၂၀-၅-၂၀၁၃
ရက်နေ့ ၁၁၅၀ အချိန် ကချင်ပြည်နယ်၊ ဖားကန့်မြို့နယ်၊ လုံးခင်းတိုက်နယ်
ဆေးရုံသို့ မိုင်းစထိမှန်ဒဏ်ရာရသူ ၄ ဦး ရောက်ရှိနေကြောင်းသတင်းအရ
လုံးခင်းရဲစခန်းမှ တပ်ဖွဲ့ဝင်များ သွားရောက်စစ်ဆေးရာ ဖားကန့်မြို့နယ်၊
ကုဋေကျေးရွာနေ ဦးအားစင်(၃၀)နှစ်တွင် ၀ဲဘက်ဝမ်းဗိုက်ပေါက်ပြဲ၊
ဝဲနောက်ကြောပေါက်ပြဲဒဏ်ရာများနှင့် တစ်ရွာတည်းနေ ဦးလတောင်(၄၈)နှစ်
ပါ ၃ ဦးတို့တွင် ၀ဲ/ယာပေါင်ပေါက်ပြဲ၊ ၀မ်းဗိုက်ပေါက်ပြဲ၊
ဝဲ/ယာခြေထောက်ပေါက်ပြဲ၊ ၀ဲလက်သူကြွယ်
ပွန်းပဲ့ဒဏ်ရာများ အသီးသီးရရှိကြောင်း
တွေ့ရှိရသည်။
စစ်ဆေးချက်အရ ယင်းနေ့ ၁၁၀၀ အချိန်
အလယ်စခန်းကျေးရွာရှိ ဦးလတောင်၏ နေအိမ်မီးဖိုချောင်အဟောင်းအား ဦးအားစင် ပါ
၎ ဦးမှ ပြန်လည်ပြုပြင်ရန်အတွက် မြေကျင်းတူးရာ မြေကြီးထဲမှဗုံးသီးဟောင်း ၁
လုံးထွက်ပေါ်လာသဖြင့် ၀ိုင်းဝန်းကြည့်ရှုနေစဉ် ပေါက်ကွဲမှုဖြစ်ပွားပြီး
ဒဏ်ရာများအသီးသီးရရှိခဲ့ခြင်းဖြစ်ကြောင်း သတင်းရရှိသည်။
(Source: မြန်မာနိုင်ငံရဲတပ်ဖွဲ့ ရဲဇာနည် facebook
No comments:
Post a Comment