
မန္တလေးမှာ အောင်ပွဲခံသွားတဲ့ 'စေတန်ရဲ့ကချေသည်' ကားရိုက်တုန်းက ဒဏ်ရာတချို့ရခဲ့တယ်လို့ သိရတာကြောင့် မေးကြည့်တော့ ''အဲဒါက စေ့စပ်ပွဲမှာ ပြေးတဲ့အခန်း ရိုက်တုန်းကကိုယ်က သမံတလင်းပေါ်မှာ ဒူးထောက်ပြီး ပြေးရတဲ့အခါကျတော့ ရီဟာဇယ်လုပ်တာနဲ့ အကျပ်ရိုက်ရော၊ အကျပ်ရိုက်တာက ဒူးမှာဒဏ်ရာတွေရခဲ့တယ်။ ဒီကားလေး ပေါက်မယ်လို့ ထင်ခဲ့တယ်။ ကိုယ်အဲဒီလို ဒဏ်ရာတွေရတဲ့ကားတွေ ပိုပေါက်တာပဲ။ 'ကျောက်သင်ပုန်းတွေမိုးထားတဲ့အိမ်'ဆိုလည်း ဆိုင်ကယ်ကြောင့် ဒဏ်ရာတွေရတာပဲ။ 'မာယာပရော ဂျက်' ရိုက်တုန်းကလည်း အတွန်းခံရတာ ရေညှိကြောင့် ချော် လဲပြီး ဒဏ်ရာရတယ်"လို့ ပြောပါတယ်။ အချိန်ပေး ရမယ့်လူတွေကိုရော ပေးဖြစ်လားမေး တော့ "သူငယ်ချင်းတွေရော၊ မိသားစုရော အကုန်နားလည်ပေးတယ်။သူမအားဘူးပေါ့။တစ်ခါတလေ မုန့်သွားစားကြမယ်ဆိုရင်တောင် လိုက်မယ် ပြောပြီးမှ နိုက်ဆင်းန်ရှိလို့ မသွားဖြစ်တာတွေရှိတယ်။ ကိုယ့်ကို မေတ္တာမပျက်ဘဲ နားလည်ပေးလို့ ဘဝကြီးက ပျော်စရာ ကောင်းပါတယ်"လို့ပြောတာကြောင့်၂ဝ၁၃မှာလည်း အပျို ကြီးပဲ လို့ပြောတော့ ''ဒါဆိုရှာပေးလေ''လို့ နောက်ကြပြီး သက်မွန်မြင့်က ရယ်နေခဲ့ပါတယ်။
နေကွန်းထင်
No comments:
Post a Comment