း သူမ၏ ခန္ဓာကိုယ်အတွင်းမှ အဆုတ်၏ လုပ်ဆောင်မှုသည်
အားနည်းချို့ယွင်း လာသောကြောင့် ဇူလိုင် ၆ ရက်တွင် သေဆုံးခဲ့ခြင်း
ဖြစ်ကြောင်း သူမ၏မိဘများက ပြောကြားခဲ့သည်ဟု သိရသည်။
ဟာနာကို တောင်ကိုရီးယားနိုင်ငံ
ဆိုးလ်မြို့တွင် ၂ဝ၁ဝ ပြည့်နှစ် သြဂုတ်လက ခဲရာခဲဆစ် မွေးဖွားခဲ့ရပြီး
သူမထံတွင် မွေးရာပါလေပြွန် မပါရှိသောကြောင့် ဆေးရုံ၌သာ တစ်ချိန်လုံးထား
ရှိခဲ့ရကြောင်း သိရသည်။ သို့သော်လည်း အီလီနွိုက်စ်ပြည်နယ် ကလေးဆေးရုံမှ
ဆရာဝန်များ သည် ဟာနာ၏ ရိုးတွင်းခြင်ဆီမှ ပင်မဆဲလ်များနှင့် non-absorbable
nanofibers များကို အသုံးပြုပြီး လေပြွန် အတုတစ်ခုကို ဖန်တီး၍
လေပြွန်အစားထိုး ကုသပေးခဲ့ရာ အောင်မြင်မှု ရရှိခဲ့သော်လည်း ၎င်း၌ ထပ်မံ၍
ခံစားနေရသော ရောဂါဝေဒနာကို ကျော်လွှား နိုင်ခဲ့ခြင်း မရှိခဲ့ကြောင်း သိရသည်။
myawady.
No comments:
Post a Comment