၁၀ နှစ်ကြာ အမျိုးသမီး ၃ ဦးအား ပြန်ပေးဆွဲ မယားပြုကျင့်ခြင်း

အမေရိကန် ပြည်ထောင်စု Ohio ပြည်နယ်မှာ လွန်ခဲ့တဲ့ ၁၀ နှစ် နီးပါးက သီးခြားစီ ပျောက်ဆုံး သွား ခဲ့တဲ့ အမျိုး သမီး ၃ ဦးကို Cleveland မြို့မှာ အသက်ရှင် လျက် ပြန်တွေ့ ရှိခဲ့ ပါတယ်။
Amanda Berry ဆိုသူ အမျိုး သမီးဟာ ၂၀ဝ၃ ခုနှစ်တုန်းက အသက် ၁၆ နှစ် အရွယ် မှာ ပျောက်ဆုံး သွားတာ ဖြစ်ပြီး၊ နောက်ပိုင်းမှာ အသက် ၁၄ နှစ် အရွယ် Gina DeJesus နဲ့ ၂၀ဝ၂ ခုနှစ်မှာ ၁၉ နှစ် အရွယ် Michelle Knight တို့ ပျောက်ဆုံး သွားခဲ့တာ ဖြစ်ပါတယ်။
သူတို့ အားလုံးကို အိမ် တအိမ် ထဲမှာ ပြန်တွေ့ ခဲ့ရတာ ဖြစ်ပြီး၊ သူတို့ကို ပိတ်လှောင် ထားပုံ ရတယ်လို့ ရဲက ပြောပါတယ်။ ၆ နှစ် အရွယ် ကလေးငယ် တဦး ကိုလည်း အဲဒီ အိမ်မှာ တွေ့ခဲ့ရ တယ်လို့ ဆိုပါတယ်။
အခုတော့ ဒီကိစ္စနဲ့ ပတ်သက်ပြီး၊ အသက် ၅၀ ဝန်းကျင် ညီအကို သုံးဦးကို ဖမ်းဆီး ထားပါတယ်။
Amanda Berry ၊ Gina DeJesus နဲ့ Michelle Knight တို့ သုံးယောက်ကို နေအိမ်မှာ မတရား ပြုကျင့်မှု တွေနဲ့ အေရီယယ် ကက်စထရိုကို အစိုးရ ရှေ့နေက စွဲချက် တင်ခဲ့တာ ဖြစ်ပါတယ်။
Amanda Berry ကမွေးဖွားတဲ့ ၆ နှစ် အရွယ် မိန်းကလေးငယ်ကို မွေးကထဲက ပိတ်လှောင် ပြန်ပေးဆွဲ မှုနဲ့လဲ သူ့ကို တရားစွဲ ထားပါတယ်။
သားပျက် သားလျှောမှုတွေ ဖြစ်တဲ့အထိ ဒီအမျိုးသမီးတွေကို တောက်လျှောက် အနိုင်အထက် ပြုကျင့်ခဲ့တယ်လို့ စုံစမ်းရေးနဲ့ နီးစပ်တဲ့ သတင်းရင်းမြစ်က ဘီဘီစီကို ပြောကြား ပါတယ်။
အေရီယယ် ကက်စထရိုရဲ့ ညီဖြစ်တဲ့ ပေဒရို နဲ့ အွန်နီးလ် တို့ကိုလဲ ဖမ်းဆီး ထားပေမယ့် စွဲချက် မတင်သေးပါဘူး။
ဒီအမှုနဲ့ ဆက်စပ်နေတဲ့ နောက်ထပ် အိမ်တလုံး ကိုလဲ ရဲက ရှာဖွေနေတယ်လို့ ဆိုပါတယ်။