မလေးရှားနာမည်ကျော် လက်လီ အရောင်းဆိုင်ကြီး Parkson Department ကို ၂၀၁၃
ခုနှစ် မတ်လအတွင်း ရန်ကုန်မြို့တော်တွင် စတင်ဖွင့်လှစ်မည် ဖြစ်ကြောင်း
အဆိုပါ လုပ်ငန်းနှင့်ပူးပေါင်း ဆောင်ရွက်နေ သည့် FMI ကုမ္ပဏီ၏ တာဝန်ရှိသူ
တစ်ဦးက နိုဝင်ဘာလ ၆ ရက်နေ့တွင် The Voice Weekly သို့ ပြောကြားသည်။
"Parkson စတိုးက နောက်နှစ် မတ်လမှာ ဖွင့်သွားဖို့ ရှိတယ်။ လူသုံး
ကုန်ပစ္စည်း ရောင်းချ တဲ့ကဏ္ဍကို ဝင်ဖို့ စပြီးခြေလှမ်း လိုက်တာပါ။
ဒါကိုရင်းနှီး မြှုပ်နှံမှုပြုလုပ် ရမယ့် ဈေးကွက်အသစ် တစ်ခုလို့
ကျွန်မတို့ကမြင်ထားပါတယ်" ဟု အဆိုပါအမျိုးသမီးက ပြောကြား သည်။
အဆိုပါဆိုင်သည် နိုင်ငံတကာ တွင် လူကြိုက်များ ရေပန်းစားနေသော တန်ဖိုးကြီး လူသုံးကုန်ပစ္စည်းများ၊ အဝတ် အထည်များနှင့် အလှကုန် ပစ္စည်းများကို အဓိကထားပြီး ရောင်းချသွားမည်ဖြစ်ပြီး ယခင် FMI
Center နေရာတွင် ဖွင့်လှစ် နိုင်ရန် FMI ဆောက်လုပ်ရေးကုမ္ပဏီက တာဝန်ယူ တည်ဆောက်နေကြောင်း ယင်း ဆောက်လုပ်ရေးမှ စုံစမ်းသိရှိရသည်။ အဆိုပါ ဆိုင်ကိုဦးစီးမည့် Parkson Myanmar Investment ကုမ္ပဏီကို Parkson Myanmar Co.,Pte.Ltd.၊ Yoma Strategic Holdings Ltd.(YSH) နှင့် First Myanmar Investment Co.,Ltd.(FMI) တို့ပူးပေါင်း ထူထောင်ရန် နိုဝင်ဘာ ၅ ရက်နေ့က သဘောတူညီခဲ့ကြသည်။ ယင်းကုမ္ပဏီ၏ ရှယ်ယာပိုင်ဆိုင် မှုအနေဖြင့် Parkson Myanmar က ၇၀ ရာခိုင်နှုန်း၊ YSH က ၂၀ ရာခိုင်နှုန်းနှင့် FMI က ၁၀ ရာခိုင်နှုန်းပါဝင်မည်ဖြစ် ကြောင်း Yoma Strategic Holidings ကုမ္ပဏီက တရားဝင်ကြေညာချက်ထုတ် ပြန်ခဲ့သည်။ မလေးရှားအခြေစိုက် အဆိုပါ Parkson လက်လီ စတိုးဆိုင်သည် မလေးရှား နိုင်ငံ အနှံ့အပါအဝင် တရုတ်၊ ဗီယက်နမ် နှင့် ကမ္ဘောဒီးယားနိုင်ငံတို့တွင်လည်း ဆိုင်ခွဲများဖွင့်လှစ်ထားသည်။
No comments:
Post a Comment